Ridge Gourd Benefits: బీరకాయ తినమంటే బోర్ అనుకుంటున్నారా..? రెగ్యూలర్గా తింటే బోలెడన్నీ లాభాలు
ఆకుకూరలతో పాటు కూరగాయలు ఎల్లప్పుడూ మనకు ప్రయోజనకరంగా పనిచేస్తాయి. అందుకే నిపుణులు సమతుల్య, పోషకమైన ఆహారం తినమని ప్రజలకు సలహా ఇస్తున్నారు. మన ఆరోగ్యానికి చాలా ప్రయోజనకరమైన కూరగాయలు చాలా ఉన్నాయి. వాటిలో బీరకాయ ఒకటి. ఇది ఫైబర్, విటమిన్ ఎ, విటమిన్ సి, ఐరన్, మెగ్నీషియం, పొటాషియం, సెలీనియం అధికంగా ఉండే తక్కువ కేలరీల కూరగాయ. ఇది ఆహారంలో భాగం చేసుకుంటే అనేక ప్రయోజనాలను అందిస్తుంది. బీరకాయ ఈ ప్రయోజనాల గురించి మీకు ఇంకా తెలియకపోతే, దాని ప్రయోజనాలలో కొన్నింటిని తెలుసుకుందాం-
బీరకాయలో కొవ్వు, కొలెస్ట్రాల్ , కేలరీలు తక్కువ మోతాదులో ఉంటాయి. బరువు తగ్గాలనుకునే వారికి బీరకాయ ఎంతో మేలు చేస్తుంది. బీరకాయలో ఫైబర్ అధికంగా ఉండటం వల్ల బరువు తగ్గాలనుకునే వారికి బాగా ఉపకరిస్తుంది. శరీరానికి కావాల్సిన విటమిన్లు, మినరల్స్ ఎన్నో బీరకాయల్లో సమృద్ధిగా ఉంటాయి.
బీరకాయను తరచూ ఆహారంలో భాగంగా తీసుకోవటం వల్ల మలబద్ధకాన్ని నివారిస్తుంది. సెల్యులోజ్ మలబద్ధకాన్ని నివారించటంలో సహాయపడుతుంది. ఇందులో విటమిన్ సి, జింక్, రిబోఫ్లేవిన్, మెగ్నీషియం, థియామిన్ వంటి ఖనిజాలు అధికంగా ఉంటాయి.
డయాబెటిస్ ఉన్నవారికి బీరకాయలు ఎంతో ఉపయోగపడతాయి. ఇన్సులిన్ ఉత్పత్తికి సహాయకారిగా పనిచేయటం వల్ల షుగర్ లెవల్స్ను అదుపులో ఉంచుంది. తద్వారా అన్ని అవయవాలు ఆరోగ్యంగా ఉంటాయి. రోగ నిరోధక శక్తిని పెంచుతాయి.
కంటి ఆరోగ్యాన్ని రక్షించే బీటా కెరోటిన్ బీరకాయలో సమృద్ధిగా లభిస్తుంది. ఆకలి నియంత్రణలో ఉంచుతుంది. కామెర్ల సమస్యకు బీరకాయను ఆహారంగా తీసుకోవటం వల్ల మేలు కలుగుతుంది. బీరకాయల్లో శరీరానికి కావల్సిన పెప్టైడ్స్, ఆల్కలాయిడ్స్ అధికంగా ఉంటాయి. ఇది లివర్ను శుభ్ర పరుస్తాయి. ఇందులో ఉండే ఐరన్ రక్తహీనత సమస్యను నివారిస్తుంది.
బీరకాయ తినటం వల్ల శరీరంలో అమ్లత్వాన్ని తగ్గించి.. వేడిని తొలగిస్తుంది. మూత్రవిసర్జన సాఫీగా సాగేలా చేస్తుంది. అల్సర్ల సమస్య ఉన్నవారు బీరకాయను ఆహారంలో భాగం చేసుకోవటం వల్ల సమస్య నుండి ఉపశమనం కలిగిస్తుంది. చర్మ సౌందర్యాన్ని మెరుగుపరచటంలోనూ బీరకాయ బెస్ట్ మెడిసిన్లా పనిచేస్తుందని నిపుణులు చెబుతున్నారు.