
IRCTC Arunachala Moksha Yatra: కార్తీక మాసంలో ఆధ్యాత్మిక క్షేత్రాలను సందర్శించాలని భావించే భక్తులకు ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ప్రత్యేక టూర్ ప్యాకేజీని అందుబాటులోకి తీసుకొచ్చింది. Arunachala Moksha Yatra పేరుతో రూపొందించిన ఈ యాత్రలో పుదుచ్చేరి, అరుణాచలం, కాంచీపురం వంటి ప్రముఖ పర్యాటక, పుణ్యక్షేత్రాలను సందర్శించవచ్చు. రైలు ప్రయాణం, హోటల్ వసతి, స్థానికంగా తిరిగేందుకు ఏసీ వాహన సదుపాయం కల్పిస్తున్నారు. ప్రతి శుక్రవారం ఈ టూర్ అందుబాటులో ఉంటుంది. ఈ యాత్రకు సంబంధించిన పూర్తి వివరాలు తెలుసుకుందాం.
IRCTC అందిస్తున్న ఈ ప్యాకేజీ కోడ్ SHR107. మొత్తం మూడు ముఖ్యమైన ప్రాంతాలను కవర్ చేసేలా యాత్రను రూపొందించారు. ఈ టూర్లో ప్రయాణికులు కాచిగూడ రైల్వే స్టేషన్ నుంచి తమ ప్రయాణాన్ని ప్రారంభించాల్సి ఉంటుంది. ప్రతి శుక్రవారం సాయంత్రం 5 గంటలకు రైలు బయలుదేరుతుంది. ప్రయాణికులు తమకు అనుకూలంగా స్లీపర్ క్లాస్ లేదా 3AC విభాగాన్ని ఎంచుకోవచ్చు. ఈ ప్యాకేజీలో రెండు రాత్రుల హోటల్ వసతి కల్పిస్తారు. అలాగే రెండు బ్రేక్ఫాస్ట్లు అందిస్తారు. పర్యాటక ప్రాంతాల సందర్శన కోసం ఏసీ వాహనాన్ని ఏర్పాటు చేస్తారు.
ఈ ప్యాకేజీ ధరలు ప్రయాణికుల సంఖ్య, రైల్వే ప్రయాణ తరగతి, గది సదుపాయాన్ని బట్టి మారుతాయి. 2026 జూన్ 1 నుంచి అమలులో ఉన్న ధరలు ఇలా ఉన్నాయి.
1 నుంచి 3 మంది ప్రయాణిస్తే ఒక్కొక్కరికి ధరలు:
4 నుంచి 6 మంది ప్రయాణిస్తే ఒక్కొక్కరికి ధరలు:
పిల్లలకు (5-11 ఏళ్లు) బెడ్తో, బెడ్ లేకుండా ప్రత్యేక ధరలు ఉన్నాయి. 1 నుంచి 3 మంది బుకింగ్లో కంఫర్ట్ విభాగానికి బెడ్తో రూ.10,030, బెడ్ లేకుండా రూ.7,530. స్టాండర్డ్ విభాగానికి వరుసగా రూ.7,950, రూ.5,450 చెల్లించాలి. 4 నుంచి 6 మంది బుకింగ్లోనూ పిల్లలకు ఇదే ధరలు వర్తిస్తాయి.
లంచ్, డిన్నర్, రైల్లో ఆహారం, ఆలయాలు లేదా పర్యాటక ప్రాంతాల ప్రవేశ టికెట్లు ప్యాకేజీలో ఉండవు. బోటింగ్, గుర్రపు స్వారీ, ఇతర వినోద కార్యక్రమాలు, టూర్ గైడ్ సేవలకు ప్రయాణికులే అదనంగా చెల్లించాలి.
పుదుచ్చేరిలో Poppy’s Olive De Villa లేదా అదే స్థాయి హోటల్లో, తిరువణ్ణామలైలో Leaf Hotel లేదా అదే స్థాయి హోటల్లో వసతి కల్పిస్తారు. గదికి గరిష్ఠంగా ఒక అదనపు వ్యక్తికి మాత్రమే అనుమతి ఉంటుంది. ట్రిపుల్ షేరింగ్లో అదనపు బెడ్కు బదులుగా నేలపై మెట్రెస్ ఇచ్చే అవకాశం ఉంది.
రైలు టికెట్లు ప్రయాణ తేదీకి నాలుగు రోజుల ముందు జారీ చేస్తారు. బెర్త్ ప్రాధాన్యతలు లేదా మార్పులకు అవకాశం ఉండదు. హోటల్ చెక్-ఇన్ సమయం మధ్యాహ్నం 12 గంటలు. ముందుగా గది కావాలంటే అందుబాటును బట్టి కేటాయిస్తారు.
మొత్తంగా ఆధ్యాత్మికతతో పాటు ప్రకృతి అందాలను ఆస్వాదించాలనుకునే వారికి ఈ అరుణాచల మోక్ష యాత్ర మంచి అవకాశం. వెళ్లాలనుకునేవారు IRCTC అధికారిక వెబ్సైట్లో SHR107 ప్యాకేజీ వివరాలు పరిశీలించి బుకింగ్ చేసుకోవచ్చు.
ఐఆర్సీటీసీ Arunachala Moksha Yatra ప్యాకేజీ టికెట్ బుకింగ్, పూర్తి వివరాల కోసం ఇక్కడ క్లిక్ చేయండి.