APL 2025 : బౌలర్లకు చుక్కలు చూపించాడు .. ఆంధ్ర ప్రీమియర్ లీగ్లో 258 స్ట్రైక్ రేట్తో చెలరేగిన అర్జున్ టెండూల్కర్
పి. అర్జున్ టెండూల్కర్ ఓపెనర్గా క్రీజులోకి వచ్చి బౌండరీల వర్షం కురిపించాడు. ఆయన తన ఇన్నింగ్స్లో కొట్టిన బంతుల్లో 50 శాతం బౌండరీ దాటాయి. 258కి పైగా స్ట్రైక్ రేట్తో పరుగుల సునామీ సృష్టించాడు. కేవలం 12 బంతుల్లో 3 సిక్సర్లు, 3 ఫోర్లతో 31 పరుగులు చేశాడు.
APL 2025 : క్రికెట్లో అర్జున్ టెండూల్కర్ పేరు తెలియని వారు ఉండరు. కానీ, ఆంధ్ర ప్రీమియర్ లీగ్ లో మరో అర్జున్ టెండూల్కర్ దుమ్ములేపుతున్నాడు. అతడి పూర్తి పేరు పిట్టా అర్జున్ టెండూల్కర్. వీళ్లిద్దరి పేర్లు మాత్రమే సేమ్ కాదు. ఇద్దరూ ఎడమచేతి వాటం బ్యాట్స్మెన్లే. అయితే, సచిన్ కుమారుడు అర్జున్ ఆల్రౌండర్ కాగా, పి. అర్జున్ టెండూల్కర్ ఓపెనర్. ఈ మధ్యే జరిగిన ఒక మ్యాచ్లో ఈ యువ బ్యాట్స్మన్ మెరుపు ఇన్నింగ్స్తో అందరి దృష్టిని ఆకర్షించాడు.
ఏపీఎల్లో అర్జున్ విధ్వంసం..
ఆంధ్ర ప్రీమియర్ లీగ్ 2025లో ఆగస్టు 19న కాకినాడ కింగ్స్, భీమవరం బుల్స్ మధ్య ఒక మ్యాచ్ జరిగింది. ఈ మ్యాచ్లో కాకినాడ కింగ్స్ జట్టు తరపున పి. అర్జున్ టెండూల్కర్ ఓపెనర్గా బరిలోకి దిగాడు. భీమవరం బుల్స్ జట్టు మొదట బ్యాటింగ్ చేసి 20 ఓవర్లలో 6 వికెట్ల నష్టానికి 214 పరుగులు చేసింది. 215 పరుగుల భారీ లక్ష్యాన్ని ఛేదించడానికి కాకినాడ కింగ్స్ జట్టుకు ఒక మంచి ఆరంభం అవసరం. ఆ బాధ్యతను అర్జున్ టెండూల్కర్ తన భుజాలపై వేసుకుని ధాటిగా బ్యాటింగ్ చేశాడు.
బౌండరీల వర్షం..
20 ఏళ్ల అర్జున్ టెండూల్కర్ ఓపెనర్గా దూకుడుగా ఆడాడు. తన ఇన్నింగ్స్లో సిక్సులు, ఫోర్లకు తేడా లేకుండా వాటిని మైదానం బయటకు పంపాడు. అతను ఎదుర్కొన్న బంతుల్లో 50 శాతం బంతులను బౌండరీ లైన్కు అవతలకి పంపాడు. కేవలం 12 బంతుల్లో 3 సిక్సులు, 3 ఫోర్లతో 258కి పైగా స్ట్రైక్ రేట్తో 31 పరుగులు చేశాడు.
అర్జున్ టెండూల్కర్ బ్యాటింగ్ చేస్తుండగా కాకినాడ కింగ్స్ స్కోరు 32కి చేరుకుంది. అందులో 31 పరుగులు ఒక్క అర్జున్ చేసినవే. తన 13వ బంతికి పి. అర్జున్ టెండూల్కర్ వికెట్ కోల్పోయాడు. అతనిని ముంబై ఇండియన్స్ ఫాస్ట్ బౌలర్ సత్యనారాయణ రాజు అవుట్ చేశాడు. 26 ఏళ్ల సత్యనారాయణ రాజు ఈ ఏడాది ఐపీఎల్లో ముంబై ఇండియన్స్ తరపున అరంగేట్రం చేశాడు. అతను రెండు మ్యాచ్లు ఆడి ఒక వికెట్ తీశాడు. అర్జున్ టెండూల్కర్ మెరుపు ఇన్నింగ్స్ ఆడినప్పటికీ, అతని జట్టు కాకినాడ కింగ్స్ విజయం సాధించలేకపోయింది. భీమవరం బుల్స్ జట్టు వారిని 27 పరుగుల తేడాతో ఓడించింది.
మరిన్ని క్రీడా వార్తల కోసం ఇక్కడ క్లిక్ చేయండి..