అయ్యయ్యో.. చేప కళ్లను తీసిపారేస్తున్నారా..? ఆరోగ్య ప్రయోజనాలు తెలిస్తే తప్పక తింటారు..!
చేపలు మంచి పౌష్టికాహారం. నాన్వెజ్ ప్రియులు చాలా మంది చేపల్ని ఇష్టంగా తింటూ ఉంటారు. కేవలం రుచిలో మాత్రమే కాదు..ఒమేగా-3 ఫ్యాటీ ఆమ్లాలు సమృద్ధిగా ఉండే చేపలతో బోలెడన్నీ ఆరోగ్య ప్రయోజనాలు ఉన్నాయని నిపుణులు పదే పదే చెబుతుంటారు. చేపలు గుండె ఆరోగ్యాన్ని మెరుగుపరుస్తాయి. శరీర వాపును తగ్గిస్తాయి. ప్రోటీన్ పుష్కలంగా ఉండే అద్భుతమైన ఆహారం..చేపలు కండరాల వృద్ధికి కీలకంగా పని చేస్తాయి. చేపలలో విటమిన్ D, సెలీనియం వంటి ముఖ్యమైన విటమిన్లు, ఖనిజాలు కూడా సమృద్ధిగా ఉంటాయి. మరైతే, చేప కళ్లు తింటే ఏమౌతుందో తెలుసా..? పూర్తి వివరాల్లోకి వెళితే...
చేపలు మాత్రమే కాదు చేప కళ్ళు కూడా అనేక పోషక ప్రయోజనాలను అందిస్తాయని నిపుణులు చెబుతున్నారు. చేపల కళ్ళలో ఒమేగా 3 ఫ్యాటీ యాసిడ్స్ ఎక్కువగా ఉంటాయని అంటున్నారు. అంతేకాదు, విటమిన్ ఏ, విటమిన్ బి12, విటమిన్ ఈ, జింక్, ఐరన్ వంటి అనేక ఖనిజాలు పుష్కలంగా ఉంటాయి.
ఒమేగా-3 ఫ్యాటీ యాసిడ్స్ సమృద్ధిగా ఉండే చేపకళ్ళ వల్ల గుండె ఆరోగ్యం మెరుగుపడుతుంది. మెదడు పనితీరుకి మద్దతు లభిస్తుంది. చేపల కళ్ళు తింటే శరీర వాపులు, నొప్పులు తగ్గుతాయి. చేపల కళ్ళల్లో విటమిన్ ఏ ఎక్కువగా ఉండటం వల్ల కంటి సమస్యలు దూరం చేస్తుంది. దృష్టి మెరుగవుతుంది. ఆరోగ్యకరమైన రోగ నిరోధక వ్యవస్థను నిర్వహించడానికి ఉపయోగపడుతుంది.
చేప కళ్ళు రక్తపోటును తగ్గించడంలో కీలకంగా పనిచేస్తాయని నిపుణులు చెబుతున్నానరు. చేప కళ్ళలో ఉండే కొవ్వు ఆమ్లాలు మెదడు ఆరోగ్యాన్ని మెరుగుపరుస్తాయి. చేప కళ్ళను తినడం వల్ల మనకు నైట్ బ్లైండ్నెస్ వంటి సమస్యలు రాకుండా ఉంటాయి. చేప కళ్ళు మన రోగనిరోధక వ్యవస్థను బలపరిచి, సమర్థవంతంగా పనిచేస్తాయి.
అంతేకాదు.. చేప కళ్ళను తినడం వల్ల చర్మ ఆరోగ్యం, ఎముకల దృఢత్వం పెరుగుతుంది. రక్తనాళాల పనితీరు మెరుగుపడుతుంది. ఆటిజం వంటి మానసిక సమస్యలతో ఇబ్బంది పడే వారికి చేపల కళ్లు ఎంతో మేలు చేస్తాయని నిపుణులు చెబుతున్నారు. జ్ఞాపకశక్తి మెరుగుపడుతుంది.
చేపల కళ్ళలో ఉండే పోషకాలతో డయాబెటిస్ తగ్గుతుంది. విటమిన్ డి పుష్కలంగా ఉండటం వల్ల చేపల కళ్ళను తింటే శారీరక ఆరోగ్యం మెరుగుపడి ప్రశాంతమైన నిద్రను కలిగిస్తుంది. చేపల కళ్ళల్లో ఉండే పోషకాలతో క్యాన్సర్ ముప్పు తగ్గుతుంది.