బాబుకు ‘హృదయ కాలేయం’గా మారాడు: సుజనాపై విజయసాయిరెడ్డి సెటైర్లు

బీజేపీ ఎంపీ, మాజీ కేంద్ర మంత్రి సుజనాచౌదరిపై వైసీపీ రాజ్యసభ సభ్యుడు విజయసాయి రెడ్డి సెటైర్లు వేశారు. ‘‘బ్యాంకులకు 6వేల కోట్లు ఎగ్గొట్టి ఈడీకి అడ్డంగా దొరికిన తరువాత కూడా సుజనా చౌదరి ఇలానే దబాయించాడు. ఆ కంపెనీలతో తనకేం సంబంధం లేదంటూ బుకాయించాడు. అమరావతిలో సెంటు భూమి కూడా లేదని బుకాయిస్తున్నాడు. ఫ్రాడ్లలో ఆరితేరిపోయి చంద్రబాబుకు హృదయకాలేయంగా మారాడు’’ అని విజయసాయి రెడ్డి ట్వీట్ చేశారు.

కాగా రాజధాని అమరావతిలో బీజేపీ ఎంపీ సుజనా చౌదరికి వందల ఎకరాల భూములున్నాయని మంత్రి బొత్స ఆరోపణలు చేసిన విషయం తెలిసిందే. ఆ ఆరోపణలపై స్పందించిన సుజనా.. అమరావతి పరిధిలో తనకు గజం భూమి లేదని అన్నారు. రాజధాని అంశాన్ని డైవర్ట్ చేసేందుకే తనపై ఆరోపణలు చేస్తున్నారని సుజనా పేర్కొన్న విషయం తెలిసిందే.