Facebook: మీ ఫేస్‌బుక్‌ ప్రొఫైల్‌ను ఎవరు చూస్తున్నారో తెలుసుకోవాలనుందా.? ఈ సింపుల్‌ స్టెప్స్‌ ఫాలో అవ్వండి..
Facebook: ఫేస్‌బుక్‌ ఉపయోగిస్తున్న వారిలో ఉండే సందేహాల్లో తమ ప్రొఫైల్‌ను ఎవరు ఓపెన్‌ చూస్తున్నారో తెలుసుకోవాలనే క్యూరియాసిటీ ఎక్కువగా ఉంటుంది. ఇది సహజమే.. కానీ ఇందుకోసం ఎఫ్‌బీ ప్రత్యేకంగా ఎలాంటి ఫీచర్‌ను అందుబాటులోకి తీసుకురాలేదు. అయితే ఇందుకోసం కూడా ఓ ట్రిక్‌ ఉందని మీకు తెలుసా.?
ఫేస్‌బుక్‌కు ఉన్న ప్రాధాన్యత ఎలాంటిది ప్రత్యేకంగా చెప్పాల్సని పనిలేదు. ప్రపంచ వ్యాప్తంగా ఎక్కువ మంది ఉపయోగించే సోషల్‌ మీడియా సైట్లలో ఫేస్‌బుక్‌ మొదటి వరుసలో ఉంటుదనడంలో ఎలాంటి సందేహం లేదు.
అయితే మన ఫేస్‌బుక్‌ ప్రొఫైల్‌ను ఎవరు ఓపెన్‌ చేసి చూస్తున్నారు.? మన గురించి తెలుసుకోవడానికి ఎవరు ఆసక్తి కనబరుస్తున్నారు.? అన్న క్యూరియాసిటీ అందరిలోనూ ఉంటుంది. అయితే ఫేస్‌బుక్‌లో నేరుగా ఈ విషయాన్ని తెలుసుకోవడానికి ఎలాంటి అవకాశం లేదు. కానీ ఓ చిన్న ట్రిక్‌తో ఈ విషయాన్ని తెలుసుకోవచ్చు. అందుకోసం కొన్ని స్టెప్స్‌ ఫాలో అవ్వండి..
ముందుగా ల్యాప్‌టాప్‌ లేదా డెస్క్‌టాప్‌లో ఫేస్‌బుక్‌ను ఓపెన్‌ చేసి లాగిన్‌ కావాలి. అనంతరం పేజీ ఓపెన్‌ అయిన తర్వాత 'రైట్‌ క్లిక్‌' చేయాలి. అందులో 'వ్యూ పేజ్‌ సోర్స్‌' అనే ఆప్షన్‌ కనిపిస్తుంది. దానిపై క్లిక్‌ చేయాలి.
దీంతో వెంటనే పేజీ సోర్స్‌ కోడ్‌ ఓపెన్‌ అవుతుంది. అందులో 'BUDDY_ID' కోసం వెతకాలి. ఇందుకోసం కంట్రోల్‌+ఎఫ్‌ (ctrl+F) నొక్కి 'BUDDY_ID'అని టైప్‌ చేయాలి.
ఇలా 'BUDDY_ID' పక్కన అనేక ఫేస్ బుక్ ప్రొఫైల్ ఐడీలు కనిపిస్తాయి, వాటిలో ఏదో ఒక ఐడీని కాపీ చేసుకోవాలి. అనంతరం కొత్త ట్యాబ్‌ను ఓపెన్‌ చేసి 'Facebook.com/మీరు ఎంచుకున్న ఐడీని' పేస్ట్‌ చేయాలి. ఉదాహరణకు 'Facebook.com/123456789123456'.
ఈ ఐడీని ఎంటర్‌ చేయగానే మీ ఫేస్‌బుక్‌ ప్రొఫైల్‌ని ఎవరు చూశారో వారి పేజీ ఓపెన్‌ అవుతుంది. చూశారుగా మిమ్మల్ని ఎవరు ఫాలో అవుతున్నారో.. వారికి కూడా తెలియకుండా ఇలా సింపుల్‌గా తెలుసుకోవచ్చన్నమాట.