IPL 2021 Final Highlights, CSK vs KKR: ఫైనల్లో చిత్తయిన కోల్‌కతా.. ఎల్లో ఆర్మీదే ఐపీఎల్ 2021 ట్రోఫీ

మొదటి నుంచి అద్భుతంగా ఆడిన చెన్నై సూపర్ కింగ్స్ 27 పరుగుల తేడాతో విజయం సాధించింది. దీంతో చెన్నై సూపర్ కింగ్స్ 4వ సారి ఐపీఎల్ ట్రోఫీని అందుకుంది.

షకిబుల్ హసన్ (0) రూపంలో కోల్‌కతా నైట్‌రైడర్స్‌ టీం ఆరో వికెట్‌ను కోల్పోయింది. రవీంద్ర జడేజా బౌలింగ్‌లో ఎల్బీగా పెవిలియన్ చేరాడు.

దినేష్ కార్తీక్ (9 పరుగులు) రూపంలో కోల్‌కతా నైట్‌రైడర్స్‌ టీం ఐదో వికెట్‌ను కోల్పోయింది. రవీంద్ర జడేజా బౌలింగ్‌లో అంబటి రాయుడుకు క్యాచ్ ఇచ్చి పెవిలియన్ చేరాడు.

శుభ్మన్ గిల్ (51 పరుగులు, 43 బంతులు, 6ఫోర్లు) రూపంలో కోల్‌కతా నైట్‌రైడర్స్‌ టీం నాలుగో వికెట్‌ను కోల్పోయింది. చాహర్ బౌలింగ్‌లో ఎల్బీగా పెవిలియన్ చేరాడు.

శుభ్మన్ గిల్ కేవలం 40 బంతుల్లో 6 ఫోర్లతో తన అర్థ సెంచరీని పూర్తి చేశాడు. ఓవైపు వికెట్లు పడుతున్నా.. మరోవైపు అద్భుత ఆటతీరుతో ఆకట్టుకుంటున్నాడు.

సునీల్ నరైన్ (2) రూపంలో కోల్‌కతా నైట్‌రైడర్స్‌ టీం మూడో వికెట్‌ను కోల్పోయింది. హజల్‌వుడ్ బౌలింగ్‌లో జడేజాకు క్యాచ్ ఇచ్చి వెనుదిరిగాడు.

నితీష్ రానా (0) రూపంలో కోల్‌కతా నైట్‌రైడర్స్‌ టీం రెండో వికెట్‌ను కోల్పోయింది. శార్దుల్ బౌలింగ్‌లో డుప్లెసిస్‌కు క్యాచ్ ఇచ్చి వెనుదిరిగాడు. ఒకే ఓవర్లో రెండు వికెట్లు తీసి కోల్‌కతాను దెబ్బ తీశాడు.

వెంకటేష్ అయ్యర్ (50 పరుగులు, 32 బంతులు, 5 ఫోర్లు, 3 సిక్సులు) రూపంలో కోల్‌కతా నైట్‌రైడర్స్‌ టీం తొలి వికెట్‌ను కోల్పోయింది. శార్దుల్ బౌలింగ్‌లో జడేజాకు క్యాచ్ ఇచ్చి వెనుదిరిగాడు. దీంతో 91 పరుగుల భాగస్వామ్యానికి తెర పడింది.

శుభ్మన్ గిల్ ఇన్నింగ్స్‌ 9.3 ఓవర్లో ఔటయ్యే ప్రమాదం నుంచి తప్పించుకున్నాడు. భారీ షాట్ ఆడిన గిల్.. ఆ బాల్ కెమెరా తీగకు తాకడంతో ఆ బాల్‌ను డెడ్ బాల్‌గా ప్రకటించారు. దీంతో కోల్‌కతా టీంకు బిగ్ రిలీఫ్ దొరికింది.

కోల్‌కతా నైట్‌రైడర్స్ ఓపెనర్ వెంకటేష్ అయ్యర్ కీలకమైన ఫైనల్లో అద్భుతంగా ఆడుతున్నాడు. కేవలం 31 బంతులో 50 పరుగులు సాధించాడు. ఇందులో 5 ఫోర్లు, 3 సిక్సులు ఉన్నాయి.

9 ఓవర్లు ముగిసే సరికి కోల్‌కతా నైట్‌రైడర్స్ టీం 72 పరుగులు సాధించింది. క్రీజులో శుభ్మన్ గిల్ 27, వెంకటేష్ అయ్యర్ 43 పరుగులతో బ్యాటింగ్ చేస్తున్నారు. విజయానికి 66 బంతుల్లో 121 పరుగులు కావాల్సి ఉంది.

6 ఓవర్లు ముగిసే సరికి కోల్‌కతా నైట్‌రైడర్స్ టీం 55 పరుగులు సాధించింది. క్రీజులో శుభ్మన్ గిల్ 22, వెంకటేష్ అయ్యర్ 31 పరుగులతో బ్యాటింగ్ చేస్తున్నారు. విజయానికి 84 బంతుల్లో 138 పరుగులు కావాల్సి ఉంది.

