Telangana Budget 2023 Highlights: తెలంగాణ ఆచ‌రిస్తుంది.. దేశం అనుస‌రిస్తోంది.. 2023-24 బడ్జెట్‌ హైలెట్స్..

కాంట్రాక్ట్‌ ఉద్యోగులకు బడ్జెట్‌లో తీపికబురు అందించారు ఆర్థిక మంత్రి హరీష్‌రావు. ఏప్రిల్‌ నుంచి కాంట్రాక్టు ఉద్యోగుల సర్వీసును క్రమబద్ధీకరిస్తామని ప్రకటించారు. సెర్ఫ్ ఉద్యోగుల పే స్కెల్‌ను సవరిస్తామని చెప్పారు.

తెలంగాణ బడ్జెట్ ను మంత్రి హరీష్ రావు ప్రవేశపెట్టారు. దీని తర్వాత అసెంబ్లీ బుధవారానికి వాయిదా పడింది.

జర్నలిస్టుల సంక్షేమం కోసం తెలంగాణ ప్రభుత్వం రూ.100కోట్ల నిధిని కార్పస్‌ ఫండ్‌కు కేటాయించింది.

రూ.15కోట్ల నిర్మిస్తున్న మీడియా అకాడమీ భవన నిర్మాణం తుది దశకు చేరుకుందని హరిష్ రావు తెలిపారు.

న్యాయవాదుల సంక్షేమం కోసం కూడా రూ.100కోట్ల నిధిని సమకూర్చినట్లు మంత్రి తెలిపారు.

రాష్ట్రంలో విద్యారంగాన్ని బలోపేతం చేయడానికి ప్రభుత్వం చిత్తశుద్ధితో కృషి చేస్తోందని.. మంత్రి హరిష్ రావు పేర్కొన్నారు. ‘మన ఊరు మన బడి’ ద్వారా పాఠశాలల అభివృద్ధి, యూనివర్సిటీల్లో మౌలిక వసతుల కల్పన, ఆంగ్ల మాధ్యమంలో బోధన లాంటి ఎన్నో వినూత్న కార్యక్రమాలను ప్రభుత్వం చేపడుతోందన్నారు. విద్యార్థులకు సన్నబియ్యంతో మధ్యాహ్న భోజనం అందిస్తున్న ఏకైక రాష్ట్రంగా తెలంగాణ నిలిచిందన్నారు. విద్యాశాఖ కోసం ఈ బడ్జెట్‌లో రూ.19,093కోట్లు ప్రతిపాదిస్తున్నామని తెలిపారు.

• మెట్రో రైల్‌ ప్రాజెక్ట్‌ కోసం రూ.1,500 కోట్లు
• ఎయిర్‌పోర్టు మెట్రో కనెక్టివిటీ కోసం రూ.500 కోట్లు
• ఓల్డ్‌ సిటీలో మెట్రో కనెక్టివిటీ కోసం రూ.500 కోట్లు

ఎన్నికల ఏడాదిలో నియోజకవర్గాలకు భారీగా నిధులు కేటాయిస్తూ తెలంగాణ ప్రభుత్వం నిర్ణయం తీసుకుంది. స్పెషల్‌ డెవలప్‌ఫండ్‌ను భారీగా పెంచింది. గత ఏడాది రూ.2 వేల కోట్లు, ఇప్పుడు రూ.10,348 కోట్లు కేటాయించింది. సంక్షేమానికి పెద్దపీట వేసిన తెలంగాణ పద్దు.. గ్రామాల అభివృద్ధికి కేటాయింపులు భారీగా పెంచింది. పల్లె ప్రగతి, పంచాయతీరాజ్‌ శాఖకు ఏకంగా 31,426 కోట్లు కేటాయించింది. కల్యాణ లక్ష్మీ, షాదీ ముబారక్ 3,210 కోట్లు కేటాయింపులు జరిపింది.

గిరిజన సంక్షేమం కోసం షెడ్యూల్‌ తెగల ప్రత్యేక నిధి కింద రూ.15,233కోట్లు ప్రతిపాదిస్తున్నట్లు హరీష్ రావు తెలిపారు.

షెడ్యూల్‌ కులాలు, తెగల అభివృద్ధే లక్ష్యంగా ప్రత్యేక ప్రగతి నిధి చట్టాన్ని రాష్ట్ర ప్రభుత్వం అమలు చేస్తోంది. ఈ బడ్జెట్‌లో షెడ్యూలు కులాల ప్రత్యేక ప్రగతి నిధి కింద రూ.36,750 కోట్లు ప్రతిపాదిస్తున్నట్లు మంత్రి హరీష్ రావు తెలిపారు. దళిత విద్యార్థులు విదేశాల్లో ఉన్నత విద్యను అభ్యసించడానికి అంబేడ్కర్‌ ఓవర్సీస్‌ స్కాలర్‌షిప్‌ కింద రూ.20లక్షల ఆర్థికసాయాన్ని అందిస్తున్నామన్నారు.

• మైనార్టీ సంక్షేమశాఖకు 2200కోట్లు
• వైద్యఆరోగ్య శాఖకు 12,161కోట్లు
• మున్సిపల్, అర్బన్ డెవలప్‌మెంట్ కోసం 11371కోట్లు
• హోంశాఖకు 9599 కోట్లు

• పంచాయతీ రాజ్ – 2587 కోట్లు
• హైదరాబాద్ మెట్రోకు- 1500 కోట్లు
• గొర్రెల పెంపపం కోసం రూ.100 కోట్లు

• బీసీ సంక్షేమ శాఖకు 6229 కోట్లు
• రుణమాఫీ కోసం – 6385 కోట్లు
• రైతు బంధు – 1575 కోట్లు
• రైతు భీమా – 1589 కోట్లు
• విద్యుత్ సబ్సిడీ – 12000 కోట్లు
• కల్యాణలక్ష్మి – 2000 కోట్లు
• బియ్యం సబ్సిడీ – 2000 కోట్లు
• కెసీఆర్ కిట్ – 200 కోట్లు
• ఆసరా పెన్షన్లు – 12000 కోట్లు
• స్కాలర్షిప్‌ల కోసం – 5609 కోట్లు
• పల్లె ప్రగతి పట్టణ ప్రగతి – 4834 కోట్లు
• డబుల్ బెడ్‌రూమ్‌ల కోసం- 12000 కోట్లు
• ఆరోగ్యశ్రీ – 1463 కోట్లు
• SDF – 10348 కోట్లు
• CDP – 800 కోట్లు
• ఇరిగేషన్ – 10014 కోట్లు

• ఆసరా ఫించన్ల కోసం రూ.12వేల కోట్లు
• దళిత బంధు కోసం రూ.17,700 కోట్లు
• ఎస్పీ ప్రత్యేక నిధి కోసం రూ.36,750 కోట్లు
• ఎస్టీ ప్రత్యేక నిధి కోసం రూ.15,233కోట్లు
• బీసీ సంక్షేమం కోసం రూ.6,229 కోట్లు
• మహిళా, శిశు సంక్షేమం కోసం రూ.2,131కోట్లు
• గ్రామాల్లో రోడ్ల కోసం 2వేల కోట్లు..
• ఆర్ అండ్ బీ రోడ్ల కోసం 2,500 కోట్లు

• వ్య‌వ‌సాయరంగానికి కేటాయింపులు రూ. 26,831 కోట్లు.
• నీటిపారుద‌ల శాఖ‌కు రూ. 26,885 కోట్లు.
• విద్యుత్ కేటాయింపులు రూ. 12,727 కోట్లు.

బడ్జెట్ లో వ్యవసాయ శాఖకు రూ.26,831 కోట్లు కేటాయించినట్లు మంత్రి హరీష్ రావు తెలిపారు.

తెలంగాణ బడ్జెట్‌ను మంత్రి హరీష్ రావు ప్రవేశపెడుతున్నారు. 2023 – 24 బడ్జెట్ 2,90,396 కోట్లతో బడ్జెట్‌ను ప్రవేశపెట్టారు.

• తెలంగాణ 2023 – 24 వార్షిక బడ్జెట్ 2,90,396 కోట్లు
• తలసరి ఆదాయం3,17,215
• మూలధన వ్యయం 37, 525 కోట్లు

దేశంలో అత్యధికంగా అభివృద్ది చెందుతున్న రాష్ట్రాల్లో తెలంగాణ మొదటి స్థానంలో ఉందని మంత్రి హరీశ్ రావు తెలిపారు.

శాసనసభలో మంత్రి హరీష్ రావు బడ్జెట్‌ను ప్రవేశపెడుతున్నారు. సీఎం కేసీఆర్ సారథ్యంలో తెలంగాణ ఆచరిస్తుంది.. దేశం అనుసరిస్తుంది.. అని హరీష్ తెలిపారు.

మంత్రులు హరీష్ రావు, వేముల ప్రశాంత్ రెడ్డి వరుసగా నాలుగోసారి బడ్జెట్ ను ప్రవేశపెట్టనున్నారు. ఈ సందర్భంగా సీఎం కేసీఆర్ కు మంత్రులు హరీష్ రావు, వేముల ప్రశాంత్ రెడ్డి బడ్జెట్ ప్రతులను అందజేశారు.

