‘ఆనంద్ మహీంద్రా సర్ గిఫ్ట్‌ ఇచ్చినందుకు ధన్యవాదాలు’.. మా ప్రదర్శన ఎప్పటికి ఇలాగే ఉంటుందంటున్న టీం ఇండియా ప్లేయర్..
Washington Sundar: ఆనంద్ మహీంద్రా సర్ గిఫ్ట్‌ ఇచ్చినందుకు ధన్యవాదాలు. మా ప్రదర్శన ఎప్పటికి ఇలాగే కొనసాగిస్తామని చెబుతున్నాడు టీం ఇండియా
Washington Sundar: ఆనంద్ మహీంద్రా సర్ గిఫ్ట్‌ ఇచ్చినందుకు ధన్యవాదాలు. మా ప్రదర్శన ఎప్పటికి ఇలాగే కొనసాగిస్తామని చెబుతున్నాడు టీం ఇండియా ప్లేయర్ వాషింగ్టన్ సుందర్. ఆస్ట్రేలియాపై టీమిండియా టెస్టు సిరీస్‌ విజయం సాధించినందుకు ఆరుగురు భారత యువ ఆటగాళ్లకు ఆనంద్ మహీంద్రా ‘థార్‌ ఎస్‌యూవీ’ కార్లను బహుమతిగా ఇచ్చిన సంగతి తెలిసిందే. ఈ సందర్భంగా ఆనంద్ మహీంద్రాకు టీమిండియా ఆల్రౌండర్ వాషింగ్టన్ సుందర్ ట్విట్టర్ వేదికగా కృతజ్ఞతలు తెలిపాడు.
మా యువకులకు ఇస్తున్న ప్రోత్సాహం, మద్దతుకు ధన్యవాదాలు మా అత్యుత్తమ ప్రదర్శనను ఇలానే కొనసాగిస్తామని పేర్కొన్నాడు. సుందర్‌తో పాటు శార్దూల్ ఠాకూర్‌, మహ్మద్‌ సిరాజ్‌, శుభ్‌మన్‌ గిల్‌, నవదీప్‌ సైని, టి.నటరాజన్‌లకు కార్లను అందించాడు. ఆఖరి టెస్టులో ఆస్ట్రేలియాపై టీమిండియా విజయం సాధించిన సంగతి తెలిసిందే. ఇక ఈ మ్యాచ్‌లో సుందర్ ఆల్రౌండర్ ప్రదర్శనతో అదరగొట్టాడు. అర్ధశతకం సాధించడంతో పాటు నాలుగు వికెట్లు పడగొట్టాడు.