రోగనిరోధక శక్తి పెరగాలా..? అయితే, ఈ ఆకుపచ్చ కూరగాయ గురించి తెలుసుకోండి..
కూరగాయలు ఆరోగ్యానికి చాలా మంచివి. క్యాబేజీ కుటుంబానికి చెందిన బ్రోకలీ రకరకాల రంగుల్లో ముఖ్యంగా గ్రీన్, పర్పుల్ కలర్స్లో దొరుకుతాయి. ఇందులో ఎన్నో పోషకాలు లభిస్తాయి. వీటిని మనం అనేక రకాలుగా తీసుకోవచ్చు. బ్రోకలీని ఉడికించి లేదా వండకుండా కూడా సలాడ్లా రూపంలో తీసుకోవచ్చు. బ్రోకలీని క్రమంగా తీసుకుంటే అనేక ఆరోగ్య ప్రయోజనాలు అందుతాయి. ఇందులో పోషకాలు సమృద్ధిగా ఉంటాయి. వీటిని తినడం వల్ల కలిగే లాభాలేంటో తెలుసుకోండి.
బ్రొకలీలో విటమిన్ సీ, కేలు అధికంగా ఉంటాయి. ఇవి రోగనిరోధక శక్తిని పెంచుతాయి.ఇన్ఫెక్షన్ల బారిన పడకుండా కాపాడుకోవచ్చు. బ్రొకలీలో నారింజ కన్నా రెండురెట్లు అధికంగా సి విటమిన్ ఉంటుంది. మిగతా పండ్లతో పోలిస్తే యాంటీ ఆక్సిడెంట్లు, ఫైబర్ దీనిలో ఎక్కువ ఉంటుంది.
బ్రోకలీలో ఫోలేట్, పొటాషియం, మాంగనీసు లాంటివీ పుష్కలంగా ఉంటాయి. ఇవి కూడా మన రోగ నిరోధక వ్యవస్థను బలోపేతం చేస్తాయి. ఎముకలు బలంగా ఉండాలంటే కాల్షియం అవసరం. కాల్షియంని ఇవి బాగా శోషించుకోవాలంటే కే విటమిన్ ఉండాలి. ఇవి రెండూ బ్రోకలీలో పుష్కలంగా ఉంటాయి.
బ్రోకలీలో సల్ఫోరాఫేన్ వంటి యాంటీ ఆక్సిడెంట్లు ఉంటాయి. ఇవి ఫ్రీ రాడికల్స్ వల్ల కలిగే నష్టం నుండి శరీర కణాలను రక్షించడంలో సహాయపడతాయి. దీర్ఘకాలిక వ్యాధుల ప్రమాదాన్ని తగ్గిస్తాయి. బ్రోకలీలో ఉన్న సల్ఫోరాఫేన్ అనేది శరీరాన్ని డిటాక్స్ చేయడానికి తోడ్పడుతుంది. మరిన్ని ఆరోగ్య ప్రయోజనాలు కూడా అందుతాయి.
బ్రోకలీని తింటే చర్మానికి చాలా మంచిది. చర్మాన్ని ఆరోగ్యంగా, కాంతివంతంగా ఉంచుతుంది. దీనికి కారణం బ్రకోలీ కొల్లాజెన్ ఉత్పత్తిని పెంచి వృద్ధాప్య ఛాయల్ని దూరం చేస్తుంది. ఈ కూరగాయలో నీటి శాతం ఎక్కువగా ఉంటుంది. దాదాపు ఇందులో 92 శాతం నీరు ఉంటుంది. దీనిని తీసుకోవడం వల్ల శరీరం హైడ్రేట్ అవుతుంది.
Broccoli