Vitamin C rich Tea: రిఫ్రెష్ కోసం ఈ టీ బెస్ట్ ఆప్షన్.. విటమిన్ సీ, యాంటీ ఆక్సిడెంట్లు అధికం.. రెసిపీ మీ కోసం
శరీరంలో రోగనిరోధక శక్తికి, శరీర విధులు సక్రమంగా జరగటానికి విటమిన్లు అవసరం. రోగనిరోధక శక్తి పెంపించడానికి విటమిన్ సీ అవసరం. నిమ్మ, ఉసిరి, కమలాఫలం వంటి ఆహారపదార్ధాల్లో విటమిన్ సీ అధికంగా ఉంటుంది. అయితే కమలాఫలం సీజనల్ ఫ్రూట్.. విటమిన్ సీ పుష్కలంగా ఉండే ఆరెంజ్ టీ ఆరోగ్య ప్రయోజనాల ఎన్నో ఉన్నాయి.
ఒక కప్పు వేడి టీ శరీరానికి ఉపశమనం కలిగిస్తుంది. కేవలం టీ ఒక్క సిప్ చేయడం వల్ల రిఫ్రెష్‌గా అనిపిస్తుంది. కేవలం టీ సిప్ చేయడం వల్ల శరీరంలో విటమిన్ సి లోపాన్ని భర్తీ చేస్తుందా అని ఆలోచిస్తే... ఈ రోజు విటమిన్ సీ అధికంగా ఉన్న టీ గురించి తెలుసుకుందాం..
కమలాఫలం సీజన్ దాదాపు ముగిసింది. అయితే ఆరెంజ్ టీని ఏడాది పొడవునా తాగవచ్చు. ఈ ఆరెంజ్ టీలో విటమిన్లు, మినరల్స్, ఫైబర్, యాంటీ ఆక్సిడెంట్లు ఉంటాయి. ఈ టీ రోగనిరోధక శక్తిని పెంచుతుంది. జీవక్రియను పెంచుతుంది. శరీరంలో ఆక్సీకరణ ఒత్తిడిని తగ్గిస్తుంది.
కమలాఫలంలో విటమిన్ సి ఉంటుంది. ఇది శక్తివంతమైన యాంటీఆక్సిడెంట్. ఇది శరీరం ఫ్రీ రాడికల్స్, దీర్ఘకాలిక వ్యాధుల ప్రమాదంతో పోరాడటానికి సహాయపడుతుంది. అందువల్ల ఆరెంజ్ టీ తాగడం వల్ల శరీరంలో విటమిన్ సి లోపం తీరుతుంది.
కమలాఫలం టీ తాగడం వల్ల శారీరక మంట తగ్గుతుంది. ఇది గుండె జబ్బుల ప్రమాదాన్ని కూడా తగ్గిస్తుంది. గుండె ఆరోగ్యాన్ని మెరుగుపరుస్తుంది. అంతేకాదు నారింజ టీ శరీరం పనితీరును మెరుగుపరచడంలో సహాయపడుతుంది.
herbal tea
కమలాఫలం టీ పరిమళం మానసిక స్థితిని మెరుగుపరుస్తుంది. ఒత్తిడి, ఆందోళనను తగ్గిస్తుంది. ఆరెంజ్ టీని సిప్ చేసినప్పుడు శరీరం రిఫ్రెష్‌గా ఉంటుంది. అయితే ఇంట్లో ఆరెంజ్ టీని ఎలా తయారు చేసుకోవాలి? తెలుసుకుందాం..
ముందుగా 3 కప్పుల నీటిని వేడి చేయండి. దీనికి 1-2 టీస్పూన్ల గ్రీన్ టీ ఆకులను జోడించండి. అయితే టీ ఆకులకు బదులుగా టీ బ్యాగ్‌లను కూడా ఉపయోగించవచ్చు. ఇప్పుడు 1 టీస్పూన్ కమలా ఫలం తొక్కలతో పాటు 1 టీస్పూన్ చూర్ణం చేసిన అల్లం జోడించండి. తర్వాత స్టవ్ ని ఆపివేసి టీ ఆకులు, నారింజ తొక్కను 3 నిమిషాలు మరిగించండి.
అప్పుడు టీలో ఉన్న కమలాఫలం తొక్కను తీసివేసి.. ఇప్పుడు టీని వడకట్టండి. చివరగా 2 చెంచాల తాజా కమలాఫలం రసం, 1/2 చెంచా బెల్లం పొడి , చిటికెడు దాల్చిన చెక్క పొడిని జోడించండి. నారింజ టీ సిద్ధం.