Skin Care: వర్షాకాలంలో కాళ్లకు వచ్చే చర్మ సమస్యలకు.. ఈ చిట్కాలతో ఉపశమనం..
వర్షాకాలం మొదలైంది. నీటిలో అతిగా పాదాలను తడుపుతూ ఉంటారు. దీనికారణంగా అనేక చర్మవ్యాధులు వచ్చే అవకాశం ఉంటుంది. ముఖ్యంగా కాలు వేళ్ల సందుల్లో దద్దుర్లు, ఎర్రబడటం, పొట్టుపొట్టు రాలిపోవడం లాంటివి జరుగుతూనే ఉంటాయి. వీటిని సహజమైన పద్దతుల ద్వారా ఉపశమనం పొందేందుకు కొన్ని చిట్కాలు ఉన్నాయంటున్నారు వైద్య నిపుణులు.
వర్షాకాలం మొదలైంది. నీటిలో అతిగా పాదాలను తడుపుతూ ఉంటారు. దీనికారణంగా అనేక చర్మవ్యాధులు వచ్చే అవకాశం ఉంటుంది. ముఖ్యంగా కాలు వేళ్ల సందుల్లో దద్దుర్లు, ఎర్రబడటం, పొట్టుపొట్టు రాలిపోవడం లాంటివి జరుగుతూనే ఉంటాయి.
వీటిని సహజమైన పద్దతుల ద్వారా ఉపశమనం పొందేందుకు కొన్ని చిట్కాలు ఉన్నాయంటున్నారు వైద్య నిపుణులు. మామూలుగా అయితే వేడినీళ్లలో ఉప్పు వేసి, డెటాయిల్ వేసి శుభ్రపరుస్తూ ఉంటారు. అలా చేయడం వల్ల బ్యాక్టీరియా నశించిపోతుంది. తద్వారా ఫంగల్ ఇన్ఫెక్షన్స్ దరిచేరకుండా ఉంటుందంటున్నారు.
దీంతోపాటూ పెట్రోలియం జెల్లీలు పూసి కాసేపు మర్ధనా చేయడంవల్ల డ్రై స్కిన్ సాఫ్ట్ గా మారుతుంది. క్రమంగా దురదలు తగ్గుముఖం పడుతుంది. పెప్పర్మెంట్ నూనె పూయడం వల్ల కూడా దద్దుర్లు, మంట తగ్గుముఖం పడుతుంది. గోరు వెచ్చని నీటిలో రెండు లేదా మూడు చుక్కల పెప్పర్ మింట్ నూనె వేసి బాగాకలపాలి.
పాదాలు మునిగేవరకు10 నిమిషాలపాటూ అలాగే ఉంచాలి. ఆ తరువాత బయటకు తీసి పొడిబట్టతో శుభ్రం చేసుకోవాలి. అలా చేయడం వల్ల మంచి ఉపశమనం కలుగుతుంది. ఇంతేకాకుండా బేకింగ్ సోడా, హైడ్రోజన్ పెరాక్సైడ్, వైట్ వెనిగర్, పుదీనా రసంను ఉపయోగించుకోవచ్చ.
ఈ చర్మవ్యాధులను నిర్లక్ష్యం చేస్తే పొక్కులు ఏర్పడి పెద్ద నష్టం వాటిల్లుతుందని చెబుతున్నారు వైద్యులు. ఇలాంటివి దరిచేరకూడదంటే వర్షాకాలంలో ఎక్కువ సేపు షూ, సాక్సులు ధరించకుండా ఉండటమే మంచిదంటున్నారు. పాదాలకు గాలి తగులుతూ ఉండేలా చూసుకోవాలని చెబుతున్నారు.