బతుకమ్మ సెలబ్రేషన్స్ స్టార్ట్.. ఏ రోజు ఏ బతుకమ్మ అంటే?
రామ రామ ఉయ్యాలో .. రామనే శ్రీరామ ఉయ్యాలో.. అంటూ చిన్న పెద్దా తేడా లేకుండా ప్రతి ఒక్కరూ పాటలు పాడుతూ బతుకమ్మ ఆటలాడుతారు. తీరొక్క పువ్వులను తీసుకొచ్చి, గౌరమ్మ తల్లిని అందంగా అలంకరించి, రోజుకు ఒక నైవేద్యం సమర్పిస్తూ..బతుకమ్మ పండగను సెలబ్రేట్ చేసుకుంటారు.
సెప్టెంబర్ 21 ఎంగిలి పూల బతుకమ్మతో బతుమ్మ పండుగ వేడుకలు మొదులు అవుతాయి. ఈరోజున ఆడబిడ్డలందరూ రంగు రంగుల పువ్వులు తీసుకొచ్చి బతుకమ్మను పేర్చి, ఎంగిపూల బతుకమ్మతో ఈ పండుగ సెలబ్రేషన్స్ స్టార్ చేస్తారు. తొమ్మిది రోజుల పాటు ఈ బతుకమ్మ ఆటను ఆడుతారు.కాగా, పువ్వులను పూజించే ఈ బతుకమ్మ పండుగను ఏ రోజు ఏ బతుకమ్మను పేరుస్తారు. ఏ పేరుతో పిలుస్తారు. అంతే కాకుండా ఏ నైవేద్యం సమర్పిస్తారో ఇప్పుడు మనం తెలుసుకుందాం పదండి.
పెత్తరామాస రోజు పేర్చే బతుకమ్మను ఎంగిలిపూల బతుకమ్మ అంటారు. భాద్రపద అమావాస్య రోజున పేర్చే ఎంగిలిపూల బతుకమ్మతో బతుకమ్మ పండుగ మొదలు అవుతుంది. ఈ రోజు అమ్మవారికి తులసి ఆకులు, వక్కలు నైవేద్యం సమర్పిస్తారు, రెండో రోజు అటుకుల బతకమ్మ, ఈ అమ్మ వారికి చప్పిడి పప్పు, బెల్లం, అటుకులు నైవేద్యంగా సమర్పిస్తారు.
మూడో రోజు బతుకమ్మను ముద్దపప్పు బతుకమ్మ అంటారు. విదియనాడు ఈ బతుకమ్మను పేరుస్తారు, ఈరోజు అమ్మవారికి ముద్దపప్పు, బెల్లం సమర్పిస్తారు, నాలుగో రోజు నాన బియ్యం బతుకమ్మ, నానేసిన బియ్యంతో పాలు, బెల్లం కలిపి నైవేద్యంగా సమర్పిస్తారు.
ఐదో రోజు అట్ల బతుకమ్మ ఈరోజు అట్లు తయారు చేసి అమ్మవారికి సమర్పిస్తారు, ఆరో రోజు అలిగిన బతుకమ్మ, ఈరోజు అమ్మవారు అలిగారు అని బతుకమ్మ ఆడరు. అంతే కాకుండా ఈరోజును అర్రెం అని కూడా పిలుస్తారు.ఎడో రోజు వేపకాయల బతుకమ్మ, ఈ రోజు అమ్మవారికి వేపకాలు నూనెలో వేయించి నైవేద్యం పెడతారు.
ఎనిమిదో రోజు వెన్నెముద్దల బతుకమ్మ . ఈ రోజున అమ్మ వారికి వెన్నెను ప్రసాదంగా పెడతారు. తొమ్మిదో రోజు సద్దుల బతుకమ్మ, ఈరోజు సత్తు పిండి, పెరుగన్నం నైవేద్యంగా పెడతారు. ఈరోజుతో బతుకమ్మ పండుగ సెలబ్రేషన్స్ ముగుస్తాయి. ఈ పండుగనే పెద్ద బతుకమ్మ అంటారు. ఈ రోజు ప్రతి పల్లె పట్నంలో మహిళలు బతుకమ్మ చుట్టూ తిరుగుతూ.. పాటలు పాడుతూ.. పండుగను జరుపుకుంటారు.