Rishabh Pant : ఆసియా కప్ లేదు.. ఇక ఆ సిరీస్ కూడా డౌటే.. గాయం తర్వాత లేటెస్ట్ ఫోటో షేర్ చేసిన పంత్
టీమిండియా స్టార్ వికెట్ కీపర్-బ్యాటర్ రిషబ్ పంత్ ప్రస్తుతం తన గాయం నుంచి కోలుకుంటున్నాడు. ఈ నేపథ్యంలో తన సోషల్ మీడియాలో ఒక పోస్ట్ షేర్ చేసి, అభిమానులను బాధపెట్టాడు. తన గాయపడిన కాలికి వాకింగ్ బూట్ వేసుకున్న ఫోటోను పంత్ ఇన్స్టాగ్రామ్ స్టోరీలో షేర్ చేశాడు. ఇది చూసిన అభిమానులు పంత్ త్వరగా కోలుకోవాలని కోరుకుంటున్నారు.
Rishabh Pant : భారత జట్టు స్టార్ వికెట్ కీపర్-బ్యాట్స్మెన్ రిషబ్ పంత్ ప్రస్తుతం తన గాయం నుంచి కోలుకునేందుకు తీవ్రంగా పోరాడుతున్నాడు. ఇటీవల పంత్ తన ఇన్స్టాగ్రామ్ స్టోరీలో ఒక ఫోటోను షేర్ చేశాడు. ఆ ఫోటోలో అతను గాయపడిన కాలికి ప్లాస్టిక్ బూట్ వేసుకుని కనిపించాడు. పంత్ చాలా బాధపడుతున్నట్లు ఆ ఫోటోలో కనిపించింది.
పంత్ కు గాయం ఎలా అయ్యింది?
ఇంగ్లండ్తో జరిగిన టెస్ట్ సిరీస్లో క్రిస్ వోక్స్ వేసిన బంతి పంత్ కాలి వేలికి బలంగా తగిలింది. ఈ దెబ్బతో తీవ్రమైన నొప్పికి గురైన పంత్, సిరీస్లోని చివరి టెస్ట్ మ్యాచ్కి దూరమయ్యాడు. అతని కాలి వేలికి ఫ్రాక్చర్ అయినట్లు స్కానింగ్లో నిర్ధారణ అయ్యింది.
ఎప్పుడు తిరిగి వస్తాడు?
ప్రస్తుతం పంత్ ఆసియా కప్ 2025 జట్టులో లేడు. అక్టోబర్లో వెస్టిండీస్తో సొంతగడ్డపై జరగబోయే టెస్ట్ సిరీస్లో కూడా అతను ఆడేది అనుమానమే. అభిమానులు పంత్ ఎప్పుడు తిరిగి వస్తాడో అని ఆసక్తిగా ఎదురుచూస్తున్నారు. కానీ ఇప్పుడున్న పరిస్థితి చూస్తే పంత్ అంత త్వరగా మైదానంలోకి రావడం కష్టంగానే కనిపిస్తోంది.
Instagram story of Rishabh Pant – Get well soon Spidey 🕷️ pic.twitter.com/SIcdbtOdYB
— Johns. (@CricCrazyJohns) August 31, 2025
అద్భుతమైన ప్రదర్శన
2025లో ఇంగ్లండ్తో జరిగిన ఆండర్సన్-టెండూల్కర్ ట్రోఫీలో రిషబ్ పంత్ అద్భుతమైన బ్యాటింగ్ ప్రదర్శన కనబరిచాడు. కానీ గాయం అతడి ఆటను మధ్యలోనే ఆపేసింది. కేవలం నాలుగు టెస్ట్ మ్యాచ్లలో ఏడు ఇన్నింగ్స్లలో పంత్ 479 పరుగులు చేశాడు. అతని సగటు 68.42. ఇందులో రెండు సెంచరీలు, మూడు హాఫ్ సెంచరీలు ఉన్నాయి.
లీడ్స్లో జరిగిన సిరీస్లో రెండు ఇన్నింగ్స్లలో సెంచరీలు (134, 118) సాధించి పంత్ అందరినీ ఆశ్చర్యపరిచాడు. ఈ రికార్డుతో రెండు ఇన్నింగ్స్లలో సెంచరీలు చేసిన మొదటి వికెట్ కీపర్గా నిలిచాడు. అంతేకాకుండా ఇంగ్లండ్లో ఒక టెస్ట్ సిరీస్లో ఒక భారతీయ వికెట్ కీపర్ అత్యధిక పరుగులు (అలెక్ స్టీవార్ట్ రికార్డును బద్దలు కొట్టి) సాధించాడు. ఒకే సిరీస్లో ఐదు సార్లు 50 కంటే ఎక్కువ స్కోర్లు సాధించిన భారత వికెట్ కీపర్గా కూడా పంత్ నిలిచాడు. రోహిత్ శర్మతో కలిసి టెస్ట్ క్రికెట్లో అత్యధిక సిక్స్లు (88) కొట్టిన భారతీయ ఆటగాడిగా పంత్ రెండో స్థానంలో ఉన్నాడు. ఇంగ్లండ్లో ఒక విదేశీ బ్యాట్స్మెన్ అత్యధికంగా 24 సిక్స్లు కొట్టి పంత్ ఒక కొత్త రికార్డును సృష్టించాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..