Video: బాల్కనీ నుంచి జారిపడిన బాలుడు.. క్షణాల్లో కాపాడిన యువకుడు

Egyptian Man Saves Boy Falling From Balcony

గిజాలోని అర్డ్ ఎల్-లెవా ప్రాంతంలో ఓ దుకాణం సమీపంలో అహ్మద్ రగబ్ నిల్చొని ఉన్నాడు. ఆ సమయంలో ఓ భవనం వైపు నుంచి అరుపులు, ఏడుపు వినిపించాయి. ఏం జరిగిందో అటువైపు చూశాడు. అంతలోనే రెండో అంతస్తు నుంచి ఓ చిన్నారి కిందకు పడిపోవడం కనిపించింది. ఒక్క క్షణం కూడా ఆలస్యం చేయకుండా రగబ్ బాలుడి వైపు పరుగెత్తాడు. అతడు కింద పడే ప్రదేశాన్ని అంచనా వేసి.. బాలుడిని పట్టుకునేందుకు సరైన చోట నిలబడ్డాడు.

వాషింగ్ లైన్‌.. బాలుడికి దొరికిన అదనపు క్షణం

బాలుడు కింద పడుతున్న సమయంలో మధ్యలో ఓ వాషింగ్ లైన్‌కు ఢీకొన్నాడు. దీంతో అతడి వేగం కాస్త తగ్గింది. అదే సమయంలో రగబ్‌కు బాలుడి దగ్గరకు చేరుకునేందుకు కొన్ని కీలక క్షణాలు లభించాయి. ఆ అవకాశాన్ని సద్వినియోగం చేసుకున్న రగబ్.. బాలుడు నేలను నేరుగా ఢీకొట్టకుండా తన చేతుల్లో పట్టుకున్నాడు. వెంటనే చుట్టుపక్కల జనం అక్కడికి చేరుకున్నారు. ఘటనపై రగబ్ మాట్లాడుతూ అంతా వేగంగా జరిగిపోయిందనీ, తన భద్రత గురించి ఆలోచించే అవకాశం లేదని తెలిపాడు. బాలుడు ప్రమాదంలో ఉన్నాడని కనిపించగానే కాపాడేందుకు పరుగెత్తాననీ, బాలుడు సురక్షితంగా ఉన్న తర్వాతే పరిస్థితి ఎంత ప్రమాదకరంగా ఉందో తనకు అర్థమైందని వివరించాడు. అసలు తాను బాలుడిని అంత వేగంగా ఎలా చేరుకోగలిగానో కూడా తనకు సరిగ్గా తెలియదని రగబ్ చెప్పాడు. ఇలాంటి పరిస్థితి మళ్లీ ఎదురైతే అదే విధంగా చేయగలనో లేదో కూడా చెప్పలేనని అన్నాడు.

🇪🇬 𝐒𝐨𝐦𝐞𝐭𝐢𝐦𝐞𝐬, 𝐚 𝐬𝐩𝐥𝐢𝐭-𝐬𝐞𝐜𝐨𝐧𝐝 𝐜𝐚𝐧 𝐜𝐡𝐚𝐧𝐠𝐞 𝐚 𝐥𝐢𝐟𝐞 𝐟𝐨𝐫𝐞𝐯𝐞𝐫.

In Giza, Egypt, Ahmed Ragab heard screams and looked up to see a little boy, around four years old, falling from a second-floor balcony.

The child briefly became tangled in a washing line, slowing his fall just enough for Ahmed to react. Without hesitation, he ran underneath and caught the boy in his arms, saving him from a potentially tragic fall.

Then came the most human moment. Once the child was safe, Ahmed sat down against a mattress in the street, visibly shaken, as the reality of what had just happened began to sink in.

“I had no time to think or calculate the risks. All I wanted was to save this child.”

Sometimes instinct takes over before fear has a chance to speak, and one quick reaction can change everything. ❤️

— Rula El Halabi (@Rulaelhalabi) October 4, 2026

ఈ ఘటనకు సంబంధించిన వీడియో సోషల్ మీడియాలో వేగంగా వైరల్ అయింది. బాలుడిని కాపాడిన రగబ్ సమయస్ఫూర్తిని నెటిజన్లు ప్రశంసిస్తున్నారు. ఈ ఘటన తర్వాత రగబ్ తల్లిదండ్రులకు ఓ ముఖ్యమైన సూచన చేశాడు. చిన్నపిల్లలను బాల్కనీలు, కిటికీల దగ్గర ఒంటరిగా వదిలిపెట్టవద్దని కోరాడు. పిల్లలు ఎక్కేందుకు అవకాశం ఉండే కుర్చీలు, టేబుళ్లు లేదా ఇతర వస్తువులను బాల్కనీ, కిటికీలకు దగ్గరగా ఉంచకూడదని సూచించాడు. ఒక్క క్షణం.. ఓ చిన్నారి ప్రాణాన్ని కాపాడింది. ప్రమాదాన్ని చూసి వెనుకడుగు వేయకుండా వెంటనే స్పందించిన రగబ్ సమయస్ఫూర్తి ఇప్పుడు సోషల్ మీడియాలో ప్రశంసలు అందుకుంటోంది