Beauty Tips: నల్లగా మారిన మోచేతులను చిటికెలో మెరిపించే చిట్కా.. ఏం చేయాలంటే?
చాలా మంది చర్మ సంరక్షణలో ముఖానికే అధిక ప్రాధాన్యత ఇస్తుంటారు. కానీ మోచేతులు, మోకాళ్లు, మెడ వంటి భాగాలను పెద్దగా పట్టించుకోరు. దీంతో ఈ భాగాలపై నల్లని ట్యాన్ పేరుకుపోతుంది. అయితే కోల్పోయిన కాంతిని తిరిగి తీసుకువచ్చే సులభమైన హోమ్ రెమెడీలను నిపుణులు సూచిస్తున్నారు. అవేంటో ఇక్కడ తెలుసుకుందాం..
చాలా మంది చర్మ సంరక్షణలో ముఖానికే అధిక ప్రాధాన్యత ఇస్తుంటారు. కానీ మోచేతులు, మోకాళ్లు, మెడ వంటి భాగాలను పెద్దగా పట్టించుకోరు. దీంతో ఈ భాగాలపై నల్లని ట్యాన్ పేరుకుపోతుంది. అయితే కోల్పోయిన కాంతిని తిరిగి తీసుకువచ్చే సులభమైన హోమ్ రెమెడీలను నిపుణులు సూచిస్తున్నారు. అవేంటో ఇక్కడ తెలుసుకుందాం..
అరటిపండు తొక్కలు కూడా మీ మోచేతులను కాంతివంతంగా మారుస్తాయి. మీ మోచేతులపై కొద్దిగా బేకింగ్ సోడా చల్లి, అరటిపండు తొక్క లోపలి భాగంతో రుద్దండి. దానిలోని సహజ పదార్థాలు మొండి నల్ల మచ్చలను తొలగించడంలో సహాయపడతాయి.
చిటికెడు పసుపు పొడిని పుల్లటి పెరుగులో కలిపి ప్యాక్ తయారు చేసుకోవాలి. దీనిని మోచేతులపై క్రమం తప్పకుండా అప్లై చేయడం వల్ల చర్మంలో లోతుగా పేరుకుపోయిన మురికి తొలగిపోతుంది. అంతేకాకుండా, ఈ ప్యాక్ చర్మానికి సహజమైన కాంతిని తిరిగి తీసుకురావడంలో చాలా ప్రభావవంతంగా ఉంటుంది.
రోజూ రాత్రి పడుకునే ముందు మీ మోచేతులకు కలబంద జెల్ లేదా కొబ్బరి నూనె రాసుకోవడం అలవాటు చేసుకోండి. ఇది చర్మం పొడిబారడాన్ని, గరుకుదనాన్ని తగ్గిస్తుంది. క్రమం తప్పకుండా ఇలా వాడటం వల్ల మీ మోచేతుల చర్మం మృదువుగా, కాంతివంతంగా మారుతుంది.
వాల్నట్ పెంకులను నూరి, కొబ్బరి నూనెతో కలిపి తయారు చేసిన స్క్రబ్ను మీ మోచేతులు, మోకాళ్లపై రోజుకు కనీసం 2 సార్లు బాగా మర్దనా చేసుకోవాలి. వారం రోజుల్లోనే మీ చర్మం రంగులో స్పష్టమైన మార్పును మీరు గమనిస్తారు.