Anvay Dravid : రాహుల్ ద్రవిడ్ చిన్న కొడుకుకి బంపర్ ఆఫర్.. ఏకంగా టీమిండియాలో చోటు
భారత క్రికెట్ దిగ్గజం, టీమిండియాకు హెడ్ కోచ్గా పనిచేసిన రాహుల్ ద్రవిడ్ వారసత్వాన్ని ఆయన కుమారులు ముందుకు తీసుకువెళుతున్నారు. ద్రవిడ్ చిన్న కుమారుడు అన్వయ్ ద్రవిడ్ క్రికెట్ కెరీర్లో మరో మెట్టు ఎక్కారు. కర్ణాటక రాష్ట్ర క్రికెట్ అసోసియేషన్ అవార్డులు అందుకోవడంతో పాటు, ఇటీవల వీనూ మాంకడ్ ట్రోఫీలో కర్ణాటకకు కెప్టెన్గా వ్యవహరించిన అన్వయ్.. ఇప్పుడు జాతీయ స్థాయిలో ఒక పెద్ద అవకాశం దక్కించుకున్నారు.
Anvay Dravid : భారత క్రికెట్ దిగ్గజం, టీమిండియాకు హెడ్ కోచ్గా పనిచేసిన రాహుల్ ద్రవిడ్ వారసత్వాన్ని ఆయన కుమారులు ముందుకు తీసుకువెళుతున్నారు. ద్రవిడ్ చిన్న కుమారుడు అన్వయ్ ద్రవిడ్ క్రికెట్ కెరీర్లో మరో మెట్టు ఎక్కారు. కర్ణాటక రాష్ట్ర క్రికెట్ అసోసియేషన్ అవార్డులు అందుకోవడంతో పాటు, ఇటీవల వీనూ మాంకడ్ ట్రోఫీలో కర్ణాటకకు కెప్టెన్గా వ్యవహరించిన అన్వయ్.. ఇప్పుడు జాతీయ స్థాయిలో ఒక పెద్ద అవకాశం దక్కించుకున్నారు. హైదరాబాద్లో బుధవారం నుంచి ప్రారంభం కానున్న పురుషుల అండర్-19 వన్డే ఛాలెంజర్ ట్రోఫీకి ప్రకటించిన భారత జట్టులో అన్వయ్ చోటు దక్కించుకున్నాడు.
భారత దిగ్గజ క్రికెటర్ రాహుల్ ద్రవిడ్ టీమిండియా అత్యంత విజయవంతమైన ఆటగాళ్ళలో ఒకరు. అంతేకాకుండా, కోచ్గా కూడా భారత్కు ఐసీసీ ట్రోఫీని అందించారు. ఆయన ఇద్దరు కుమారులు కూడా క్రికెట్ ఆడతారు. ద్రవిడ్ చిన్న కుమారుడు అన్వయ్ ద్రవిడ్ గత కొంతకాలంగా వార్తల్లో నిలుస్తున్నారు. ఇటీవల కర్ణాటక రాష్ట్ర క్రికెట్ అసోసియేషన్ వార్షిక అవార్డుల కార్యక్రమంలో అతన్ని సత్కరించింది. గత నెలలో వీనూ మన్కడ్ ట్రోఫీలో కర్ణాటకకు కెప్టెన్గా వ్యవహరించారు. ఇప్పుడు అతనికి ఒక పెద్ద టోర్నమెంట్లో భారత జట్టులో చోటు లభించింది.
రాహుల్ ద్రవిడ్ కుమారుడు అన్వయ్ ద్రవిడ్ను బుధవారం నుంచి హైదరాబాద్లో ప్రారంభం కానున్న పురుషుల అండర్-19 వన్డే ఛాలెంజర్ ట్రోఫీకి ఎంపిక చేశారు. ఈ టోర్నమెంట్ ప్రతి సంవత్సరం జరుగుతుంది. యువ ఆటగాళ్లకు తమ టాలెంటును ప్రదర్శించడానికి అవకాశం కల్పిస్తుంది. అన్వయ్ను నాలుగు జట్లలో టీమ్ Cలో చేర్చారు. టాప్ ఆర్డర్ బ్యాట్స్మెన్, వికెట్ కీపర్గా అన్వయ్ దూకుడుగా బ్యాటింగ్ చేయడంలో పేరుగాంచారు. ఈ టోర్నమెంట్ నవంబర్ 5 నుండి 11, 2025 వరకు హైదరాబాద్లో జరుగుతుంది.
