సీతాఫలం చెట్టు ఇంటి ముందు ఉండటం మంచిదేనా?
జ్యోతిష్య శాస్త్రంలో వాస్తు శాస్త్రానికి చాలా ప్రాముఖ్యత ఉంటుంది. అందుకే ప్రతి ఒక్కరూ తప్పకుండా వాస్తు నియమాలు పాటించాలి అని చెబుతుంటారు. కానీ కొంత మంది వాస్తు నియమాలు పాటించడానికి అస్సలే ఆసక్తి చూపరు. దీని వలన అనేక ఆర్థిక సమస్యలు ఎదుర్కుంటారు. ఇక కొంత మంది కేవలం వాస్తు అనేది కేవలం ఇంటి నిర్మాణం, ఇంటిలోని దిశ, మూలలకు మాత్రమే పరిమితం అనుకుంటారు
కానీ మన ఇంటి ముందు వెనక ఉండే చిన్న చిన్న మొక్కల నుంచి పెద్ద పెద్ద చెట్ల వరకు కూడా వాస్తు అనేది ప్రభావితం చేస్తుందంట. ముఖ్యంగా చాలా మంది తమ ఇంటి ముందు సీతాఫలం మొక్క నాటుకుంటారు. మరి ఇలా ఇంటి ముందు సీతాఫలం మొక్క ఉండటం మంచిదేనా? అసలు దీని గురించి వాస్తు శాస్త్ర నిపుణులు ఏమంటున్నారో ఇప్పుడు మనం వివరంగా తెలుసుకుందాం.
చాలా మంది తమ ఇంటి ముందు ఫలాలను ఇచ్చే చెట్లు నాటుకుంటారు. ముఖ్యంగా జామ చెట్టు, మామిడి చెట్లు ఎక్కువగా ఉంటాయి. ఇక కొంత మంది ఏకంగా సీతాఫలం చెట్టును కూడా ఇంటి ముందు నాటుకుంటారు. మరి ఇలా ఇంటి ముందు సీతాఫలం చెట్టు ఉండటం మంచిదేనా? అంటే? అస్సలే మంచిది కాదు అంటున్నారు వాస్తు పండితులు. చాలా మంది సీతాఫలం ప్రతి పూజలో ఉపయోగిస్తారు. ముఖ్యంగా లక్ష్మీదేవికి ఈ పండు సమర్పిస్తే దారిద్ర్యం తొలిగిపోతుంది అంటారు. పూజలో ఉపయోగిస్తారు కాబట్టి, ఇంటి ముందు ఉండటం కూడా మంచిది అనుకుంటారు.
కానీ ఇంటి ముందు సీతాఫలం మొక్క ఉండటం వలన ఆర్థిక సమస్యలు అధికం అవుతాయంట. అంతే కాకుండా ఇది అనేక ఇబ్బందులకు కారణం అవుతుందంట. అందువలన ఎవరి ఇంటి ముందు అయినా సరే సీతాఫలం మొక్క ఉంటే దానిని వెంటనే నరికివేయడం మంచిదని వాస్తు పండితులు చెబుతున్నారు. ఒక వేళ మీకు నరికి వేయడం ఇష్టం లేకపోతే, దాని పక్కనే అశోక మొక్క నాటడం వలన లేదా ఉసిరి మొక్క నాటడం వలన వాస్తు దోషం తొలిగిపోతుందంట.
కానీ చాలా మంది ఈ మధ్య కాలంలో ముఖ్యంగా గ్రామీణ ప్రాంతాల్లో ఉన్న వారు ఎక్కువగా తమ ఇంటి ముందు సీతాఫలం మొక్కను నాటుకుంటున్నారు. ఇది ఆరోగ్యానికి చాలా మంచిదే అయినప్పటికీ, వాస్తు ప్రకారం అస్సలే మంచిది కాదు అని వాస్తు పండితులు తెలియజేస్తున్నారు. అందువలన మొక్కను నాటుకోకూడదు, ఒక వేళ ఉన్నట్లు అయితే పక్కనే ఉసిరి మొక్క నాటుకోవడం మంచిదంట.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు