Beauty Tips: రాత్రి పడుకునే ముందు జస్ట్ ఇలా చేస్తే చాలు.. మీ ముఖం అద్దంలా మెరవాల్సిందే!
Unlock Natural Beauty: అందంగా కనిపించాలని ప్రతి ఒక్కరూ అనుకుంటారు. అందుకోసం చాలా మంది మార్కెట్లో దొరికే రకరకాల ఉత్పత్తులను వాడుతూ ఉంటారు. కానీ మన ఇంట్లోనే దొరికే కొన్ని పదార్థాలతో సహజంగా ముఖాన్ని అందంగా మార్చుకోవచ్చని చాలా మందికి తెలియదు. కాబట్టి ఇంట్లోనే సహజంగా మన అందాన్ని ఎలా పెంచుకోవాలో ఇక్కడ తెలుసుకుందాం.
మన ఇంట్లో రోజూ వాడే కొన్ని పదార్థాలు మన చర్మం ఆరోగ్యాన్ని మెరుగుపర్చడంతో చాలా ప్రభావవంతంగా పనిచేస్తాయి. వాటిలో పచ్చి పాల కూడా ఒకటి. పచ్చి పాలలో అనేక ఔషధ గుణాలు ఉన్నాయి. ఇవి చర్మాన్ని ప్రకాశవంతంగా మార్చడంలో కీలక పాత్ర పోషిస్తాయి.
పచ్చి పాలలో లాక్టిక్ ఆమ్లం ఉంటుంది. ఇది చర్మాన్ని లోతుగా శుభ్రపరుస్తుంది. అలాగే చర్మాన్ని తేమగా ఉంచడంతో పాటు మీ చర్మ కాంతిని పెంచడంలో సహాయపడుతుంది. మీ ముఖం నిస్తేజంగా మారితే మీరు మీ ముఖానికి పచ్చి పాలను అప్లై చేయడం ద్వారా ప్రకాశవంతంగా మార్చుకోవచ్చు.
మీ ముఖం మీద ఉన్న పిగ్మెంటేషన్ లేదా మొండి నల్లటి మచ్చలను వదిలించుకోవాలనుకుంటే.. మీరు పచ్చి పాలను ఉపయోగించడం ఉత్తమం. ఇందుకోసం మీరు రాత్రి పడుకునే ముందు పచ్చిపాలను ఒక కాటన్ సహాయంతో ముఖంపై అప్లై చేసుకోండి. ఇలా కొన్ని రోజులు చేస్తే మీ ముఖం అందంగా మారుతుంది.
పచ్చి పాలు సన్ టానింగ్ను తగ్గించడంలో కూడా ప్రభావవంతంగా పనిచేస్తాయి. ఇవి చర్మ కణాలను మరమ్మతును చేస్తాయి. పోషకాలు అధికంగా ఉండే పచ్చి పాలను క్రమం తప్పకుండా తీసుకోవడం వల్ల ఆరోగ్యకరమైన, అందమైన చర్మాన్ని పొందవచ్చు.
పచ్చి పాలలో ఉండే సమ్మేళనాలు చర్మంపై ఉన్న ముడతలను తగ్గించడంలో చాలా ప్రభావవంతంగా పనిచేస్తాయి. అయితే, మీ మొత్తం ముఖానికి పచ్చి పాలను పూయడానికి ముందు మీరు ఎల్లప్పుడూ ప్యాచ్ టెస్ట్ చేయించుకోడం చాలా ముఖ్యం. మీకు పాల ఎలర్జీ కనుక ఉంటే.. పాలను ఉపయోగించే ముందు వైద్యులను సంప్రదించండి ఉత్తమం.