Apple iPhone 14: ఐఫోన్ 14 గురించిన లీక్ లు మొదలైపోయాయి.. వచ్చే ఏడాది ఐఫోన్ టైప్ సి పోర్ట్ తో వచ్చే అవకాశం ఉంది.. ఎందుకంటే..
ఐఫోన్ 13 ప్రారంభించి కొన్ని నెలలు కాలేదు.. ఇప్పుడు ఆపిల్ రాబోయే ఐఫోన్ గురించి లీక్‌లు ఇంటర్నెట్‌లో విపరీతంగా చక్కర్లు కొడుతున్నాయి. ఆపిల్ 2022లో విడుదల చేయబోయే స్మార్ట్‌ఫోన్‌కి iPhone 14 అని పేరు పెట్టవచ్చని ఆ లీక్ లు చెబుతున్నాయి.
Apple iPhone 14: ఐఫోన్ 13 ప్రారంభించి కొన్ని నెలలు కాలేదు.. ఇప్పుడు ఆపిల్ రాబోయే ఐఫోన్ గురించి లీక్‌లు ఇంటర్నెట్‌లో విపరీతంగా చక్కర్లు కొడుతున్నాయి. ఆపిల్ 2022లో విడుదల చేయబోయే స్మార్ట్‌ఫోన్‌కి iPhone 14 అని పేరు పెట్టవచ్చని ఆ లీక్ లు చెబుతున్నాయి. ఆపిల్ ఐఫోన్ 13 (Apple iPhone 13)ని సెప్టెంబర్ 14, 2021న ప్రారంభించారు. అందువలన ఐఫోన్ 14(iPhone 14) విడుదల తేదీ కూడా 2022లో ఇదే రోజు కావచ్చు.
లీక్స్ ఆపిల్ ప్రో (LeaksApplePro) పేరుతో ఇంటర్ నెట్ లో ఉన్న ఒక టిప్‌స్టర్ ప్రకారం, ఆపిల్ ఐఫోన్ 14 (Apple iPhone 14)కి USB టైప్-సి పోర్ట్‌ను జోడించడం గురించి ఆలోచిస్తోంది. ఇది జరిగితే, ప్రపంచవ్యాప్తంగా ఉన్న సమీక్షకులు, టెక్ ఔత్సాహికులు టైప్-సి కోసం అడుగుతున్నందున సంతోషిస్తారు. ఆపిల్ తాజా ఐఫోన్‌లు యాజమాన్య లైట్నింగ్ పోర్ట్‌తో వచ్చినప్పటికీ, టైప్-C పోర్ట్ ఆపిల్ ఐఫోన్లను మరింత అనుకూలంగా.. ఇతర పరికరాలతో కనెక్ట్ అయ్యేలా చేస్తుంది. అంతేకాకుండా.. టైప్-సి కేబుల్స్ మార్కెట్లో సులభంగా అందుబాటులో ఉన్నాయి.
ఆపిల్ ఐఫోన్ ప్రస్తుత పోర్ట్‌ల కంటే టైప్-సి పోర్ట్‌లు 10 రెట్లు వేగంగా ఉంటాయి
టైప్-సి అడాప్షన్ అనేక కారణాల వల్ల ఆపిల్ వ్యూహాత్మక చర్య అయ్యే అవకాశం ఉంది. ఎందుకంటే, ఇప్పుడున్న లైటింగ్ పోర్ట్‌లలో డేటా బదిలీ వేగం 480Mbpsకి పరిమితం అయివుంది. ఐఫోన్ వినియోగదారులకు ఇది ఆశ్చర్యం కలిగించినప్పటికీ, టైప్-సి పోర్ట్‌లు లైటింగ్ పోర్ట్‌ల కంటే 10 రెట్లు ఎక్కువ వేగంగా ఉంటాయి. డేటా బదిలీ వేగం 5Gbps వరకు ఉంటుంది. అదనంగా, ఆపిల్ తాజా పరికరాలు ప్రో రేస్ వీడియో ఆకృతికి మద్దతు ఇస్తాయి. ఇది చాలా భారీగా ఉంటుంది. ఐఫోన్లలో టైప్-సి పోర్ట్ కలిగి ఉండటం వలన సృష్టికర్తలు తమ ఫుటేజీని ఐఫోన్‌ల నుండి ల్యాప్‌టాప్‌లు లేదా మ్యాక్‌బుక్‌లకు బదిలీ చేయడం సులభం చేస్తుంది.
టైప్-సి పోర్ట్‌ను ఉపయోగించమని ఫోన్ తయారీదారులపై అధికారుల నుండి పెరుగుతున్న చట్టపరమైన ఒత్తిడి కారణంగా ఆపిల్ టైప్-సి పోర్ట్‌ను స్వీకరించవచ్చని ఫోర్బ్స్ నివేదిక పేర్కొంది. యాపిల్ తన లైటేనింగ్ పోర్ట్ కోసం పోరాడకుండా ఉండవచ్చు. ఎందుకంటే ప్రొసీడింగ్స్ భారీ బ్రాండ్ నష్టాన్ని కలిగించవచ్చు. యాపిల్ యుగయుగాలుగా లైట్నింగ్ పోర్ట్‌ని ఉపయోగిస్తోందని గమనించడం ముఖ్యం. ఆపిల్ లైనప్‌లోని ఇతర ఉత్పత్తులు ఇప్పటికే USB-C ఆధారిత ఛార్జింగ్.. డేటా బదిలీ ఎంపికలకు మారాయి.
Apple iPhone 14 స్పెసిఫికేషన్స్ (అంచనా)
ప్రస్తుతం ఐఫోన్ స్పెసిఫికేషన్‌ల గురించి ఎటువంటి సమాచారం లేదు. రాబోయే ఐఫోన్ లైనప్ నాలుగు మోడళ్లలో (మినీ మోడల్ మినహా) వస్తుంది. ఊహాగానాల ప్రకారం, ఐఫోన్ 14 ఐఫోన్ 14 ప్రో6.1″ OLED ప్రోమోషన్ డిస్‌ప్లేతో రావచ్చు. ఐఫోన్ 14 ప్రో మాక్స్ 6.7″ OLED ప్రోమోషన్ డిస్‌ప్లేతో వస్తాయి. ఈ ఐఫోన్లలో ఉపయోగించే ప్రాసెసర్లు ప్రస్తుత A15 బయోనిక్ చిప్ కంటే శక్తివంతమైనవి. అదనంగా, ఆపిల్ కూడా 2022లో నాచ్‌ను తొలగిస్తుందని పుకారు ఉంది.
ఇవి కూడా చదవండి: Stock Market: మళ్ళీ పడిపోయిన రిలయన్స్ షేర్ల ధరలు .. భారీగా తగ్గిన మార్కెట్ కాప్.. బజాజ్ గ్రూప్ షేర్లు కూడా.. ఎంతంటే..