Knowledge: పని ప్రదేశాల్లో రంగురంగుల హెల్మెట్లు, టోపీలు.. వీటి వెనక అసలు మతలబు ఏంటో తెలుసా..
నిర్మాణ రంగంలోని ఉద్యోగులు, కార్మికులు వివిధ రంగుల హెల్మెట్లు, టోపీలు ధరించడం మనం చూస్తూనే ఉంటాం. మరి వారు వాటినెందుకు ధరిస్తారు? ఆ రంగుల వెనక మతలబు ఏంటంటే...
పని ప్రదేశాల్లో ఎక్కువగా కార్మికులు నీలిరంగు హెల్మెట్లు ధరించి కనిపిస్తారు. సాధారణంగా వీటిని మెకానిక్‌లు, మెషిన్ ఆపరేటర్లు మొదలైన వారు ధరిస్తారు.
అదే సమయంలో లేబర్ పనులు చేసేవారికి పసుపు రంగు హెల్మెట్లను కేటాయిస్తారు.
ఎక్కడ నిర్మాణ పనులు జరుగుతున్నా కార్మికులు హెల్మెట్ ధరించడం మనం చూస్తుంటాం. అయితే వేర్వేరు చోట్ల కార్మికులు వేర్వేరు రంగుల్లో హెల్మెట్లను ధరిస్తుంటారు. మరి ఈ హెల్మెట్ల రంగుకు ప్రామాణికం ఏమైనా ఉందా? అంటే అదేమీ లేదు. కేవలం హోదాను బట్టి ఈ హెల్మెట్లు ధరిస్తారు. ఈ రంగురంగుల హెల్మెట్ల వాడకానికి సంబంధించి విదేశాల్లో పక్కా నిబంధనలు అమల్లో ఉన్నాయి. అయితే మనదేశంలో మాత్రం ఎలాంటి నియమాలు, నిబంధనలు లేవు
ఇక తెలుపు రంగు వైట్ హెల్మెట్ లేదా క్యాప్ గురించి మాట్లాడుకుంటే.. ఇంజనీర్, ప్రాజెక్ట్ మేనేజర్ మొదలైన సీనియర్ ఉద్యోగులు వీటిని ఎక్కువగా ధరిస్తారు.
ఇక నారింజ రంగు హెల్మెట్‌ను ఎలక్ట్రీషియన్లు ఎక్కువగా ఉపయోగిస్తారు. ఇక బూడిద రంగు (గ్రే కలర్‌) హెల్మెట్లను సందర్శకులు లేదా కస్టమర్‌ల కోసం కేటాయిస్తారు.
పర్యావరణ శాఖకు చెందిన అధికారులు, ఉద్యోగులు ఆకుపచ్చ రంగు హెల్మెట్లు ధరిస్తారు. ఇక అగ్నిప్రమాద నివారణ శాఖకు చెందిన వ్యక్తులు ఎరుపు రంగు హెల్మెట్లు ధరిస్తారు.
అయితే పని ప్రదేశాల్లో ఎలాంటి ప్రమాదాల బారిన పడకుండా రక్షణ కోసం వీటిని ఉపయోగించాలని ఆదేశాలున్నాయి.