Tongue Color: నాలుక రంగును బట్టి మీకు ఎలాంటి ఆరోగ్య సమస్యలున్నాయో చెప్పొచ్చు.. ఎలాగంటే..
మన జీవన విధానంలో నాలుకపై పెద్దగా శ్రద్ధ పెట్టం. కానీ ఏదైనా జబ్బు కోసం డాక్టర్ దగ్గరకు వెళ్లినప్పుడు డాక్టర్ మొదట నాలుక చూస్తారు. నాలుకను చూడటం ద్వారా కాలేయం వంటి అనేక వ్యాధుల లక్షణాలు వ్యక్తమవుతాయి. అందుకే వైద్యులు నాలుక రంగును బట్టి శరీర ఆరోగ్యం చెబుతుంటారు. వేడి వేడి టీ లేదా కాఫీ తాగితే నాలుక మండుతుంది. అదేవిధంగా చల్లని పదార్ధం నాలుక మీద పెట్టినా అసౌకర్యంగా అనిపిస్తుంది. నోటిలో బ్యాక్టీరియా లేదా ఫంగల్ ఇన్ఫెక్షన్ ఉంటే నాలుకపై తెల్లటి పూత వస్తుంది. నాలుకను క్రమం తప్పకుండా శుభ్రం..
మన జీవన విధానంలో నాలుకపై పెద్దగా శ్రద్ధ పెట్టం. కానీ ఏదైనా జబ్బు కోసం డాక్టర్ దగ్గరకు వెళ్లినప్పుడు డాక్టర్ మొదట నాలుక చూస్తారు. నాలుకను చూడటం ద్వారా కాలేయం వంటి అనేక వ్యాధుల లక్షణాలు వ్యక్తమవుతాయి. అందుకే వైద్యులు నాలుక రంగును బట్టి శరీర ఆరోగ్యం చెబుతుంటారు.
వేడి వేడి టీ లేదా కాఫీ తాగితే నాలుక మండుతుంది. అదేవిధంగా చల్లని పదార్ధం నాలుక మీద పెట్టినా అసౌకర్యంగా అనిపిస్తుంది. నోటిలో బ్యాక్టీరియా లేదా ఫంగల్ ఇన్ఫెక్షన్ ఉంటే నాలుకపై తెల్లటి పూత వస్తుంది. నాలుకను క్రమం తప్పకుండా శుభ్రం చేయకపోయినా ఈ తెల్లటి పూత కనిపిస్తుంది. అలాగే శరీరంలో తగినంత నీటి శాతం లేకపోయినా నాలుక తెల్లగా మారుతుంది.
శరీరంలో పోషకాహార లోపం ఉన్నప్పటికీ, దాని లక్షణాలు నాలుకపై వ్యక్తమవుతాయి. నాలుక స్ట్రాబెర్రీ లాగా ఎర్రగా మారితే, శరీరంలో విటమిన్లు లేవని అర్ధం. శరీరంలో విటమిన్ బి లోపం ఉన్నట్లయితే, అలాంటి లక్షణాలు నాలుకపై కనిపిస్తాయి. టీ అలవాటు, ధూమపానం అలవాటు ఉన్న వారి నాలుకపై నల్లటి పూత ఏర్పడుతుంది. అనేక సందర్భాల్లో యాంటీబయాటిక్స్ అధిక మోతాదులో తీసుకోవడం వలన కూడా నాలుకపై నల్లటి పూత ఏర్పడుతుంది.
నాలుక రంగు అకస్మాత్తుగా నీలం లేదా ఊదా రంగులోకి మారితే శరీరంలో తగినంత ఆక్సిజన్ లేకపోవడం వల్ల ఇలా జరుగుతంది. అనేక సందర్భాల్లో ఊపిరితిత్తుల లేదా హృదయనాళ సమస్య ఉంటే నాలుక రంగు నీలం అవుతుంది.
నాలుక పాలిపోయినట్లయితే శరీరంలో ఐరన్‌ లోపం ఉందని అర్థం లేదా రక్తహీనతతో బాధపడుతున్నారని అర్ధం. మహిళల్లో రక్తహీనత ఎక్కువగా ఉంటుంది కాబట్టి, నాలుక రంగుపై ఎప్పటికప్పుడు జాగ్రత్తలు తీసుకోవాలి. నాలుకపై తెల్లటి మచ్చలు లేదా ఎర్రటి మచ్చలు ఉంటే ఆటో ఇమ్యూన్ వ్యాధికి సంకేతం.