3 ఓవర్లు ముగిసే సరికి కోల్‌కతా నైట్‌రైడర్స్ టీం 24 పరుగులు సాధించింది. క్రీజులో శుభ్మన్ గిల్ 8, వెంకటేష్ అయ్యర్ 15 పరుగులతో బ్యాటింగ్ చేస్తున్నారు. విజయానికి మరో 169 పరుగులు కావాల్సి ఉంది.

కోల్‌కతా నైట్‌రైడర్స్ ఓపెనర్ వెంకటేష్ అయ్యర్ ఇన్నింగ్స్ రెండో ఓవర్లో హజల్‌వుడ్ బౌలింగ్‌లో తొలి సిక్స్‌ బాదేశాడు. అయితే అంతకు ముందు బాల్‌కే ఔటయ్యే ప్రమాదం నుంచి తప్పించుకున్నాడు.

టాస్ ఓడి బ్యాటింగ్ చేసిన చెన్నై నిర్ణీత 20 ఓవర్లలో 3 వికెట్లు కోల్పోయి 192 పరుగులు చేసింది. దీంతో కోల్‌కతా నైట్‌రైడర్స్ టీం ముందు 193 పరుగుల భారీ లక్ష్యాన్ని ఉంచింది.

19 ఓవర్లు ముగిసే సరికి చెన్నై సూపర్ కింగ్ టీం రెండు వికెట్లు నష్టపోయి 185 పరుగులు సాధించింది. క్రీజులో డుప్లెసిస్ 81(55 బంతులు, 7 ఫోర్లు, 3 సిక్సులు), అలీ 35(18 బంతులు, 2 ఫోర్, 3 సిక్సులు) పరుగులతో బ్యాటింగ్ చేస్తున్నారు.

18 ఓవర్లు ముగిసే సరికి చెన్నై సూపర్ కింగ్ టీం రెండు వికెట్లు నష్టపోయి 172 పరుగులు సాధించింది. క్రీజులో డుప్లెసిస్ 80(54 బంతులు, 7 ఫోర్లు, 3 సిక్సులు), అలీ 23(13 బంతులు, 1 ఫోర్, 2 సిక్సులు) పరుగులతో బ్యాటింగ్ చేస్తున్నారు.

17 ఓవర్లు ముగిసే సరికి చెన్నై సూపర్ కింగ్ టీం రెండు వికెట్లు నష్టపోయి 153 పరుగులు సాధించింది. క్రీజులో డుప్లెసిస్ 69, అలీ 16 పరుగులతో బ్యాటింగ్ చేస్తున్నారు.

15 ఓవర్లు ముగిసే సరికి చెన్నై సూపర్ కింగ్ టీం రెండు వికెట్లు నష్టపోయి 131 పరుగులు సాధించింది. క్రీజులో డుప్లెసిస్ 61, అలీ 2 పరుగులతో బ్యాటింగ్ చేస్తున్నారు.

ఊతప్ప (31 పరుగులు, 15 బంతులు, 3 సిక్స్‌లు) రూపంలో చెన్నై సూపర్ కింగ్స్ టీం రెండో వికెట్‌ను కోల్పోయింది. సునీల్ నరైన్ బౌలింగ్‌లో ఎల్బీగా వెనుదిరిగాడు. అయితే రాబిన్ ఊతప్ప 206 స్ట్రైక్ రేట్‌తో బ్యాటింగ్ చేస్తున్న టైంలో ఔట్ అయ్యాడు.

12 ఓవర్లు ముగిసే సరికి చెన్నై సూపర్ కింగ్ టీం ఒక వికెట్ నష్టపోయి 104 పరుగులు సాధించింది. క్రీజులో డుప్లెసిస్ 55, ఊతప్ప 14 పరుగులతో బ్యాటింగ్ చేస్తున్నారు.

9 ఓవర్లు ముగిసే సరికి చెన్నై సూపర్ కింగ్ టీం ఒక వికెట్ నష్టపోయి 65 పరుగులు సాధించింది. క్రీజులో డుప్లెసిస్ 29, ఊతప్ప 2 పరుగులతో బ్యాటింగ్ చేస్తున్నారు.

939 కోహ్లి –  డివిలియర్స్ (2016)
791 డి వార్నర్ – జె బెయిర్‌స్టో (2019)
756 ఆర్ గైక్వాడ్ – ఫాఫ్ డు ప్లెసిస్ (2021) *
744 ఎస్ ధావన్ – పి షా (2021)
731 ఎస్ ధావన్ – డి వార్నర్ (2016)

రుతురాజ్ (32 పరుగులు, 27 బంతులు, 3 ఫోర్లు, 1 సిక్స్) రూపంలో చెన్నై సూపర్ కింగ్స్ టీం తొలి వికెట్‌ను కోల్పోయింది. సునీల్ నరైన్ బౌలింగ్‌లో లాంగ్‌ ఆన్‌లో శివం మావికి క్యాచ్ ఇచ్చి పెవిలియన్ చేరాడు.

6 ఓవర్లు ముగిసే సరికి చెన్నై సూపర్ కింగ్ టీం 50 పరుగులు చేసింది. క్రీజులో రుతురాజ్ 26, డుప్లెసిస్ 22 పరుగులతో బ్యాటింగ్ చేస్తున్నారు.

ఇప్పటి వరకు పంజాబ్ కింగ్స్ టీం కెప్టెన్ కేఎల్ రాహుల్ (626) పరుగులతో ఆరెంజ్ క్యాప్ లిస్టులో అగ్రస్థానంలో నిలిచాడు. నేటి మ్యాచులో చెన్నై ఓపెనర్ రుతురాజ్ గైక్వాడ్ ఇన్నింగ్స్ 3. 4 ఓవర్లో సింగిల్‌ తీసి 626 పరుగులను దాటేశాడు. దీంతో ఆరెంజ్ క్యాప్‌ రుతురాజ్ సొంతం కానుంది.

చెన్నై ఓపెనర్ రుతురాజ్ ఇన్నింగ్స్ మూడో ఓవర్లో షకీబ్‌ను టార్గెట్ చేసుకుని బౌండరీలు సాధిస్తున్నాడు. ఈ ఓవర్లోనే తొలి సిక్స్ బాదేశాడు. మూడు ఓవర్లు ముగిసే సరికి చెన్నై టీం వికెట్ నష్టపోకుండా 22 పరుగులు సాధించింది. క్రీజులో రుతురాజ్ 18, డుప్లెసిస్ 3 పరుగులతో బ్యాటింగ్ చేస్తున్నారు.

ఇన్నింగ్స్ తొలి ఓవర్ నాలుగో బంతినే రుతురాజ్ తొలి బౌండరీగా తరలించాడు. షకిబుల్ హసన్‌ వేసిన ఈ ఓవర్‌లో మొత్తం 6 పరుగులు వచ్చాయి.

ఐపీఎల్ 2021లో చెన్నై టీం టాస్ ఓడి తొలుత బ్యాటింగ్ మొదలుపెట్టింది. ఓపెనర్లుగా రుతురాజ్, డుప్లెసిస్ బరిలోకి దిగారు.

కోల్‌కతా నైట్ రైడర్స్ (ప్లేయింగ్ XI): శుభ్మన్ గిల్, వెంకటేష్ అయ్యర్, నితీష్ రాణా, రాహుల్ త్రిపాఠి, దినేష్ కార్తీక్ (కీపర్), ఇయోన్ మోర్గాన్ (కెప్టెన్), షకీబ్ అల్ హసన్, సునీల్ నరైన్, లాకీ ఫెర్గూసన్, శివమ్ మావి, వరుణ్ చక్రవర్తి

చెన్నై సూపర్ కింగ్స్ (ప్లేయింగ్ XI): రుతురాజ్ గైక్వాడ్, ఫాఫ్ డు ప్లెసిస్, రాబిన్ ఉతప్ప, మొయిన్ అలీ, అంబటి రాయుడు, ఎంఎస్ ధోని (కీపర్/కెప్టెన్), రవీంద్ర జడేజా, శార్దుల్ ఠాకూర్, డ్వేన్ బ్రావో, దీపక్ చాహర్, జోష్ హాజెల్‌వుడ్

ఐపీఎల్ 2021 ఫైనల్ పోరులో కోల్‌కతా నైట్ రైడర్స్ టీం టాస్ గెలిచి బౌలింగ్ ఎంచుకుంది. దీంతో తొలుత చెన్నై సూపర్ కింగ్స్ బ్యాటింగ్ చేయనుంది.

ఇప్పటి వరకు చెన్నై సూపర్ కింగ్స్ (2010, 2011, 2018) ఐపీఎల్ ట్రోఫీని మూడు సార్లు గెలిచింది. అలాగే కోల్‌కతా నైట్ రైడర్స్ టీం (2012, 2014) రెండు సార్లు ట్రోఫీని సాధిచింది.

ఐపీఎల్‌లో రెండు జట్ల మధ్య ఇప్పటి వరకు 27 మ్యాచ్‌లు జరిగాయి. ఇందులో చెన్నై 17, కోల్‌కతా 9 మ్యాచ్‌లు గెలిచాయి. యూఏఈలో జరిగిన 3 మ్యాచ్‌లలో చెన్నై 2, కేకేఆర్ 1 గెలిచింది. ఫైనల్ దుబాయ్ ఇంటర్నేషనల్ స్టేడియంలో జరుగుతుంది. చెన్నై గెలిచిన ఈ మైదానంలో ఈ రెండు జట్లు ఒక్కసారి మాత్రమే ముఖాముఖిగా తలపడ్డాయి.