Cricket Viral Video: అంతర్జాతీయ క్రికెట్ అయినా, స్థానిక క్రికెట్ అయినా మైదానంలో ఉత్కంఠతతోపాటు ఎన్నో వింత చర్యలు కూడా కనిపిస్తుంటాయి. బ్యాట్స్మెన్ సెంచరీ లేదా హాఫ్ సెంచరీ చేశాక సెలబ్రేషన్స్ చేస్తుంటారు. అలాగే, బౌలర్లు వికెట్లు పడగొట్టినప్పుడు సెబల్రేషన్స్లో లీనమవుతుంటారు. ఇక డూ ఆర్ డై మ్యాచ్లో అయితే, ఇవి పీక్స్కు చేరుకుంటాయి. ఇలాంటి వీడియోలు సోషల్ మీడియాలో తెగ వైరల్ అవుతుంటాయి. తాజాగా ఇలాంటి వీడియో ఒకటి విపరీతంగా సందడి చేస్తోంది. ఈ వీడియో చూస్తే నవ్వకుండా ఉండలేరు.
సోషల్ మీడియాలో వైరల్ అవుతున్న వీడియో షహీద్ భగత్ సింగ్ స్టేడియంలో చోటు చేసుకుంది. ఈమ్యాచ్లో వికెట్ తీసిన తర్వాత బౌలర్ విచిత్రమైన వేడుకలతో అందరినీ నవ్వించాడు.
Comment how many bowlers and batsmen celebrations did Paaji try and copy. Tag them all 😂 #cricket #celebrations pic.twitter.com/jeJ4xzPCHe
— Rahul Dravid (@RahulDravid_270) August 15, 2024
బౌలర్ వికెట్ పడగొట్టిన వెంటనే గతంలో ఎక్కడా చూడని విధంగా సంబరాలు చేసుకోవడం వీడియోలో చూడొచ్చు. ఈ స్పిన్ బౌలర్ బంతిని వేసిన వెంటనే.. బ్యాటర్ ఆ బంతిని కొట్టడంలో విఫలమయ్యాడు. అయితే, బాల్ కాలికి తగిలడంతో బౌలర్ అప్పీల్ చేస్తాడు. ఆ వెంటనే అంపైర్ ఔట్ గా ప్రకటించడంతో బౌలర్ సంబరాలు మొదలయ్యాయి. ముందుగా బౌలర్ కాళ్లు ముడుచుకుని నేలపై కూర్చొని ఆపై సెల్యూట్ చేశాడు.
అనంతరం నేలపై కూర్చొని నమస్కారం చేయడం, ఆ తర్వాత షూ తీసి చెవి దగ్గర పెట్టుకుకుని ఫోనల్ మాట్లాడినట్లు చేయండి.. ఆ తర్వాత, బూట్లు ఆకాశం వైపు విసిరి, నేలపై పడుకుని పుష్-అప్స్ చేయండంతో అందరూ ఆశ్చర్యపోయారు.
ఈ వీడియో సోషల్ మీడియాలో చాలా వేగంగా వైరల్ అవుతోంది. ఈ వీడియో చూసి చాలా మంది నవ్వుకుంటున్నారు. ఎన్నో ఏళ్లుగా ఔట్ చేయాలనుకున్న బ్యాట్స్మెన్ వికెట్ తీశాడేమో అంటూ కామెంట్స్ చేస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..