టీమ్ C కెప్టెన్గా ఏరాన్ జార్జ్ వ్యవహరించనుండగా ఆర్యన్ యాదవ్ వైస్ కెప్టెన్గా ఉంటారు. టీమ్ C మొదటి మ్యాచ్ శుక్రవారం వేదాంత్ త్రివేది నాయకత్వంలోని టీమ్ Bతో జరుగుతుంది. ఈ మ్యాచ్లో అన్వయ్ ద్రవిడ్ ఆడే అవకాశం ఉంది. అన్వయ్ ద్రవిడ్కు ఇది ఒక పెద్ద అవకాశం అవుతుంది, ఇక్కడ అతను తన ముద్ర వేయాలని కోరుకుంటారు. రాహుల్ ద్రవిడ్ పెద్ద కుమారుడు సమిత్ ద్రవిడ్ కూడా బ్యాట్స్మెన్. సమిత్ ఇటీవల మహారాజా టీ20 కేఎస్సీఏ ట్రోఫీలో టాప్ ఆర్డర్ బ్యాట్స్మెన్గా కొన్ని మ్యాచ్లలో ఆడాడు.
అండర్-19 వన్డే ఛాలెంజర్ ట్రోఫీకి అన్ని జట్ల స్క్వాడ్లు
టీమ్ A: విహాన్ మల్హోత్రా (కెప్టెన్), అభిజ్ఞాన్ కుండూ (వైస్ కెప్టెన్, వికెట్ కీపర్), వంశ ఆచార్య, బాలాజీ రావు (వికెట్ కీపర్), లక్ష్య రాయ్చందాని, వినీత్ వి కే, మార్కండేయ పాంచల్, సాత్విక్ దేశ్వాల్, వి యశ్వీర్, హేమ్చుదేశన్ జే, ఆర్ ఎస్ అంబ్రీష్, హనీ ప్రతాప్ సింగ్, వాసు దేవాని, యుధాజిత్ గుహా, ఇషాన్ సూద్.
టీమ్ B: వేదాంత్ త్రివేది (కెప్టెన్), హర్వంశ్ సింగ్ (వైస్ కెప్టెన్, వికెట్ కీపర్), వాఫీ కచ్చి, సాగర్ విర్క్, సాయన్ పాల్, వేదాంత్ సింగ్ చౌహాన్, ప్రణవ్ పంత్, ఎహిత్ సలారియా (వికెట్ కీపర్), బి కే కిషోర్, అన్మోల్జీత్ సింగ్, నమన్ పుష్పక్, డి దీపేష్, మొహమ్మద్ మాలిక్, మహమద్ యాసిన్ సౌదాగర్, వైభవ్ శర్మ.
టీమ్ C: ఏరాన్ జార్జ్ (కెప్టెన్), ఆర్యన్ యాదవ్ (వైస్ కెప్టెన్), అనికేత్ చటర్జీ, మణికాంత్ శివానంద్, రాహుల్ కుమార్, యశ్ కాసవంకర్, అన్వయ్ ద్రవిడ్ (వికెట్ కీపర్), యువరాజ్ గోహిల్ (వికెట్ కీపర్), ఖిలన్ ఎ పటేల్, కనిష్క్ చౌహాన్, ఆయుష్ శుక్లా, హేనిల్ పటేల్, లక్ష్మణ్ పృథి, రోహిత్ కుమార్ దాస్, మోహిత్ ఉల్వా.
టీమ్ D: చంద్రహాస్ దశ (కెప్టెన్), మౌల్యరాజ్సింగ్ చావ్డా (వైస్ కెప్టెన్), శాంతను సింగ్, అర్నవ్ బుగ్గా, అభినవ్ కన్నన్, కుషాగ్ర్ ఓజా, ఆర్యన్ సక్పాల్ (వికెట్ కీపర్), ఎ రాపోలే (వికెట్ కీపర్), వికల్ప్ తివారి, మొహమ్మద్ ఎనాన్, ఆయాన్ అక్రమ్, ఉద్ధవ్ మోహన్, ఆశుతోష్ మహిడా, ఎం తోషిత్ యాదవ్, సోలిబ్ తారిక్.