Women Heart Health: అందుకే మోనోపాజ్‌ తర్వాత మహిళల్లో గుండె జబ్బులు ఎక్కువ.. ఈ లక్షణాలు కనిపిస్తే అలర్ట్ అవ్వాల్సిందే
పురుషుల కంటే మహిళల్లో గుండెపోటు ముప్పు ఎక్కువగా ఉంటుందని అధ్యయనాలు చెబుతున్నాయి. అయితే మహిళలు తమ ఆరోగ్యం పట్ల అత్యంత అజాగ్రత్తగా వ్యవహరిస్తారనేది జగమెరిగిన సత్యం. ఈ నిర్లక్ష్యమే ప్రపంచ వ్యాప్తంగా గుండె జబ్బులతో బాధపడుతున్న మహిళల సంఖ్య పెరిగేలా చేస్తుంది..
పురుషుల కంటే మహిళల్లో గుండెపోటు ముప్పు ఎక్కువగా ఉంటుందని అధ్యయనాలు చెబుతున్నాయి. అయితే మహిళలు తమ ఆరోగ్యం పట్ల అత్యంత అజాగ్రత్తగా వ్యవహరిస్తారనేది జగమెరిగిన సత్యం. ఈ నిర్లక్ష్యమే ప్రపంచ వ్యాప్తంగా గుండె జబ్బులతో బాధపడుతున్న మహిళల సంఖ్య పెరిగేలా చేస్తుంది.
దీంతో మహిళల్లో చిన్న వయస్సులోనే గుండెపోటు సంభవం పెరుగుతోంది. ముఖ్యంగా మెనోపాజ్ తర్వాత మహిళల్లో గుండెపోటు ప్రమాదం మరింత పెరుగుతుంది. నేటి కాలంలో పురుషులతో పాటు స్త్రీలు కూడా గుండెపోటుకు గురవుతున్నారు.
మహిళలు 45 - 50 సంవత్సరాల మధ్య మోనోపాజ్‌ దశలో అడుగుపెడతారు. ఈ దశలో స్త్రీల శరీరంలో ఈస్ట్రోజెన్ హార్మోన్ స్రావం తగ్గుతుంది. దీని వల్ల శరీరంలో కొవ్వు పేరుకుపోయి గుండె జబ్బులు వచ్చే ప్రమాదం పెరుగుతుంది. మెనోపాజ్ కాకుండా, మహిళల్లో గుండెపోటు ప్రమాదాన్ని పెంచే అనేక ఇతర అంశాలు కూడా ఉన్నాయి. మధుమేహం, అధిక రక్తపోటు, అధిక కొలెస్ట్రాల్, ట్రైగ్లిజరైడ్స్, ఊబకాయం వంటి శారీరక పరిస్థితులు కూడా గుండె జబ్బుల ప్రమాదాన్ని పెంచుతాయి.
మద్యపానం, ధూమపానం వంటి అలవాట్లు కూడా మహిళల్లో గుండె జబ్బుల ప్రమాదాన్ని పెంచుతాయి. నిజానికి, పురుషుల కంటే మహిళల్లో గుండెపోటు లక్షణాలు భిన్నంగా ఉంటాయి. చాలా మంది మహిళలు ఇంట్లో, బయట అన్ని పనులను తామొక్కరే ఒంటరిగా నిర్వహించడం వల్ల మహిళలకు తమ ఆరోగ్యంపై శ్రద్ధపెట్టడానికి తగిన సమయం దొరకదు. అసాధారణ అలసట గుండె జబ్బుల మొదటి లక్షణం.
అలాగే.. మహిళల్లో గుండెపోటు లక్షణాలు అసాధారణ అలసట, నిద్రలేమి, విశ్రాంతి లేకపోవడం, శ్వాస ఆడకపోవడం, కడుపు నొప్పి, అజీర్ణం, ఛాతీ నొప్పి, ఒత్తిడి, ఎగువ వెన్నునొప్పి, గొంతు, దవడ నొప్పి.. వంటి లక్షణాలు గుండెపోటు సంకేతాలు.