ఎన్నో రకాల అనారోగ్య సమస్యలకు నిద్రలేమి ప్రధానమైందని తెలిసిందే. అందుకే మంచి నిద్రకు కివీని ఆహారంలో భాగం చేసుకోవాలని నిపుణులు చెబుతున్నారు. కివిలో పుష్కలంగా లభించే సెరటోనిన్ నిద్రకు ఉపకరించేందుకు సహాయ పడుతుంది. దీంతో సహజ సిద్ధంగా మంచి నిద్ర సొంతం చేసుకోవచ్చు.
ఇటీవల రక్తపోటుతో బాధపడుతోన్న వారి సంఖ్య క్రమంగా పెరుగుతోంది. ఇలాంటి వారికి కివీ ఫ్రూట్ ఒక వరం లాంటిదని నిపుణులు చెబుతున్నారు. కివీలో పుష్కలంగా ఉండే పొటాషియం రక్తపోటును అదుపులో ఉంచడంలో ఉపయోగపడుతుంది. బీపీ కారణంగా వచ్చే పక్షవాతం, టైప్-2 డయాబెటిస్ ప్రమాదాన్ని తగ్గిస్తుంది.
కివీ పండు విటమిన్ సికి పెట్టింది పేరు. ఇది చర్మ ఆరోగ్యాన్ని సంరక్షించడంలో కీలక పాత్ర పోషిస్తుంది. అంతేకాకుండా కివీలో ఉండే యాంటీ ఆక్సిడెంట్స్ చర్మం పాలిపోకుండా, ముడతలు పడకుండా చేస్తుంది. కివీ ముక్కలను నేరుగా చర్మానికి రాసుకున్న మంచి ఫలితం ఉంటుంది
జీర్ణ సంబంధిత సమస్యలతో బాధపడేవారికి కూడా కివీ దివ్యౌషధంగా పనిచేస్తుంది. 100 గ్రాముల కివీలో 3 గ్రాముల ఫైబర్ ఉంటుంది. ఇది జీర్ణ సంబంధిత సమస్యలను దూరం చేయడంలో ఉపయోగపడుతుంది. దీంతో కడుపుబ్బరం, అజీర్ణం వంటి సమస్యలకు చెక్ పెట్టొచ్చు.
తరచూ వ్యాధుల బారిన పడకుండా ఉంచడంలో కూడా కివీ అద్భుతంగా ఉపయోగపడుతుంది. విటమిన్ సికి పెట్టింది పేరైన కివీ రోగనిరోధక శక్తిని పెండంలో ఎంతగానో తోడ్పడుతుంది. దీనిలోని యాంటీ ఆక్సిడెంట్స్ శరీరంలో ఇన్ఫ్లమేషన్ క్రమబద్ధీకరణకు తోడ్పడుతాయి. ఫ్రీ రాడికల్స్ వల్ల శరీరానికి నష్టం జరగకుండా కివీ పండ్లు కాపాడుతాయి.