మంగళసూత్రంలో ముత్యం, పగడం లేదా? భర్త ఆయుష్షుకు డేంజర్ అంటున్న జ్యోతిష్యం!
హిందూ మతంలో మంగళసూత్రానికి చాలా ప్రాముఖ్యత ఉంటుంది. పెళ్లైన ప్రతి ఒక్కరూ మంగళ సూత్రం ధరిస్తారు. అయితే ఇందులో పగడం, ముత్యం, బంగారపు పూసలు అన్నీ కలిసి ఉంటాయి. అయితే మీరు ఎప్పుడైనా ఆలోచించారా? అసలు మంగళ సూత్రంలో పగడం, ముత్యం ఎందుకు ధరించాలి. దీని గురించి జ్యోతిష్య శాస్త్ర నిపుణులు ఏమంటున్నారో ఇప్పుడు మనం తెలుసుకుందాం.
ప్రముఖ జ్యోతిష్యుడు డాక్టర్ బసవరాజ్ గురూజీ, తన దైనందిన భక్తి కార్యక్రమంలో మంగళ సూత్రంలో ముత్యాలు, పగడాలు ఎందుకు ధరించాలి? దీని ప్రాముఖ్యతను వివరించడం జరిగింది. కాగా, దీని గురించి ఇప్పుడు మనం వివరంగా తెలుసుకుందాం.
ప్రతి మహిళకు బలం, ధైర్యం, ఆత్మవిశ్వాసం అనేది తప్పని సరి అయితే హిందూ మతంలో వీటన్నింటినీ అందించే గుణం ముత్యాలకు పగడాలకు ఉంటుందంట. ముఖ్యంగా ఇది భర్త ఆయువును పెంచుతుందని చెబుతున్నారు పండితులు. అంతే కాకుండా మహిళల్లో ప్రతి కూల ఆలోచనలు తగ్గి, ధైర్యం పెరుగుతుంది. మంచి భావాలు వారిలో కలుగుతాయంట. అందుకే తప్పకుండా మంగళ సూత్రంలో పగడం, రత్నం ఉండాల్సిందేనంట.
అంతే కాకుండా మంగళ సూత్రంలో రత్నాలను ధరించడం వలన దుష్టశక్తుల నుంచి కూడా రక్షణ కలుగుతుందని వారు తెలియజేస్తున్నారు. పగడం అంగారక గ్రహానికి సంబంధించినది, ముత్యం చంద్ర గ్రహానికి సంబంధించినది, ఈ రెండూ కూడా స్త్రీలకు బలం, చైతన్యం, వారిలో ఆత్మవిశ్వాసాన్ని పెంచుతాయంట. అంతే కాకుండా వీటిని ధరించడం వలన మానసిక ప్రశాంతత కలుగుతుంది. ఇది అనేక సమస్యల నుంచి కాపాడుతుందంట. భార్య భర్తల మధ్య బంధం మరింత బలపడేలా చేయడమే కాకుండా, భర్త అకాల మృత్యు దోషాన్ని తగ్గించి, తన ఆయువు పెంచుతాయి.
అంతే కాకుండా మంగళ సూత్రంలో పగడం ధరించడం వలన కుజుడు కుటుంబాన్ని నిర్వహించడానికి మానసిక బలాన్ని ఇస్తాడు. అంతే కాకుండా ఇది కుజ దోషాన్ని తగ్గిస్తుంది. వైవాహిక జీవితం ఆనందంగా సాగిపోయేలా చేస్తాయంట. ముఖ్యంగా మంగళసూత్రానికి ఎడమ, కుడివైపు రెండు వైపుల పగడాలు ధరించడం వలన స్త్రీ శక్తి పెరుగుతుంది, సూర్య చంద్రుల అనుగ్రహం కూడా ఉంటుందని చెబుతున్నారు నిపుణులు.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు