Munugode Bypoll: మునుగోడు ఉప ఎన్నిక షెడ్యూల్‌ విడుదల.. నవంబర్‌ 3న పోలింగ్‌, 6న కౌంటింగ్‌..

Munugode Bypoll

మునుగోడు ఉప ఎన్నిక షెడ్యూల్‌ విడుదలైంది. నవంబర్‌ 3న పోలింగ్‌, 6న కౌంటింగ్‌ ఉంటుంది. ఈ నెల7న మునుగోడు ఉప ఎన్నిక షెడ్యూల్‌ విడుదల చేసింది. నామినేషన్ల దాఖలుకు చివరితేదీ ఆక్టోబర్‌ 14 అని నిర్ణయించారు. ఈ నెల 7న ఎన్నికలకు నోటిఫికేషన్‌ విడుదల కానున్నది. అదే రోజు నుంచి నామినేషన్ల ప్రక్రియ ప్రారంభమై.. ఈ నెల 14న నామినేషన్ల స్వీకరణకు గడువు ముగియనున్నది. 15న నామినేషన్లను పరిశీలించనుండగా.. 17వ తేదీ వరకు నామినేషన్ల ఉపసంహరణకు గడువు ఇచ్చింది. ఇంతకు ముందు ఎమ్మెల్యేగా గెలుపొందిన కోమటిరెడ్డి రాజీనామా చేయడంతో ఉప ఎన్నిక అనివార్యమైంది.

ఇదిలా ఉండగా.. దేశవ్యాప్తంగా ఆరు రాష్ట్రాల్లో ఉప ఎన్నికలకు కేంద్ర ఎన్నికల సంఘం నోటిఫికేషన్‌ను జారీ చేసింది. ఇందులో రాష్ట్రంలో మునుగోడు నియోజకవర్గానికి ఎన్నిక జరుగనున్నది. తెలంగాణ , మహారాష్ట్ర , హర్యానా , ఉత్తరప్రదేశ్ , ఒడిశా ల్లోని ఒక్కో నియోజకవర్గానికి, బీహార్‌‌లో రెండు నియోజకవర్గాలకు ఎన్నికలు జరగనున్నాయి.

ఇదిలావుంటే.. మునుగోడుకా ముక్బాలా జోరుగా సాగుతోంది. ఫైట్‌లో తాము ఎక్కడా వెనుకబడి లేమని చెప్పేందుకు పార్టీలన్నీ ప్రయత్నిస్తున్నాయి. ఇతర పార్టీల కార్యకర్తల ఒకపార్టీ చేర్చుకుంటుంటే, అలిగిన వారిని బుజ్జగించే ప్రయత్నంలో మరో పార్టీ ఉంది. ఇంకో పార్టీ ఇల్లిల్లు తిరుగుతూ ఓటరు దేవుళ్లను ప్రసన్నం చేసుకునే పనిలో ఉంది.

మరిన్ని తెలంగాణ వార్తల కోసం