200 లీటర్ల పాలను 1000 లీటర్లుగా చేశా.. గుట్టు విప్పిన మల్లారెడ్డి..
టీవీ9 కాన్‌క్లావ్‌లో మంత్రి మల్లారెడ్డి పాల వ్యాపారం, పూల వ్యాపారం గురించి గుట్టు విప్పారు. రోజుకు వెయ్యి లీటర్లు పాలమ్మిన సమయంలో.. నీళ్లతో పాటు పాల పౌడర్ కూడా కలిపినట్టు ఒప్పుకున్నారు మల్లారెడ్డి.
టీవీ9 కాన్‌క్లావ్‌లో మంత్రి మల్లారెడ్డి పాల వ్యాపారం, పూల వ్యాపారం గురించి గుట్టు విప్పారు. రోజుకు వెయ్యి లీటర్లు పాలమ్మిన సమయంలో.. నీళ్లతో పాటు పాల పౌడర్ కూడా కలిపినట్టు ఒప్పుకున్నారు మల్లారెడ్డి. అలా 200 లీటర్ల పాలను వెయ్యి లీటర్లుగా మార్చానని తెలిపారు. ఆ సమయంలో 200 లీటర్లు పాల ఉత్పత్తి జరిగేదని.. చిన్న చిన్న వెండర్ల నుంచి సేకరించేవాడినని తెలిపారు. తక్కువైతే ఆస్ట్రేలియా నుంచి తెచ్చిన పౌడర్ కలిపానన్నారు. అటు పూలు అమ్మకంలో మాత్రం ఏ మాయ చేయలేదని వెల్లడించారు. మరోవైపు తాము వద్దన్నా.. కాంగ్రెస్ నేతలు బీఆర్ఎస్‌లోకి వస్తున్నారని మంత్రి మల్లారెడ్డి అన్నారు. ఎన్నికల్లో డబ్బు అక్కర్లేదు, సేవ చేస్తే చాలు అన్నారు. చేసే వృత్తి చెప్పుకున్నా, అది డైలాగ్‌లా ఫేమస్ అయిందన్నారు. ప్రజలకు మేలు చేసేవారికి ఎన్నికల్లో డబ్బు అవసరం లేదని స్పష్టం చేశారు మల్లారెడ్డి.