వామ్మో.. వీళ్లు సీతాఫలం అస్సలు తినకూడదు.. ఎంత దూరంగా ఉంటే అంత బెటర్..! లేదంటే..
సీతాఫలం శీతాకాలంలో మాత్రమే లభించే సీజనల్ ఫ్రూట్. ఇది పోషకాల నిధి. ఈ సీజనల్ మాత్రమే దొరికే ఈ పండు అనేక ఆరోగ్య ప్రయోజనాలను అందిస్తుంది. అనేక పోషకాలతో, మంచి రుచితో చూస్తే చాలు ప్రతి ఒక్కరికి తినాలనిపిస్తుంది. సీతాఫలాన్ని పేదవాడి ఆపిల్ గా చెబుతారు. సీతాఫలంలో అనేక ఔషధగుణాలు ఉంటాయి. ఆయుర్వేదంలో సీతాఫలం ఆకులు, బెరడు, గింజలు, వేరు ఇలా ప్రతి భాగాన్ని చాలా వ్యాధుల నివారణలో ఉపయోగిస్తూ ఉంటారు. అయితే, దీనిని అధికంగా తీసుకోవడం వల్ల జీర్ణ సమస్యలు, వాంతులు, ఇతర ఆరోగ్య సమస్యలు వస్తాయి. ముఖ్యంగా, దీని విత్తనాలు విషపూరితమైనవి. కాబట్టి వినియోగంలో జాగ్రత్త అవసరం. కొన్ని ఆరోగ్య సమస్యలు ఉన్నవారు సీతాఫలాన్ని తినేటప్పుడు జాగ్రత్తగా ఉండాలని నిపుణులు చెబుతున్నారు. ఈ పండు ఎవరు తినకూడదు. దాని దుష్ప్రభావాలు ఏమిటో తెలుసుకుందాం
సీతాఫలం ఆరోగ్య ప్రయోజనాలు: సీతాఫలం పోషకాలకు నిలయం, ఇందులో విటమిన్ సి, ప్రోటీన్లు, కార్బోహైడ్రేట్లు, ఫైబర్, కాల్షియం, మెగ్నీషియం, పొటాషియం వంటి అనేక విటమిన్లు, ఖనిజాలు ఉంటాయి. విటమిన్ సి యాంటీఆక్సిడెంట్గా పనిచేస్తుంది. ఫ్రీ రాడికల్స్ను తొలగించడం ద్వారా శరీరాన్ని రక్షిస్తుంది. ఇది రోగనిరోధక శక్తిని పెంచడానికి, చర్మ ఆరోగ్యాన్ని కాపాడుకోవడానికి, మొత్తం ఆరోగ్యాన్ని మెరుగుపరచడంలో సహాయపడుతుంది. సీతాఫలం ఆరోగ్యకరమైన పండు అయినప్పటికీ, దానిని తినేటప్పుడు మితంగా తీసుకోవడం చాలా ముఖ్యం. ముఖ్యంగా, ఆరోగ్య సమస్యలు ఉన్నవారు లేదా అతిగా తినే వారు జాగ్రత్తగా ఉండాలి.
అలెర్జీలు ఉన్నవారు: కొంతమందికి సీతాఫలం తిన్న తర్వాత దురద, దద్దుర్లు, చికాకు లేదా ఇతర అలెర్జీ లక్షణాలు కనిపించవచ్చు. అలాంటి లక్షణాలు కనిపిస్తే, సీతాఫలం తినకుండా ఉండటం మంచిది.
జీర్ణ సమస్యలు ఉన్నవారు: సీతాఫలంలో ఫైబర్ అధికంగా ఉంటుంది. కాబట్టి, దానిని ఎక్కువగా తినడం వల్ల ఉబ్బరం, కడుపు నొప్పి, విరేచనాలు లేదా కడుపు నిండిన భావన వంటి జీర్ణ సమస్యలు వస్తాయి.
Custard Apple
అధిక ఐరన్ సమస్యలు ఉన్నవారు: సీతాఫలం ఇనుముకు మంచి మూలం. అయితే, అధికంగా తీసుకుంటే అది శరీరంలో ఇనుము స్థాయిలను పెంచుతుంది. కడుపు నొప్పి, వికారం, మలబద్ధకం, కడుపు పొర వాపు, పూతల వంటి సమస్యలను కలిగిస్తుంది.