Wodaabe Tribe: ఆ తెగలో విచిత్ర సంప్రదాయం..పెళ్లి చేసుకోవాలంటే మేకప్ వేసుకుని మరీ ఆకర్షించే ప్రయత్నం
ఈ ప్రపంచం చాలా పెద్దది. అనేక రకాల సంస్కృతి సంప్రదాయాలకు సంబంధించిన ప్రజలు ఇక్కడ నివసిస్తున్నారు. అయితే ఒక ప్రాంతకి ఒకొక్క ఆచార వ్యవహారాలు ఉన్నాయి. ఇంకా చెప్పాలంటే ఒక ప్రాంతానికి సంబంధించిన నియమ నిబంధనలు ఆ చోట ఒప్పు అయితే మరొక ప్రాంతంలో తప్పుగా పరిగణిస్తారు. ఇది వివాహానికి సంబంధించినదైతే.. ప్రతి ఒక్క ప్రాంతానికి సొంత నమ్మకాలు, ఆచార వ్యవహారాలున్నాయి. అలాంటి ఒక సంప్రదాయానికి సంబంధించిన చర్చ ప్రస్తుతం ప్రపంచ వ్యాప్తంగా చర్చనీయాంశమైంది. దీని గురించి తెలిస్తే మీరు షాక్ అవుతారు ఎందుకంటే ఇలాంటి ఆచారాలు ఉన్నాయనే విషయం ఇంతకు ముందెన్నడూ విని ఉండరు.
ఒక అబ్బాయి పెళ్లి కోసం అమ్మాయిని చూడడానికి వెళితే.. అక్కడ ముందుగా అమ్మాయి ఫ్యామిలీ రెడీ అవుతుంది. అమ్మాయి ని అందంగా రెడీ చేస్తారు. అదే సమయంలో వరుడు, వారి బంధువులను అతిధి మర్యాదలతో గౌరవిస్తారు.
అయితే ఆఫ్రికాలోని కొన్ని ప్రాంతాల్లో నివసించే అమ్మాయి పెళ్లి విషయంలో విరుద్ధంగా జరుగుతుంది. ఎందుకంటే ఇక్కడ కొన్ని రకాల ఆటవిక తెగకు సంబంధించిన యువకులు తమ పెళ్లి చూపులకు వెళ్లే సమయంలో పెళ్లికి మేకప్ వేసుకుని పెళ్లికూతురును ఆకట్టుకునే ప్రయత్నం చేస్తారు. ఇలా తమ పెళ్ళికి అమ్మాయిలను ఆకర్షించే ప్రయత్నిస్తారు అబ్బాయిలు.
డైలీ స్టార్ నివేదిక ప్రకారం కామెరూన్, నైజీరియాలో నివసిస్తున్న ప్రజలు నైజర్ తెగకు చెందిన యువకులు పెళ్లి చేసుకోవడానికి యువతులను ఆకర్షించడానికి ఈ సంప్రదాయాన్ని అనుసరిస్తారు. ఈ సంప్రదాయాన్ని దృష్టిలో పెట్టుకుంటే.. ఇది భార్యను దొంగిలించే పండుగ అని అర్థమవుతుంది. దీన్నే గురెవోల్ ఫెస్టివల్ అంటారు. ఈ పండుగ సమయంలో.. పురుషులు భారీ మేకప్‌ల వేసుకుంటారు. అందమైన దుస్తులు ధరించి అమ్మాయిలను ఆకర్షించడానికి నృత్యం చేస్తారు.
ఇప్పుడు అబ్బాయిని ఇష్టపడే మహిళలు అతని భుజంపై చేయి వేస్తారు. ఇలా చేస్తే.. అతని ప్రేమను లేదా వివాహాన్ని ఆమె అంగీకరించిందని సూచన. ఈ పండుగ సంవత్సరానికి ఒకసారి వస్తుంది. అయితే ఇందుకు సంబంధించిన సన్నాహాలు మాత్రం సంవత్సరం పొడవునా జరుగుతాయి.
యువతులను ఆకర్షించడానికి పురుషులు కూడా ఒక ప్రత్యేకమైన నృత్యాన్ని నేర్చుకుంటారు, తద్వారా మహిళలను తమ వైపు ఆకర్షితులయ్యేలా చేస్తారు. కొన్నిసార్లు అమ్మాయిలు తమకు నచ్చిన యువకుడితో జీవితాంతం బతకడానికి ఇష్టపడతారు.
అదే సమయంలో కొందరు యువతులు కేవలం ఒక రాత్రికి మాత్రమే గడపడానికి యువకులను ఎంచుకుంటారు. ఆసక్తికరమైన విషయం ఏమిటంటే వివాహిత మహిళలు కూడా ఈ పండుగలో పాల్గొనవచ్చు.