Video: 7సార్లు 5 వికెట్లు.. ఏకంగా 60 వికెట్లతో చేలరేగిన టీమిండియా నయా సెన్సేషన్.. ఎవరంటే?
Auqib Nabi 5 wickets haul: జమ్మూ కాశ్మీర్ రంజీ ట్రోఫీ ఫైనల్ ఆడుతోంది. హుబ్లి క్రికెట్ గ్రౌండ్‌లో కర్ణాటకతో తలపడుతోన్న ఈ జట్టు తమ తొలి టైటిల్ కోసం చాలా దగ్గరగా వచ్చింది. తొలి టైటిల్ తో చరిత్ర సృష్టించేందుకు సిద్ధమైన కాశ్మీర్ జట్టు.. ముఖ్యంగా ఆ జట్టు ఫాస్ట్ బౌలర్ ఔకిబ్ నబీ అద్భుత ప్రదర్శనతో విజయం దిశగా సాగుతోంది.
Auqib Nabi: జమ్మూ కశ్మీర్ జట్టు తమ చరిత్రలోనే తొలి రంజీ ట్రోఫీ (Ranji Trophy) టైటిల్‌ను గెలుచుకునే దిశగా అతి దగ్గరికి చేరుకుంది. హుబ్లీ లోని హుబ్లీ (KSCA Hubli Cricket Ground) వేదికగా జరుగుతున్న ఫైనల్‌లో వారు కర్ణాటక (Karnataka cricket team) జట్టును ఎదుర్కొంటుంది. ఈ ఫైనల్‌లో జమ్మూ కశ్మీర్ బలమైన స్థితిలో నిలవడానికి ప్రధాన కారణం ఆ జట్టు స్టార్ ఫాస్ట్ బౌలర్ అక్విబ్ నబీ (Auqib Nabi). మ్యాచ్ మొత్తం అతను అద్భుతంగా బౌలింగ్ చేస్తూ ప్రత్యర్థి బ్యాటర్లకు కష్టాలు కలిగించాడు.
రంజీ ట్రోఫీలో అక్విబ్ నబీ అద్భుత ప్రదర్శన..
ఈ రంజీ సీజన్ మొత్తంలో అక్విబ్ నబీ అద్భుత ఫామ్‌లో ఉన్నాడు. ఇప్పటికే ఈ సీజన్‌లో అతను 60 వికెట్లు సాధించాడు. ఇది అతని స్థిరత్వాన్ని, ప్రతిభను స్పష్టంగా చూపిస్తుంది. ప్రత్యర్థి జట్లకు అతను భయంకరమైన బౌలర్‌గా మారాడు.
అంతేకాదు, ఈ కీలక ఫైనల్‌లో కూడా అతను మరోసారి మ్యాచ్ విన్నింగ్ ప్రదర్శన ఇచ్చాడు. ఈ సీజన్‌లో ఏడోసారి ఒక ఇన్నింగ్స్‌లో ఐదు వికెట్లు సాధించడం ద్వారా తన ప్రతిభను మరోసారి నిరూపించాడు.
అక్విబ్ నబీ స్పెల్ వల్ల కర్ణాటక బ్యాటింగ్ లైన్-అప్ కుదేలైంది. అతని కచ్చితమైన లైన్ అండ్ లెంగ్త్, వేగం, స్వింగ్ ప్రత్యర్థులను నిలువరించాయి.
జమ్మూ కశ్మీర్ ఇప్పుడు తమ తొలి రంజీ ట్రోఫీ టైటిల్‌కు అతి దగ్గరలో ఉంది. ఈ విజయంతో రాష్ట్ర క్రికెట్ చరిత్రలో ఇది ఒక స్వర్ణాక్షరాల అధ్యాయం కానుంది.
మరిన్ని క్రీడా వార్తల కోసం ఇక్కడ క్లిక్ చేయండి..