శాసన సభలో ఆర్థికశాఖ మంత్రి హరీష్ రావు, శాసనమండలిలో మంత్రి వేముల ప్రశాంత్ రెడ్డి బడ్జెట్ ను ప్రవేశపెట్టనున్నారు. మరికాసేపట్లో బడ్జెట్ సమావేశాలు ప్రారంభంకానున్నాయి.

బడ్జెట్ సమావేశాల నేపథ్యంలో సీఎం కేసీఆర్ అసెంబ్లీకి చేరుకున్నారు. సీఎం కేసీఆర్ కు మంత్రులు హరీష్ రావు, వేముల ప్రశాంత్ రెడ్డి స్వాగతం పలికారు. ఈ సందర్భంగా సీఎం కేసీఆర్ కు హరీష్ రావు, వేముల ప్రశాంత్ రెడ్డి పాదభివందనం చేసి ఆశిస్సులు తీసుకున్నారు.

అసెంబ్లీలో బడ్జెట్ ప్రవేశపెట్టే ముందు మంత్రి హరీష్ రావు జూబ్లీహిల్స్‌లోని టీటీడీ ఆలయానికి చేరుకుని పూజలు చేశారు. బడ్జెట్‌ కాపీలతో వెంకటేశ్వరస్వామి సన్నిధికి చేరుకుని హరీష్‌రావు పూజలు చేశారు.

తెలంగాణ మోడల్‌పై దేశ వ్యాప్తంగా చర్చ జరుగుతోందన్నారు మంత్రి హరీష్ రావు. రాష్ట్ర ప్రభుత్వ పథకాలు దేశానికి మోడల్‌గా నిలిచాయన్నారు. సంక్షేమం, అభివృద్ధి ప్రభుత్వానికి రెండు కళ్లు అన్న మంత్రి.. ఆ క్రమంలో బడ్జెట్ ఉంటుందన్నారు. కేంద్రం తెలంగాణపై చిన్నచూపు చూస్తోందని బడ్జెట్ ప్రవేశపెట్టేముందు మాట్లాడారు.

కాసేపట్లో హరీష్ రావు బడ్జెట్ ప్రవేశపెట్టనున్నారు. సంక్షేమం, అభివృద్ధి రెండు కళ్లుగా ఈ బడ్జెట్‌ ఉంటుందని హరీష్‌రావు క్లారిటీ ఇచ్చారు.

• బడ్జెట్‌పై భారీ ఆశలు, అంచనాలు
• సంక్షేమం.. అభివృద్ధే లక్ష్యం..
• ఈసారి బడ్జెట్ రూ.3 లక్షల కోట్లు ఉంటుందని అంచనా
• ఎన్నికల ముందు ప్రవేశపెడుతున్న చివరి బడ్జెట్
• బడ్జెట్‌పై భారీ ఆశలు, అంచనాలు
• ఎన్నికల తాయిలాలు ఉంటాయా? రైతులకు వరాలు కురిపిస్తారా? అనేది చర్చనీయాంశంగా మారింది.

తెలంగాణ బడ్జెట్ ప్రజల ఆకాంక్షకు అనుగుణంగా ఉంటుందని ఆర్ధిక శాఖ మంత్రి హరీష్ రావు పేర్కొన్నారు.

• కేసిఆర్ ఆలోచనలకు అనుగుణంగా బడ్జెట్
• సంక్షేమానికి అభివృద్ధి రెండు జొడేద్దుల్లగా సమపాళ్లలో ఉండబోతోంది.
• కేంద్రం నుండి వివక్ష కొనసాగుతుంటే, ఒక్క రూపాయి కూడా కేంద్రం నుండి రాకపోయినా అభివృద్ధి ధ్యేయంగా తెలంగాణ ముందుకెళ్తోంది.
• సంక్షేమ పథకాలు ఆగకూడదన్న కెసీఆర్ ఆలోచనతో బడ్జెట్ కేటాయింపులు చేశాం
• తెలంగాణ మోడల్ దేశం అవలంభిస్తోంది
• దేశానికి రోల్ మోడల్ తెలంగాణ నిలిచింది
• సభలో నేను, మండలి లో ప్రశాంత్ రెడ్డి ప్రవేశ పెడుతారు
• బడ్జెట్ నిన్న కేబినేట్ ఆమోదంతో పాటు గవర్నర్ ఆమోదం కూడా లభించింది
• ఉదయం 10.30 కు బడ్జెట్ ప్రవేశ పెట్టబోతున్నాం

తెలంగాణ బడ్జెట్ సమావేశాల్లో భాగంగా హరీశ్ రావు అసెంబ్లీకి చేరుకున్నారు.