Health Tips: వీళ్లు మఖానాకు దూరంగా ఉంటేనే మంచిది..! లేదంటే సమస్యలు కొనితెచ్చుకున్నట్టే..!!
ఫూల్ మఖానా.. ఇది పౌష్టికాహారం. మఖానాతో స్నాక్స్, ఫ్రై, సైడ్ డిష్, ఉడికించుకుని, డెజర్ట్స్ ఇలా చాలా రకాల వంటకాలను తయారు చేసుకుని తింటారు. ఈ మఖానాలో ప్రోటీన్స్, కార్బోహైడ్రేట్స్, యాంటీ ఆక్సిడెంట్స్ పుష్కలంగా ఉంటాయి. ఇందులో పిండి పదార్థాలు, కాల్షియం, మెగ్నీషియం, ఐరన్, ఫాస్పరస్ పుష్కలంగా ఉంటాయి. ఇవన్నీ ఆరోగ్యానికి చాలా మంచివి. మఖానాలోని కాల్షియం ఎముకల ఆరోగ్యానికి హెల్ప్ చేస్తుంది. రక్తపోటు తగ్గిస్తుంది. దీంతో పాటు కొలెస్ట్రాల్ స్థాయిలను తగ్గించడంలో హెల్ప్ చేస్తుంది. మెగ్నీషియం శరీరంలోని జీవక్రియ ప్రతిచర్యలకు అవసరం. ప్రోటీన్ సంశ్లేషణ, కండరాల సంకోచాలు, నరాల పనితీరు అన్నింటికీ మెగ్నీషియం హెల్ప్ చేస్తుంది.ఇన్ని ఆరోగ్య ప్రయోజనాలు కలిగిన మఖాను కొందరు మాత్రం పొరపాటున కూడా ముట్టుకోకూడదని ఆరోగ్య నిపుణులు చెబుతున్నారు.
కడుపు సంబంధిత సమస్యలు: గ్యాస్ట్రిటిస్ ,జీర్ణ సమస్యలు ఉన్న వ్యక్తులు మఖానా తీసుకోవడం వల్ల కొంతమందికి జీర్ణ సమస్యలు తలెత్తవచ్చు. ఇందులో అధిక మొత్తంలో ఫైబర్ ఉంటుంది. ఇది కొన్నిసార్లు గ్యాస్, ఉబ్బరం మలబద్ధకం వంటి కడుపు సమస్యలను కలిగిస్తుంది. ఒక వ్యక్తికి గ్యాస్ట్రిటిస్, గుండెల్లో మంట లేదా ఇతర జీర్ణ సమస్యలు ఉంటే, అతను లేదా ఆమె మఖానా తినకుండా ఉండాలి లేదా పరిమిత పరిమాణంలో తినాలి.
మఖానాలో ఫైబర్ పుష్కలంగా ఉంటుంది. ఇది మిమ్మల్ని కడుపు నిండినట్లు చేస్తుంది. ఇతర ఆహారాలు తినకుండా నిరోధిస్తుంది. మఖానా మాత్రమే కాదు, పాలు కూడా ఆరోగ్యానికి మేలు చేస్తాయి.
మఖానాను పాలతో కలిపి తినేటప్పుడు మరీంకేమీ అందులో కలపవద్దు. పాలు, మఖానా మాత్రమే తీసుకోవాలి. చాలా మంది రుచిని పెంచడానికి అందులో చక్కెర కలుపుతారు. ఇలా చేయడం వల్ల బరువు తగ్గడానికి బదులు మరింత పెరుగుతారు.
అలెర్జీల బారిన పడిన వ్యక్తులు- కొంతమందికి మఖానా అలెర్జీ కావచ్చు, దీనివల్ల వారికి చర్మంపై దద్దుర్లు, దురద లేదా ఇతర అలెర్జీ లక్షణాలు కనిపిస్తాయి. మఖానా తిన్న తర్వాత ఒక వ్యక్తికి ఏవైనా అలెర్జీ లక్షణాలు కనిపిస్తే, వారు మఖానాకు దూరంగా ఉండాలి. అలాంటి వారు మఖానా తీసుకునే ముందు వైద్యుడిని సంప్రదించాలి.
గర్భిణీలు మఖానాను పరిమిత పరిమాణంలో తినాలి. మఖానాలో శరీరంలో వేడిని ఉత్పత్తి చేసే కొన్ని అంశాలు ఉంటాయి. దీనిని అధికంగా తీసుకోవడం వల్ల గర్భధారణ సమయంలో అసౌకర్యం కలుగుతుంది. గర్భిణీ స్త్రీలు మఖానా తినవచ్చా లేదా అని ముందుగా వైద్యుడిని సంప్రదించాలి, వారు తినగలిగితే, ఎంత పరిమాణంలో తీసుకోవాలి.