IPL 2021 SRH vs RR Highlights: 7 వికెట్ల తేడాతో హైదరాబాద్ ఘన విజయం.. అర్థసెంచరీలతో ఆకట్టుకున్న రాయ్, విలియమ్సన్

ఐపీఎల్ 2021లో భాగంగా 40 వ మ్యాచులో సన్‌రైజర్స్‌ హైదరాబాద్‌ టీంతో రాజస్థాన్ రాయల్స్ టీం తలపడిన సంగతి తెలిసిందే. హోరాహోరీగా సాగిన ఈ మ్యాచులో సన్‌రైజర్స్‌ హైదరాబాద్ టీం 7 వికెట్ల తేడాతో విజయం సాధించింది.
165 పరుగుల లక్ష్యాన్ని కేవలం 18.3 ఓవర్లలో కేవలం 3 వికెట్లు కోల్పోయి సాధించింది.

ప్రియం గ్రాగ్ (0) రూపంలో హైదరాబాద్ టీం మూడో వికెట్‌ను కోల్పోయింది.

రాయ్ (60 పరుగులు, 42 బంతులు, 8 ఫోర్లు, 1 సిక్స్) రూపంలో హైదరాబాద్ టీం రెండో వికెట్‌ను కోల్పోయింది. చేతన్ సకారియా బౌలింగ్‌లో శాంసన్‌కు క్యాచ్ ఇచ్చి పెవిలియన్ చేరాడు. స్కోర్ 114/2 గా ఉంది.

జాన్సన్ రాయ్ వరుసగా బౌండరీలో దాడి చేస్తూ బౌలర్లకు చుక్కలు చూపిస్తున్నాడు. ఈ క్రమంలో 36 బంతుల్లోనే 6 ఫోర్లు, 1 సిక్స్‌తో అరంగేట్రంలోనే అర్థ సెంచరీ బాదేశాడు. రాహుల్ తెవాటియా వేసిన 10 ఓవర్లో ఒక సిక్స్, మూడు ఫోర్లతో మొత్తం 21 పరుగులు రాబట్టుకున్నాడు.

సాహా (18) రూపంలో హైదరాబాద్ టీం తొలి వికెట్‌ను కోల్పోయింది. లామ్రోర్ బౌలింగ్‌లో శాంసన్ స్టంపింగ్‌తో పెవిలియన్ చేరాడు.

జాన్సన్ రాయ్ 5 ఓవర్లోనూ వరుసగా మూడు ఫోర్లు బాది బౌలర్ క్రిస్ మోరిస్‌పై ఆధిపత్యం ప్రదర్శించాడు. దీంతో ఈ ఓవర్‌లో మొత్తం 18 పరుగులు పిండుకున్నాడు. గత ఓవర్‌ నుంచి ప్రతీ ఓవర్‌లో మూడు ఫోర్లు బాది బౌలర్లకు చుక్కలు చూపిస్తున్నాడు.

జాన్సన్ రాయ్ 4 ఓవర్లో వరుసగా మూడు ఫోర్లు బాది బౌలర్ ముస్తఫిజుర్‌పై ఆధిపత్యం ప్రదర్శించాడు. దీంతో ఈ ఓవర్‌లో మొత్తం 13 పరుగులు పిండుకున్నాడు.

సన్‌రైజర్స్ హైదరాబాద్‌ టీం 3 ఓవర్లు ముగిసే సరికి వికెట్ నష్టపోకుండా 26 పరుగులు చేసింది. క్రీజులో సాహా 18, రాయ్ 7 పరుగులతో బ్యాటింగ్ చేస్తున్నారు.

165 పరుగుల లక్ష్యంతో హైదరాబాద్ టీం బ్యాటింగ్ మొదలుపెట్టింది. ఓపెనర్లుగా రాయ్, సాహా క్రీజులోకి వచ్చారు.

రాజస్థాన్ రాయల్స్ టీం నిర్ణీత 20 ఓవర్లలో 5 వికెట్లు కోల్పోయి 164 పరుగులు సాధించింది. దీంతో హైదరాబాద్‌ ముందు 165 పరుగుల భారీ లక్ష్యాన్ని ఉంచింది.

