Viral: తలుపులేసిన ఇంట్లో నుంచి ఘాటైన వాసన.. ఏంటా అని బద్దలు కొట్టి చూడగా..

Representative Image 2

ఎవ్వరూ కూడా పైకి కనిపించేనంత అమాయకులు కారు. అమాయకంగా కనిపిస్తున్నారని.. నేరాలు చెయ్యరనుకోవద్దు. అసలు నిజం బయటపడ్డాకే.. నిజస్వరూపం ఏంటన్నది తెలుస్తుంది. దీనికి నిదర్శనం నిలిచే ఓ ఘటన ఇటీవల ముంబైలో ఆలస్యంగా వెలుగులోకి వచ్చింది. ఆ స్టోరీ ఏంటంటే.?

వివరాల్లోకి వెళ్తే.. ముంబైలోని అంధేరీ ప్రాంతంలో రుబీనా, నసీమ్ ఖాన్ దంపతులు అద్దెకు నివాసముంటున్నారు. 2017లో వివాహమైన వీరిద్దరి మధ్య ఇటీవల తరచూ గొడవలు జరుగుతున్నాయి. అప్పుడప్పుడూ కుటుంబ సభ్యులు జోక్యం చేసుకుని వాటిని పరిష్కరిస్తూ వచ్చారు. సీన్ కట్ చేస్తే.. ఈ నెల 12న నసీమ్ ఇంటికి తాళం వేసి ఉండటం స్థానికులు గమనించారు. అదే రోజు రాత్రి నసీమ్‌ను చూసేందుకు వచ్చిన అతడి తల్లిదండ్రులు.. ఇంటికి తాళం వేసి ఉండటం చూసి వెనుదిరిగి వెళ్లిపోయారు.

అయితే ఆ తల్లిదండ్రులు కొడుకు ఆరోగ్యం గురించి దిగులు చెంది.. జూలై 14న అతడి ఫోన్‌కు కాల్‌ చేయగా.. స్విచాఫ్ వస్తుంది. అనంతరం కోడలికి ఫోన్ చేసి.. అడిగి తెలుసుకున్నారు. నెక్ట్స్ రోజు కోడలి ఫోన్ కూడా స్విచాఫ్ వస్తుంది. దీంతో అనుమానమొచ్చి కొడుకు ఇంటికి రాగా.. తాళం వేసి కనిపిస్తుంది. అప్పటికే స్థానికులకు కూడా రుబీనా ఇంటి నుంచి దుర్వాసన వస్తుండటం గమనిస్తారు. దీనితో ఆ ఇంటి తలుపులు బద్దలు కొట్టి.. లోపలికెళ్లి చూడగా.. వారికి బెడ్‌రూమ్ మంచం కింద నసీమ్ ఖాన్ మృతదేహం కుళ్లిన స్థితిలో కనిపించింది. దీనితో వెంటనే పోలీసులకు సమాచారం అందించారు. స్పాట్‌కు చేరుకున్న పోలీసులు.. మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నారు.