Lion: సింహ గర్జన ఎన్ని కిలోమీటర్ల వరకు వినిపిస్తుందో తెలుసా.?
సింహం గర్జిస్తే.. అది ఎలా ఉంటుందో మీకు తెలుసా.? అడవికి రాజు సింహం.. దాని గర్జన దూరం నుంచి వినిపిస్తే చాలు.. మరి దాని గర్జన ఎంత దూరం వినిపిస్తుంది.! అదెప్పుడైనా ఆలోచించారా.! మరి ఆ వివరాలు ఏంటో ఇప్పుడు తెలుసుకుందామా..
అడవికి రాజు సింహం.. సింహాన్ని దూరం నుంచి చూస్తే చాలు.. ఏ జంతువైనా కూడా తన ప్రాణాలను రక్షించుకునేందుకు కచ్చితంగా పక్కకు జరుగుతాయి. ఇక దాని గర్జన.. అన్ని జంతువులలోనూ భయాన్ని పుట్టిస్తుంది.
సింహ గర్జన ఎంత భయంకరంగా ఉంటుందో.. అంతే భారీగా కూడా వినిపిస్తుంది. మరి ఎంత దూరం వినిపిస్తుంది ఈ గర్జన అని మీరెప్పుడైనా ఆలోచించారా.!
నిజానికి, ఒక సింహం గర్జిస్తే.. ఆ శబ్దం సుమారు ఐదు మైళ్ల దూరం వరకు స్పష్టంగా వినిపిస్తుంది. ఈ సామర్ధ్యం కేవలం సింహం బలాన్ని సూచించడమే కాదు.. సింహాలు తమ భూభాగాన్ని గుర్తించడానికి వాడతాయి.
అంతేకాదు ఇతర సింహాలతో కమ్యూనికేట్ చేయడానికి, తమను లేదా తమ సమూహాన్ని బెదిరించడానికి ప్రయత్నించే ఇతర జంతువులను హెచ్చరించడానికి ఈ గర్జనను ఉపయోగిస్తాయి.
ఐదు మైళ్ల దూరం వరకు వినపడే ఈ ప్రతిధ్వని, సింహాలు తమ రాజ్యంపై పూర్తి ఆధిపత్యాన్ని ఎలా నిలుపుకుంటాయో స్పష్టం చేస్తుంది. సింహగర్జన అంటే కేవలం అరుపు మాత్రమే కాదు.. అటవీ ప్రపంచంలో తనకున్న స్థానాన్ని, శక్తిని ప్రకటించే ఓ బ్రాండ్ అని చెప్పొచ్చు.