Shubman Gill : ఆ విషయంలో కింగ్ కోహ్లీకి గట్టిగా గండికొట్టేలా ఉన్నాడే శుభ్మన్ గిల్..ఇప్పటికే 40% పెరిగిందట
రోహిత్ శర్మ, విరాట్ కోహ్లీ టెస్ట్ క్రికెట్ నుంచి రిటైర్ అయిన తర్వాత, శుభ్మన్ గిల్ భారత రెడ్-బాల్ క్రికెట్కు కొత్త ముఖంగా ఎదిగాడు. ఇంగ్లాండ్ పర్యటనకు కెప్టెన్గా నియమితుడైన గిల్, తన నాయకత్వంతో, బ్యాటింగ్తో ఆకట్టుకున్నాడు. అతని అద్భుతమైన ప్రదర్శనలు ఇప్పుడు అతన్ని దేశంలోనే అత్యంత మార్కెటబుల్ క్రికెటర్లలో ఒకరిగా నిలబెట్టాయి.
Shubman Gill : క్రికెట్లో కింగ్ విరాట్ కోహ్లీ తర్వాత ఆ లెవల్లో ప్రభావం చూపగల ఆటగాడు ఎవరు? అని చాలామంది ఎదురు చూశారు. ఇప్పుడు ఆ స్థానాన్ని భర్తీ చేస్తూ యంగ్ ప్లేయర్ శుభ్మన్ గిల్ దూసుకొస్తున్నాడు. ముఖ్యంగా రోహిత్ శర్మ, విరాట్ కోహ్లీ టెస్ట్ క్రికెట్ నుంచి రిటైర్ అయిన తర్వాత శుభమన్ గిల్ భారత రెడ్ బాల్ క్రికెట్కు మెయిన్ ఫేసుగా నిలిచాడు.
ఇంగ్లాండ్తో జరిగిన టెస్ట్ సిరీస్లో కెప్టెన్గా వ్యవహరించిన గిల్, తన నాయకత్వంతో, బ్యాటింగ్తో ఆకట్టుకున్నాడు. ఈ సిరీస్ను భారత్ 2-2తో డ్రా చేయడంలో తను కీలక పాత్ర పోషించాడు. మైదానం లోపల, మైదానం వెలుపల అతని అద్భుతమైన ప్రదర్శనలు ఇప్పుడు అతన్ని దేశంలో అత్యంత మార్కెట్ విలువ కలిగిన క్రికెటర్లలో ఒకరిగా నిలబెట్టాయి. అందుకే అతన్ని ఇప్పుడు టీమిండియా ప్రిన్స్ అని పిలుస్తున్నారు.
బ్రాండ్ వాల్యూలో భారీ పెరుగుదల
ఇంగ్లాండ్తో జరిగిన 5 మ్యాచ్ల టెస్ట్ సిరీస్లో శుభ్మన్ గిల్ అత్యధిక పరుగులు సాధించిన బ్యాట్స్మెన్గా నిలిచాడు. అతను మొత్తం 754 పరుగులు చేశాడు. ఈ అద్భుతమైన విజయం తర్వాత తన బ్రాండ్ వాల్యూ 30-40% పెరిగిందని నివేదికలు చెబుతున్నాయి. ప్రస్తుతం గిల్ కోకా-కోలా, నికే, డియోడే వంటి రెండు డజన్లకు పైగా బ్రాండ్లకు అంబాసిడర్గా వ్యవహరిస్తున్నాడు.
సంపాదన, ఎండార్స్మెంట్లు
శుభ్మన్ గిల్ ఒక్కో డీల్కు రూ. 6-10 కోట్లు సంపాదిస్తున్నట్లు తెలుస్తోంది. 2024 సంవత్సరానికి అతని వార్షిక ఎండార్స్మెంట్ ఆదాయం దాదాపు రూ. 40 కోట్లు. అతని ప్రస్తుత ఫామ్, ప్రజాదరణ చూస్తుంటే ఈ ఆదాయం మరింత పెరిగే అవకాశం ఉంది.
ఆసియా కప్ 2025లో గిల్ పాత్ర
ఆసియా కప్ 2025కు ముందు శుభ్మన్ గిల్ టీ20 స్క్వాడ్లో చోటు దక్కుతుందా లేదా అనే విషయంలో కొన్ని ఊహాగానాలు వినిపించాయి. అయితే, తుది జట్టులో అతన్ని వైస్ కెప్టెన్గా ఎంపిక చేయడం ద్వారా ఆ ఊహాగానాలకు తెర పడింది. ఆసియా కప్లో అతను అభిషేక్ శర్మతో కలిసి ఓపెనింగ్ చేయనున్నాడు.
ఆసియా కప్ 2025 టీమిండియా స్క్వాడ్
సూర్యకుమార్ యాదవ్ (కెప్టెన్), శుభ్మన్ గిల్ (వైస్ కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీపర్), జస్ప్రీత్ బుమ్రా, వరుణ్ చక్రవర్తి, అర్ష్దీప్ సింగ్, కుల్దీప్ యాదవ్, సంజు శాంసన్, హర్షిత్ రాణా, రింకూ సింగ్.
స్టాండ్బై ప్లేయర్లు: ప్రసిద్ధ్ కృష్ణ, ధ్రువ్ జురెల్, వాషింగ్టన్ సుందర్, యశస్వి జైస్వాల్, రియాన్ పరాగ్.
మరిన్ని క్రీడా వార్తల కోసం ఇక్కడ క్లిక్ చేయండి..