శ్రావణ మాసానికి ఆ పేరు ఎలా వచ్చింది? ఈ రహస్య కథ తెలుసా?
శ్రావణ మాసం గురించి ప్రత్యేకంగా చెప్పాల్సిన పని లేదు. ఇది అనేక పండుగలకు నిలయం. ఆధ్యాత్మికంగా దీనికి చాలా ప్రాముఖ్యత ఉంటుంది. ఈ సమయంలో ప్రతి ఒక్కరూ శుచి శుభ్రత పాటిస్తూ, నిత్యం దైవారాధన చేస్తుంటారు. మరి మీరు ఎప్పుడైనా ఆలోచించారా? అసలు శ్రావణ మాసానికి ఆ పేరు ఎలా వచ్చిందో? కాగా, ఇప్పుడు మనం దాని గురించే వివరంగా తెలుసుకుందాం.
శ్రావణ మాసం అంటే చాలు చాలా మంది పండుగలు , వ్రతాలు మాత్రమే అనుకుంటారు. కానీ ఈ మాసానికి ఈ పేరు రావడం వెనుక పెద్ద కథ ఉందని చెబుతున్నారు పండితులు. ముఖ్యంగా శ్రీ మహావిష్ణువు కారణంగా దీనికి శ్రావణ మాసం అనే పేరు వచ్చిందంట. అసలు విషయంలోకి వెళితే.. మహావిష్ణువు జన్మ నక్షత్రం శ్రవణా నక్షత్రం, దీని పేరు మీదుగా దీనికి శ్రావణ మాసం అని పేరు వచ్చిందంట.
శ్రావణ మాసం హిందూ సంస్కృతిలో అత్యంత పవిత్రమైన, ప్రత్యేకమైన నెలల్లో ఒకటిగా పరిగణించబడుతుంది. ఈ మాసానికి శ్రావణ మాసం అని పేరు రావడానికి ముఖ్య కారణం మహావిష్ణువు జన్మ నక్షత్రమైన శ్రవణా నక్షత్రంతో దీనికి ఉన్న అనుబంధం. పన్నెండు నక్షత్రాలలో ఒకటైన శ్రవణ నక్షత్రం విష్ణువుకు అత్యంత ప్రీతికరమైనది, ఆయన ఈ నక్షత్రంలోనే జన్మించారని పురాణాలు చెబుతున్నాయి. అంతేకాకుండా, మహావిష్ణువు వామన అవతారం యొక్క విశిష్టత కూడా ఈ మాసంలో చర్చించబడుతుంది. ఈ నెలలో, విష్ణుమూర్తితో పాటు శివుడు మరియు వర లక్ష్మీదేవిని పూజించడం వల్ల అఖండ పుణ్య ఫలాలు లభిస్తాయి.
శ్రావణ మాసం ప్రతి సోమవారం శివుడికి అంకితం. లోకాలను రక్షించడానికి శివుడు హాలాహలం సేవించిన పవిత్రమైన సమయం ఇది. ప్రతి శుక్రవారం వర లక్ష్మీదేవికి ప్రత్యేకం. ఈ రోజులలో లక్ష్మీ పూజలు చేయడం వల్ల ఇంట్లో అఖండ ఐశ్వర్యం, సుఖ సంతోషాలు వెల్ల విరుస్తాయని భక్తుల నమ్మకం. నాగ పంచమి, వరలక్ష్మి వ్రతం, రాఖీ పౌర్ణమి, కృష్ణాష్టమి వంటి ఎన్నో పెద్ద పండుగలు ఒకే నెలలో రావడం శ్రావణ మాసం విశిష్టతను మరింత పెంచుతుంది.
అందుకే ఇది కేవలం ఒక సాధారణ మాసం కాదు. ప్రతి ఇంట్లోనూ భక్తిని, బంధాలను, సంపదలను కలిగించే పవిత్రమైన, ఆధ్యాత్మిక సమయం శ్రావణ మాసం అంటారు. అందుకే ఈ శ్రావణ మాసం శివ, విష్ణు, లక్ష్మి దేవి పూజలతో పాటు నాగ పంచమి, వరలక్ష్మి వ్రతం, రాఖీ పౌర్ణమి, కృష్ణాష్టమి వంటి అనేక పండుగలను అందిస్తుంది. ఇది భక్తిని, బంధాలను, సంపదలను కలిగించే ఆధ్యాత్మిక మాసంగా మంచి ప్రాముఖ్యతను సంపాదించుకుంది.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు