మీకు ప్రియమైన సమోసా ఎక్కడి నుంచి వచ్చిందో తెలుసా..? దాని కథేంటంటే..
ప్రతి ఒక్కరికీ ప్రియమైన సమోసా ఎక్కడ నుండి వచ్చింది..అది మన దేశంలో ఎలా స్థిరపడిందో మీకు తెలుసా..? వివిధ కథనాల ద్వారా అందిన సమాచారం మేరకు ఇక్కడ వివరాలు అందించబడ్డాయి. ఇంతకీ సమోసా ఎలా వచ్చింది..? ఎక్కడ పుట్టిందో ఇక్కడ తెలుసుకుందాం..
మన దేశంలో చాలా మందికి ఇష్టమైన స్నాక్‌ ఐటమ్‌ సమోసా..అందరికీ ప్రియమైన ఈ సమోసా ఇరాన్ నుండి ఇక్కడికి వచ్చిందని చెబుతారు. సమోసా ఇరాన్ నుండి భారతదేశానికి వచ్చిన సమోసా..ఇండియన్స్‌ ఫేవరెట్‌ ఫుడ్‌గా, భారతీయ రుచితో కలగలిసిపోయింది.
ఇరాన్ నుండి ఇండియాకు వచ్చిన సమోసా ఇక్కడ సత్తా చాటుతోంది. వీధి వ్యాపారులు, ఫుట్‌పాత్‌ల దగ్గర నుంచి పెద్ద పెద్ద హోటళ్ల దాకా సమోసా గిరాకీ మామూలుగా ఉండదు. కొందరు కూలీలు, కార్మికులు ఓ కప్పు చాయ్‌తో పాటు నాలుగు సమోసాలు తిని పూటగడిపేస్తుంటారు కూడా.
చిన్నపిల్లల నుంచి వృద్ధుల వరకు ఇష్టంగా తినే స్నాక్‌ ఫుడ్‌ ఐటమ్‌ సమోసా.. ఇప్పుడు ఇండియన్‌ వంటకంగా మారింది. సమోసా అనే పదం పర్షియన్ భాష 'సంబోసాగ్' నుండి ఉద్భవించిందని చెబుతారు.
చరిత్రకారుల అభిప్రాయం ప్రకారం, 2000 సంవత్సరాల క్రితం ఆర్య భారతదేశానికి వచ్చినప్పుడు సమోసా భారతదేశానికి వచ్చింది.
10వ శతాబ్దంలో, మహ్మద్ ఘజ్నవి ఆస్థానంలో మాంసంతో కలిపి తయారు చేసిన ఒక రాజ పేస్ట్రీ వడ్డించబడేదని ఒక కథనం కూడా ఉంది. ఇది సమోసాల మాదిరిగానే ఉంటుందని చెబుతారు.