పుల్ల పుల్లగా కారంగా ఉండే పల్లెటూరి చేతి పచ్చడి.. ఇడ్లీ, దోసెల్లోకి అదిరిపోతోంది
Breakfast side dish recipes india: పుల్ల పుల్లగా కారంగా ఉండే పల్లెటూరి టమాటా చేతి పచ్చడి ఒకసారి తింటే మళ్ళీ మళ్ళీ తినాలనిపిస్తుంది. మరి ఇది అంత రుచిగా ఉంటుంది. ఇంకా ఇది ఇడ్లీ దోసెల్లోకి అదిరిపోతోంది. అంతేకాదు, ఇది సూపర్ కాంబినేషన్ అని చెప్పాలి. ఎలా చేయాలో ఇక్కడ చూద్దాం..
పల్లెటూరి టమాటా చేతి పచ్చడికి కావాల్సిన పదార్థాలు : 6 టమాటాలు, రెండు ఉల్లిపాయలు, 6 పచ్చిమిర్చి, 6 వెల్లుల్లి రెబ్బలు – 6–8 నాలుగు ఎండు మిర్చి ముక్కలు, నిమ్మకాయ సైజ్ అంత చింతపండు , రుచికి తగినంత ఉప్పు, అర టేబుల్ స్పూన్ పసుపు, ఇంకా నాలుగు టేబుల్ స్పూన్స్ నూనెను తీసుకోవాలి. వీటిని వేస్తె రుచి మంచిగా ఉంటుంది.
ఇంకా తాలింపు కోసం: మూడు టేబుల్ స్పూన్స్ నూనె, ఒక టేబుల్ స్పూన్ ఆవాలు, అర టేబుల్ స్పూన్ జీలకర్ర, అర టేబుల్ స్పూన్ మినప్పప్పు , నాలుగు కరివేపాకులు కరివేపాకు ఆకులు తీసుకోవాలి. ఇంకా దీనిలో చిటికెడు ఇంగువను తీసుకోవాలి. ఇది వేస్తే రుచి డబుల్ అవుతుంది. మీ ఇంట్లో చేసుకునేటప్పుడు వీటిని తప్పకుండా వేయండి.
టమాటాలను బాగా ఉడికించుకోవాలి: ముందుగా టమాటాలను కడిగి వాటిని ముక్కలుగా చేసుకోవాలి. ఇంకా పాన్ లో కొద్దిగా ఆయిల్ వేసి టమాటాలు, నాలుగు పచ్చిమిర్చి వేసి అవి మెత్తగా అయ్యే వరకు వాటిని బాగా వేయించాలి ఇంకా పసుపు కూడా వేసి బాగా వేయించాలి. మరో పాన్లో ఒక టేబుల్ స్పూన్ నూనె వేసి ఎండు మిర్చి, వెల్లుల్లిని బాగా వేయించాలి.
చింతపండును ముందే నానబెట్టాలి: విలేజ్ స్టైల్లో ఈ పచ్చడిని చేసుకోవాలంటే దీనిలో ఉడికించిన టమాటాలను చేత్తోనే మెత్తగా చేసుకోవాలి. ఇంకా ఈ మిశ్రమంలో చింతపండును వేసి బాగా నూరుకోవాలి. ఇంకా దీనిలో వెల్లుల్లి, ఎండు మిర్చి, ఉప్పు వేస్తే మంచి టేస్ట్ వస్తుంది. మరి, స్మూత్ లాగా కాకుండా కొంచెం గట్టిగా ఉంటేనే రుచి అదిరిపోతోంది.
తాలింపు పెట్టుకోవాలి: ఒక చిన్న పాన్లో ఆయిల్ వేసి, అది వేడయ్యాక అర టేబుల్ స్పూన్ ఆవాలు, అర టేబుల్ స్పూన్ జీలకర్ర, మినప్పప్పు, ఇంకా కరివేపాకు ఆకులు , ఇంగువ వేసి వేయించాలి. దీనిని పచ్చడి మీద పోయాలి. ఇది ఇడ్లీ, దోసెల్లోకి అదిరిపోతోంది. ఇంకా ఇది సూపర్ కాంబినేషన్ అని చెప్పాలి.