
Henry Nicholls: భారత్తో జరుగుతున్న తొలి టెస్టులో న్యూజిలాండ్ బ్యాటర్ హెన్రీ నికోల్స్ అద్భుతంగా ఆడాడు. భారత బౌలర్లను దీటుగా ఎదుర్కొంటూ కీలక సమయంలో సెంచరీ సాధించాడు. మ్యాచ్ ఆరంభమైన తొలి ఓవర్లోనే నికోల్స్ బ్యాటింగ్కు రావాల్సి వచ్చింది. జస్ప్రీత్ బుమ్రా మూడో బంతికే న్యూజిలాండ్ కెప్టెన్ టామ్ లాథమ్ను పెవిలియన్కు పంపించాడు. దీంతో నాలుగో బంతికే క్రీజులోకి వచ్చిన నికోల్స్.. ఆరంభం నుంచి జాగ్రత్తగా ఆడుతూ ఒకవైపు వికెట్లు పడుతున్నా నిలకడగా పరుగులు సాధించాడు.
188 బంతుల్లో సెంచరీ
నికోల్స్ తన ఇన్నింగ్స్లో 188 బంతులు ఎదుర్కొని 12 ఫోర్ల సాయంతో సెంచరీ పూర్తి చేశాడు. టెస్టు క్రికెట్లో అతడికి ఇది 12వ సెంచరీ. భారత్పై మాత్రం ఇదే తొలి టెస్టు సెంచరీ. ఈ మ్యాచ్కు ముందు టీమిండియాపై టెస్టుల్లో 10 ఇన్నింగ్స్లు ఆడిన నికోల్స్ కేవలం 122 పరుగులే చేశాడు. అలాంటి బ్యాటర్ ఇప్పుడు అదే భారత బౌలింగ్పై సెంచరీ బాదడం విశేషం. ఈ ఇన్నింగ్స్తో నికోల్స్ తన టెస్టు కెరీర్లో మరో ప్రత్యేక మైలురాయిని అందుకున్నాడు.
ఎక్కువమంది చదివినది: IPL 2027 Retention: రిటెన్షన్ తర్వాత మారిన లెక్కలు.. పవర్ ఫుల్ టీం, వరస్ట్ టీంలు ఏవో తెలుసా..?
గ్లెన్ ఫిలిప్స్తో కీలక భాగస్వామ్యం
న్యూజిలాండ్ ఒక దశలో వరుస వికెట్లు కోల్పోయి కష్టాల్లో పడింది. టామ్ లాథమ్, డెవాన్ కాన్వే, రచిన్ రవీంద్ర, డారిల్ మిచెల్, టామ్ బ్లండెల్ త్వరగా ఔటయ్యారు. దీంతో ఆతిథ్య జట్టు ఐదు వికెట్లు కోల్పోయి ఒత్తిడిలోకి వెళ్లింది. ఈ సమయంలో నికోల్స్కు గ్లెన్ ఫిలిప్స్ అండగా నిలిచాడు. ఇద్దరూ ఆరో వికెట్కు కీలక భాగస్వామ్యం నెలకొల్పి భారత బౌలర్లకు వికెట్ దక్కకుండా అడ్డుకున్నారు. నికోల్స్ సెంచరీ పూర్తి చేయగా, ఫిలిప్స్ కూడా అర్ధ సెంచరీతో రాణించాడు. దీంతో న్యూజిలాండ్ ఇన్నింగ్స్కు గట్టి పునాది పడింది.
బేసిన్ రిజర్వ్లో ఐదు సెంచరీలు
ఈ శతకంతో నికోల్స్ బేసిన్ రిజర్వ్ మైదానంలో తన టెస్టు సెంచరీల సంఖ్యను ఐదుకు చేర్చాడు. న్యూజిలాండ్ తరఫున ఒకే మైదానంలో ఐదు లేదా అంతకంటే ఎక్కువ టెస్టు సెంచరీలు చేసిన బ్యాటర్ల ప్రత్యేక జాబితాలో చోటు సంపాదించాడు. హామిల్టన్లోని సెడ్డన్ పార్క్లో కేన్ విలియమ్సన్ ఏడు సెంచరీలు, రాస్ టేలర్ ఆరు సెంచరీలు సాధించారు. బేసిన్ రిజర్వ్లో మార్టిన్ క్రో, కేన్ విలియమ్సన్ కూడా ఐదేసి సెంచరీలు బాదారు. అయితే నికోల్స్ ఈ ఘనతను వారికంటే తక్కువ ఇన్నింగ్స్ల్లోనే సాధించడం ప్రత్యేకత.
ఎక్కువమంది చదివినది: Video: 13 సిక్సర్లు, 8 ఫోర్లతో ఊహించని విధ్వంసం.. 281 స్ట్రైక్రేట్తో కోహ్లీ దోస్త్ రికార్డుల మోత..!
ఎనిమిది దేశాలపై టెస్టు సెంచరీలు
నికోల్స్ సాధించిన మరో ఘనత ఏమిటంటే.. టెస్టు క్రికెట్లో ఎనిమిది వేర్వేరు దేశాలపై సెంచరీలు నమోదు చేయడం. భారత్పై ఇంతకుముందు శతకం సాధించని అతడు, ఈ మ్యాచ్తో ఆ లోటును కూడా భర్తీ చేశాడు. భారత బౌలర్లు ఆరంభంలోనే న్యూజిలాండ్ను దెబ్బతీసినా, నికోల్స్ పట్టుదలతో ఆడి జట్టును ఆదుకున్నాడు. తొలి రోజు ఆటలో అతడి ఇన్నింగ్స్ న్యూజిలాండ్కు ఎంతో కీలకంగా మారింది.
బేసిన్ రిజర్వ్లో న్యూజిలాండ్ తరఫున అత్యధిక టెస్టు సెంచరీలు
| బ్యాటర్ | సెంచరీలు | మైదానం |
|---|---|---|
| కేన్ విలియమ్సన్ | 5 | బేసిన్ రిజర్వ్ |
| మార్టిన్ క్రో | 5 | బేసిన్ రిజర్వ్ |
| హెన్రీ నికోల్స్ | 5 | బేసిన్ రిజర్వ్ |
మరిన్ని క్రీడా వార్తల కోసం ఇక్కడ క్లిక్ చేయండి..