వర్షాకాలంలో ట్రిప్ ప్లాన్ చేస్తున్నారా..హైదరాబాద్ దగ్గరిలోని బెస్ట్ ప్లేసెస్ ఇవే!
వర్షాకాలంలో చాలా మంది అందమైన ప్రదేశాలకు వెళ్లి ఎంజాయ్ చేయాలి అనుకుంటారు. ముఖ్యంగా ఆగస్టు, సెప్టెంబర్ మధ్యలో వాతావరణం చాలా తేమగా, ఆహ్లాదంగా ఉండటంతో ఈ సమయంలో ఎక్కువ మంది టూర్ ప్లాన్ చేస్తుంటారు. అయితే ఇప్పుడు మనం వర్షాకాంలో హైదరాబాద్ దగ్గరిలోని బెస్ట్ టూరిస్ట్ ప్లేసెస్ ఏవో చూసేద్దాం.
అనంతగిరి హిల్స్ : హైదరాబాద్ దగ్గరలో ఉన్న అందమైన ప్రదేశాల్లో అనంతగిరి హిల్స్ ఒకటి. అరకులోయను తలపించేలా ఉండే ఇది పర్యాటకులను ఎంతగానో ఆకర్షిస్తుంటుంది. హైదరాబాద్కు 80 నుంచి 90 కిలోమీటర్ల దూరంలో ఉంటుంది. సాహసప్రియులకు ఇది అద్భుతమైన ప్రదేశం.
కుంతాల జలపాతం : అందమైన జలపాతాల్లో ఇది ఒకటి. ఇది రాష్ట్రంలోనే అందమైన జలపాతంగా పేరుగాంచింది. వర్షాకాలంలో చూడాల్సిన అందమైన ప్రదేశాల్లో ఇది ఒకటి. 147 అడుగుల ఎత్తు నుంచి నీరు కిందకు ప్రవహిస్తూ, చూడటానికి చాలా అద్భుతంగా కనిపిస్తుంటుంది.
భువనగిరి కోట : హైదరాబాద్కు 50 కిలోమీటర్ల దూరంలో ఉన్న భవనగిరి కోట వర్షాకాలంలో చూడాల్సిన ప్రదేశాల్లో ఇది కూడా ఒకటి. ఇక్కడ ట్రెక్ చేయడం చాలా ఆసక్తికరంగా ఉంటుంది. చాలా మంది ఈ ప్రదేశానికి వెళ్లి ఎంజాయ్ చేస్తుంటారు.
ఎలగందుల కోట : తెలంగాణలో ఉన్న అందమైన కోటల్లో ఎలగందుల కోట ఒకటి. ఇది కరీంనగర్ జిల్లాలో ఉంది. ఇక్కడ రాజుల భవనాలు, వారి పురాతన జ్ఞాపక చిహ్నాలు వంటివి ఉంటాయి. ఇది విదేశీయుల కోటను పోలి ఉంటుంది. చూడటానికి చాలా అందంగా ఉంటుంది ఈ కోట. ఇక ఆగస్టు, సెప్టెంబర్లో టూర్ ప్లాన్ చేసుకునే వారికి ఇది మంచి ప్లేస్, అలాగే ఇక్కడి దోరిమినార్ ప్రతి ఒక్కరినీ ఆకట్టుకుంటుంది.
కొండ పోచమ్మ రిజర్వాయర్ : హైదరాబాద్కు చాలా దగ్గరగా ఉండే టూరిస్ట్ ప్లేసెస్లో కొండపోచమ్మ రిజర్వాయర్ ఒకటి. వర్షాకాలంలో ఇక్కడి దృశ్యాలు ప్రతి ఒక్కరినీ ఆకట్టుకుంటాయి. స్నేహితులతో కలిసి వెళ్తే చాలా ఎంజాయ్ చేయవచ్చును.