ఉదయాన్నే బీట్రూట్ – చియా సీడ్స్ నీరు కలిపి తీసుకుంటే బంపర్ బెనిఫిట్స్..! తెలిస్తే అస్సలు విడిచిపెట్టరు..
ఆరోగ్యకరమైన జీవనశైలిని అలవర్చుకోవడానికి చాలా మంది తమ రోజును ఏదైనా హెల్తీ డ్రింక్తో ప్రారంభించడానికి ఇష్టపడతారు. ఈ క్రమంలోనే బీట్రూట్ - చియా సీడ్స్ వాటర్ (Beetroot Chia Seed Water) ఒక సూపర్ మార్నింగ్ డ్రింక్గా ప్రాచుర్యం పొందింది. ఈ రెండు విభిన్న సూపర్ ఫుడ్స్ కలయిక మన శరీరానికి ఎన్నో రకాల పోషకాలను అందిస్తుంది. ఈ హెల్తీ డ్రింక్ ఎలా తయారు చేయాలి? ఆరోగ్య ప్రయోజనాలేంటో వివరంగా చూద్దాం..
ప్రస్తుతం సోషల్ మీడియాలో బీట్రూట్, చియా సీడ్స్ కలిపిన నీటిని ఉదయాన్నే ఖాళీ కడుపుతో తాగే ట్రెండ్ బాగా నడుస్తోంది. యాంటీఆక్సిడెంట్లు, ఫైబర్, ఒమేగా-3 ఫ్యాటీ యాసిడ్లు పుష్కలంగా ఉండే ఈ డ్రింక్ జీర్ణక్రియను మెరుగుపరచడానికి, బరువు తగ్గడానికి, గుండె ఆరోగ్యాన్ని కాపాడటానికి అద్భుతంగా సహాయపడుతుంది. ఇది కాలేయంలోని వ్యర్థాలను తొలగించి (Detoxification), చర్మాన్ని కాంతివంతం చేస్తుంది. అయితే, ఈ హెల్తీ డ్రింక్ తయారీ, డైలీ తీసుకోవటం వల్ల కలిగే లాభనష్టలేంటో తెలుసుకుందాం..
తయారీ విధానం.. ఒక మీడియం సైజ్ బీట్రూట్ను శుభ్రంగా కడిగి, తొక్క తీసి ముక్కలుగా కోసుకోవాలి. దాన్ని ఒక కప్పు నీటితో బ్లెండ్ చేసి, వడకట్టి జ్యూస్ వేరు చేయాలి. మరోవైపు, ఒక టేబుల్ స్పూన్ చియా సీడ్స్ను కొద్దిగా నీటిలో 10-15 నిమిషాల పాటు నానబెట్టాలి. ఇప్పుడు ఆ నానిన చియా సీడ్స్ జెల్ను బీట్రూట్ జ్యూస్లో బాగా కలపాలి. రుచి కోసం కొద్దిగా నిమ్మరసం లేదా తేనె కలుపుకుని, ఉదయాన్నే ఖాళీ కడుపుతో దీన్ని సేవించవచ్చు.
చియా సీడ్స్లో ఉండే పీచుపదార్థం (Fiber) మలబద్ధకాన్ని నివారిస్తుంది. బీట్రూట్లోని ప్రిబయోటిక్ ఫైబర్ పేగుల్లోని మంచి బ్యాక్టీరియాను పెంచి జీర్ణవ్యవస్థను ఆరోగ్యంగా ఉంచుతుంది. బీట్రూట్లో ఉండే నైట్రేట్లు రక్తనాళాలను వెడల్పు చేసి, రక్తప్రసరణను మెరుగుపరుస్తాయి మరియు రక్తపోటును (BP) తగ్గిస్తాయి. చియా సీడ్స్లోని ఒమేగా-3 ఫ్యాటీ యాసిడ్స్ కొలెస్ట్రాల్ను నియంత్రిస్తాయి.
ఇది బాడీ స్టామినాను పెంచుతుంది. ఇందులోని ఫైబర్ వల్ల కడుపు నిండిన అనుభూతి కలిగి, ఆకలి నియంత్రణలో ఉంటుంది. తద్వారా బరువు తగ్గడానికి తోడ్పడుతుంది. బీట్రూట్లోని బెటాలైన్ వంటి సమ్మేళనాలు కాలేయంలోని టాక్సిన్స్ను తొలగిస్తాయి. ఇందులోని యాంటీఆక్సిడెంట్లు చర్మ రంగును మెరుగుపరిస్తే, చియా సీడ్స్ చర్మాన్ని హైడ్రేట్గా ఉంచుతాయి.
సైడ్ ఎఫెక్ట్స్, ప్రతికూలతలు (Cons): ఈ డ్రింక్ ఆరోగ్యానికి మంచిదే అయినప్పటికీ, దీనిని పరిమితంగానే తీసుకోవాలి. చియా సీడ్స్ ఎక్కువగా తీసుకుని తగినంత నీరు తాగకపోతే కడుపు ఉబ్బరం, గ్యాస్ సమస్యలు రావచ్చు. ముఖ్యంగా ఇరిటబుల్ బవెల్ సిండ్రోమ్ (IBS) ఉన్నవారు వైద్యుడిని సంప్రదించి తీసుకోవడం మంచిది. అలాగే, బీట్రూట్లో ఆక్సలేట్లు (Oxalates) ఎక్కువగా ఉంటాయి. కాబట్టి కిడ్నీలో రాళ్లు (Kidney Stones) వచ్చే అవకాశం ఉన్నవారు ఈ డ్రింక్కు దూరంగా ఉండటం లేదా వైద్యుల సలహా మేరకు మాత్రమే తీసుకోవడం ఉత్తమం.