నేనూ బ్యాట్ ఝుళిపిస్తా.. బుడతడా.? మజాకా?

క్రికెట్.. క్రికెట్.. క్రికెట్.. పెద్దవాళ్లకే కాదు.. చిన్న పిల్లలు సైతం ఇష్టపడే ఫేవరేట్ క్రీడ. క్రికెట్ మ్యాచ్ జరిగితే చాలు.. స్టేడియంలు యువతతో హోరెత్తిపోతాయి. ఇండియన్స్‌కు ఇది కేవలం అసాధారణ క్రీడ మాత్రమే కాదు అది ఒక ఎమోషన్ కూడా. ఇక ఈ స్పోర్ట్‌కు గాడ్ సచిన్ టెండూల్కర్ అని అందరికి తెలిసిందే. ఇదిలా ఉంటే తాజాగా డైపర్స్ వేసుకున్న ఓ బుడతడు తన చిట్టి చేతులతో బ్యాట్‌ను ఝుళిపిస్తూ భారీ హిట్టింగ్ ఇస్తున్న వీడియో ఒకటి సామజిక మాధ్యమాల్లో వైరల్ అయింది. ముఖకవళికల్లో స్టీవ్ స్మిత్‌ను.. షాట్స్ ఎంపికలో సచిన్ టెండూల్కర్‌ను.. ఇక టైమింగ్‌లో భారత్ కెప్టెన్ విరాట్ కోహ్లీని గుర్తు చేస్తూ ఆ బుడతడు ఆడుతున్న స్ట్రోక్ ప్లేకు నెటిజన్లతో పాటు ఇంగ్లాండ్ మాజీ కెప్టెన్ మైకేల్ వాన్ కూడా ముగ్దుడైపోయాడు. ‘ఈ గడుగ్గాయి బహుశా ఇంగ్లాండ్ గడ్డపై పుట్టినట్లు ఉన్నాడు.. మొత్తం బ్యాటింగ్‌ నరనరాల్లో చొచ్చుకుపోయిందంటూ ప్రశంసించాడు. ప్రస్తుతం ఈ వీడియో సోషల్ మీడియాలో వైరల్ అయింది.

ఈ బుడతడు ఒక్కడే కాదు.. అటు ఆస్ట్రేలియన్ ఓపెనర్ డేవిడ్ వార్నర్ తనయ కూడా ‘ఐ యామ్ విరాట్ కోహ్లీ’ అంటూ తన బ్యాటింగ్‌ను చూపించిన తీరు నెటిజన్లను విపరీతంగా ఆకట్టుకుంది. ఆమె బ్యాటింగ్ చేస్తున్న వీడియోను తల్లి కాండీస్ వార్నర్ షేర్ చేయగా.. దీనికి వేల సంఖ్యలో లైకులు, షేర్లు రావడం గమనార్హం. లేట్ ఎందుకు మీరు కూడా ఆ రెండు వీడియోలను ఒకసారి చూడండి.