రాజస్థాన్ రాయల్స్ టీం 18 ఓవర్లు ముగిసే సరికి మూడు వికెట్ల నష్టానికి 153 పరుగులు చేసింది. క్రీజులో శాంసన్ 78, మహిపాల్ 25 పరుగులతో బ్యాటింగ్ చేస్తున్నారు.

రాజస్థాన్ రాయల్స్ కెప్టెన్ శాంసన్ కేవలం 42 బంతుల్లో 5ఫోర్లు, 2 సిక్సులతో అర్థ సెంచరీ సాధించాడు. 134 స్ట్రైక్‌రేట్‌తో పరుగులు సాధిస్తున్నాడు. ప్రస్తుతం ఆర్‌ఆర్ టీం 15.4 ఓవర్లు ముగిసే సరికి 127/3 పరుగులు చేసింది.

రాజస్థాన్ రాయల్స్ టీం 14 ఓవర్లు ముగిసే సరికి మూడు వికెట్ల నష్టానికి 102 పరుగులు చేసింది. క్రీజులో శాంసన్ 38, మహిపాల్ 16 పరుగులతో బ్యాటింగ్ చేస్తున్నారు.

లివింగ్‌స్టోన్ (4) రూపంలో రాజస్థాన్ రాయల్స్ టీం మూడో వికెట్‌ను కోల్పోయింది. రషీద్ ఖాన్ బౌలింగ్‌లో అబ్దుల్ సమద్‌కు క్యాచ్ ఇచ్చి పెవిలియన్ చేరాడు.

జైస్వాల్ (36) రూపంలో రాజస్థాన్ రాయల్స్ టీం రెండో వికెట్‌ను కోల్పోయింది. సందీప్ శర్మ బౌలింగ్‌లో బౌల్డయ్యాడు.

రాజస్థాన్ రాయల్స్ టీం 8 ఓవర్లు ముగిసే సరికి ఒక వికెట్ నష్టానికి 60 పరుగులు చేసింది. క్రీజులో జైస్వాల్ 30, శాంసన్ 24 పరుగులతో బ్యాటింగ్ చేస్తున్నారు.

రాజస్థాన్ రాయల్స్ టీం 5 ఓవర్లు ముగిసే సరికి ఒక వికెట్ నష్టానికి 37 పరుగులు చేసింది. క్రీజులో జైస్వాల్ 23, శాంసన్ 8 పరుగులతో బ్యాటింగ్ చేస్తున్నారు.

ఈవిన్ లీవిస్ (6) రూపంలో రాజస్థాన్ రాయల్స్ టీం తొలి వికెట్‌ను కోల్పోయింది. భువనేశ్వర్ బౌలింగ్‌లో అబ్దుల్ షమద్‌కు క్యాచ్ ఇచ్చి పెవిలియన్ చేరాడు.

సన్‌రైజర్స్ హైదరాబాద్ (ప్లేయింగ్ XI): జాసన్ రాయ్, వృద్ధిమాన్ సాహా (కీపర్), కేన్ విలియమ్సన్ (కెప్టెన్), ప్రియం గార్గ్, అభిషేక్ శర్మ, అబ్దుల్ సమద్, జేసన్ హోల్డర్, రషీద్ ఖాన్, భువనేశ్వర్ కుమార్, సిద్దార్థ్ కౌల్, సందీప్ శర్మ

రాజస్థాన్ రాయల్స్ (ప్లేయింగ్ XI): ఎవిన్ లూయిస్, యశస్వి జైస్వాల్, సంజు శాంసన్ (కీపర్, కెప్టెన్), లియామ్ లివింగ్‌స్టోన్, మహిపాల్ లోమ్రర్, రియాన్ పరాగ్, రాహుల్ తెవాటియా, క్రిస్ మోరిస్, చేతన్ సకారియా, జయదేవ్ ఉనద్కట్, ముస్తఫిజుర్ రహమాన్

కీలక మ్యాచులో రాజస్థాన్ రాయల్స్ టీం టాస్ గెలిచి బ్యాటింగ్ ఎంచుకుంది. దీంతో సన్‌రైజర్స్‌ హైదరాబాద్‌ టీం తొలుత బౌలింగ్ చేయనుంది.