Patika Bellam: పటికబెల్లంతో ఆరోగ్య ప్రయోజనాలు తెలిస్తే..అసలు వదిలిపెట్టరు..!
పంచదారను ప్రాసెస్‌ చెయ్యడానికి ముందు రూపమే పటికబెల్లం. దీనిని కలకండ అని కూడా అంటారు. మిశ్రీ అంటారు. పటికబెల్లం పంచదార కన్నా మంచిది. దీనిని చాలా మంది ఇళ్లల్లో అనేక సందర్భాల్లో ఉపయోగిస్తుంటారు. ఇది ఒక సహజ స్వీటెనర్. ఇది చక్కెర కంటే ఆరోగ్యకరమైన ప్రత్యామ్నాయంగా పరిగణించబడుతుంది. పటిక బెల్లంను పంచదార నుంచి తయారు చేస్తారు. పంచదారను క్రిస్టల్ రూపంలోకి మార్చడం ద్వారా పటిక బెల్లం తయారవుతుంది. ఇది రంగులలో వివిధ రకాలుగా లభిస్తుంది. దీని ఉపయోగించడం వల్ల ఆరోగ్యానికి ఎంతో మేలు కలుగుతుంది. దీని వల్ల కలిగే ఆరోగ్య ప్రయోజనాలు ఏంటో మనం తెలుసుకుందాం.
పటికబెల్లంలో ముఖ్యమైన విటమిన్లు, ఖనిజాలు, అమినో ఆమ్లాలు ఎక్కువగా ఉంటాయి. కేవలం మాంసాహారంలో దొరికే ముఖ్యమైన విటమిన్లు, విటమిన్ బి12 పటికబెల్లంలో ఎక్కువ మొత్తంలో దొరుకుతుంది. మూడు, లేదా నాలుగు దొండ పండ్లను పటికబెల్లం పొడిలో అద్దుకొని తింటూ ఉంటే దగ్గు తొందరగా తగ్గిపోతుంది. పటిక బెల్లం శరీరానికి త్వరిత శక్తిని అందిస్తుంది. రోగనిరోధక శక్తి తక్కువగా ఉన్నవారికి ఈ పటిక బెల్లం తినడం వల్ల శరీరానికి శక్తి లభిస్తుంది.
వేడివేడి పాలల్లో పటికబెల్లం పొడి కలిపి రెండు లేక మూడు పూటలు తాగితే గొంతు బొంగురు తగ్గిపోతుంది. పటికబెల్లం పొడి అరస్పూను, పుదీనా ఆకుల రసం టీ స్పూన్‌ కలిపి రోజూ రెండు లేక మూడు పూటలు సేవిస్తూ ఉంటే దద్దుర్లు తగ్గుతాయి. పటిక బెల్లంలో ఉండే యాంటీ ఆక్సిడెంట్లు రోగ నిరోధక శక్తిని పెంచి, వ్యాధుల నుంచి రక్షిస్తాయి. తరుచు జలుబు, దగ్గు వంటి సమస్యలు తగ్గుతాయి.
వాత, పిత్త , కఫ దోషాల వల్ల కలిగే అనేక రోగాలకు పటికబెల్లం ఔషధంగా పనిచేస్తుంది. పటికబెల్లం కంటి చూపుకి బాగా పని చేస్తుంది. భోజనం తరువాత చిన్న పటిక బెల్లం ముక్క నోట్లో పెట్టుకుంటే కంటికి మంచిది. అరటిపండును పటికబెల్లం పొడితో అద్దుకొని తింటూ ఉంటే నీళ్ల విరేచనాలు తగ్గుతాయి. పటిక బెల్లంలో ఐరన్ పుష్కలంగా ఉండటం వల్ల రక్తహీనతను తగ్గించడంలో సహాయపడుతుంది. మహిళలు పటిక బెల్లం తినడం వల్ల పీరియడ్స్‌లో వచ్చే సమస్యలు తగ్గుతాయని ఆరోగ్యనిపుణులు చెబుతున్నారు.
ఎండాకాలంలో పటికబెల్లం పొడిని నీటిలో వేసుకుని తాగితే అతి దాహం తగ్గడంతో పాటు వడదెబ్బ తగలదు. ఒక్కోసారి అనుకోకుండా ముక్కులోంచి రక్తం వస్తుంది. దీంతో వెంటనే పటికబెల్లం కలిపిన నీటిని బాధితుడికి ఇస్తే రిలీఫ్ లభిస్తుంది. పటిక బెల్లం మగవారిలో వీర్యం క్వాలిటీని మెరుగు పరుస్తుంది.
పటికబెల్లం ముక్కను కొద్దిగా నీళ్లతో అరగదీయగా వచ్చిన ఆ గంధాన్ని తేలు కుట్టిన చోట రాసి మర్దన చేస్తూ ఉంటే 6 నిమిషాల్లో తేలు విషం హరించబడుతుంది. పటిక బెల్లం జీర్ణక్రియను మెరుగుపరచడంలో సహాయపడుతుంది. ఇది మలబద్ధకం, అజీర్ణం వంటి సమస్యలను తగ్గిస్తుంది. దీని పాలతో కలిపి కూడా తీసుకోవచ్చు.
పటిక బెల్లంలో ఐరన్ పుష్కలంగా ఉండటం వల్ల రక్తహీనతను తగ్గించడంలో సహాయపడుతుంది. మహిళలు పటిక బెల్లం తినడం వల్ల పీరియడ్స్‌లో వచ్చే సమస్యలు తగ్గుతాయని ఆరోగ్యనిపుణులు చెబుతున్నారు. కాల్షియం అధికంగా ఉండటం వల్ల ఎముకలను బలపరుస్తుంది. కీళ్ళ, నడుము నొప్పితో బాధపడనేవారు కూడా ఈ పటిక బెల్లం తినడం వల్ల బోలెడు లాభాలు కలుగుతాయి. మార్కెట్‌లో లభించే ఫేస్‌ క్రీముల కంటే ప్రతిరోజు పటిక బెల్లం చర్మాన్ని మెరిసేలా చేసి, ముడతలు పడకుండా కాపాడుతుందని ఆరోగ్యనిపుణులు చెబుతున్నారు.