మీ ఇంట్లో మనీ ప్లాంట్ పెంచుతున్నారా..? ఈ తప్పు చేశారంటే డబ్బు రావడం కాదు.. ఉన్నది కూడా పోతుంది!
మనీ ప్లాంట్.. చాలా పవిత్రమైన మొక్కగా పరిగణిస్తారు.. పేరులోనే ఇది సంపదను ఆకర్షిస్తుందని సూచిస్తుంది. మనీ ప్లాంట్ ఉన్న ఇంట్లో నిరంతరం డబ్బు ప్రవహిస్తుందని నమ్ముతారు. అందుకే చాలా మంది ఇంట్లో మనీ ప్లాంట్ ను పెంచుకుంటారు. ఇంట్లో మనీప్లాంట్ పెంచుకుంటే ఇంటికి ఆనందంతోపాటు వాస్తుపరంగా మేలు జరుగుతుందని విశ్వాసం. అయితే, వాస్తు శాస్త్రం నియమాల ప్రకారం ఇంట్లో మనీ ప్లాంట్ నాటడం వల్ల ఎలాంటి శుభ ఫలితాలు వస్తాయో ఇక్కడ చూద్దాం..
సరైన దిశ: వాస్తు శాస్త్రం ప్రకారం ఇంటికి ఆగ్నేయ దిశలో లేదా ఆగ్నేయ మూలలో మనీ ప్లాంట్ నాటడం మంచిది. ఈ దిశలో మనీ ప్లాంట్ నాటడం వల్ల సానుకూల శక్తి పెరుగుతుంది. ఆర్థిక స్థిరత్వం ఉంటుంది. ఈ దిశకు గణపతి అధిపతి. శుక్రుడు దీనిని పాలిస్తాడు. ఆగ్నేయ దిశలో ఈ మొక్కను పెంచడం వల్ల అదృష్టం కలిసివస్తుందని చెబుతారు.. సంపద వృద్ధి చెందుతుందని,. వ్యాపారాల్లో లాభాలు ఆర్జిస్తారు. చేస్తున్న ఉద్యోగంలో పదోన్నతులు పొందడానికి ఈ దిశలో వాస్తు మొక్కను పెంచడం శుభప్రదంగా భావిస్తారు.
అయితే, వాస్తు శాస్త్రం ప్రకారం, ఇంటికి ఈశాన్య దిశలో మనీ ప్లాంట్ నాటకూడదు. అలా చేయడం వల్ల ఆర్థిక సమస్యలు వస్తాయి. ఈ దిశకు దేవగురువు బృహస్పతి అధిపతి. మనీ ప్లాంట్ శుక్రుడికి సంబంధించినది. బృహస్పతి, శుక్రుడు ఒకరికొకరు శత్రువులు. అందుకే ఈశాన్యంలో ఈ మొక్కను పెంచితే ఇంట్లో ప్రతికూల శక్తి పెరుగుతుంది. ఫలితంగా అప్పులు పెరగడం, అనారోగ్య సమస్యలు రావడం వంటివి జరుగుతాయి. అలాగే తూర్పు లేదా పశ్చిమ దిశల్లో కూడా ఈ మొక్కను పెట్టడం అంత మంచిది కాదు.
ఈ విషయాలను గుర్తుంచుకోవాలి: మనీ ప్లాంట్ నాటేటప్పుడు దాని తీగలు నేలను తాకని విధంగా ఉంచాలి. తీగలు పైకి పాకడం అంటే అభివృద్ధికి చిహ్నం. అందుకే మొక్కకు, తీగలకు సరైన సపోర్ట్ ఇచ్చి తీగలను పైకి పంపాలి. ఇంకా, మొక్క ఎండిపోకుండా జాగ్రత్త తీసుకోవాలి. పొడి, పసుపు ఆకులను క్రమం తప్పకుండా తొలగించాలి. ఈ విషయాలను దృష్టిలో ఉంచుకోవడం ద్వారా, మనీ ప్లాంట్ సానుకూల, శుభ ఫలితాలను ఇస్తుంది.
ఈ తప్పులు చేయకండి: మీ ఇంట్లోని మనీ ప్లాంట్ను ఇతరులకు ఇవ్వడం లేదా వేరే వాళ్ల ఇంటి నుంచి తీసుకురావడం వంటివి చేయకూడదు. ఇలా చేస్తే మీ సంపద ఇతరుల పాలు అవుతుందని ఒక నమ్మకం. మనీ ప్లాంట్ కేవలం అలంకరణ వస్తువు కాదు. అది ఒక శక్తివంతమైన వాస్తు సాధనం. సరైన దిశలో పెట్టి, తగిన జాగ్రత్తలు తీసుకుంటేనే మీకు ఆర్థికంగా కలిసొస్తుంది.
దొంగిలించబడిన మనీ ప్లాంట్లను నాటకూడదు. అలా చేయడం పూర్తిగా ఆమోదయోగ్యం కాదు. వాటిని ఇంటి లోపల నాటాలి. ఆరుబయట కాదు. చీకటి ప్రదేశాలలో లేదా బాత్రూమ్ల దగ్గర ఉంచకూడదు. వాటిని గాజు సీసా లేదా కుండలో ఉంచాలి. మనీ ప్లాంట్ను ఉపయోగించేటప్పుడు ఈ విషయాలను దృష్టిలో ఉంచుకుంటే మీ ఇంట్లో సంపద, శ్రేయస్సు పెరుగుతుంది. అయితే, కేవలం మొక్కను నమ్ముకోవడమే కాకుండా, కష్టపడి పని చేయడం కూడా ముఖ్యమని గుర్తుంచుకోండి. అప్పుడే, మీరు అనుకున్న ఫలితాలను పొందగలుగుతారు.