Oral Cancer: మహిళలకన్నా పురుషులకే ఎక్కువగా నోటి క్యాన్సర్.. కారణం ఇదేనట
మన దేశంలో అత్యధికంగా సంభవించే మరణాలలో క్యాన్సర్ మరణం ఒకటి. దీనిని ప్రభావితం చేసే అత్యంత సాధారణ రకాల క్యాన్సర్లలో ఒకటి నోటి క్యాన్సర్. ఆసియా దేశాలలో భారతీయులు ఈ రకమైన క్యాన్సర్ బారిన అధికంగా పడుతున్నారు. తాజా సర్వేలో ఈ సమాచారం బయటపడింది..
మన దేశంలో అత్యధికంగా సంభవించే మరణాలలో క్యాన్సర్ మరణం ఒకటి. దీనిని ప్రభావితం చేసే అత్యంత సాధారణ రకాల క్యాన్సర్లలో ఒకటి నోటి క్యాన్సర్. ఆసియా దేశాలలో భారతీయులు ఈ రకమైన క్యాన్సర్ బారిన అధికంగా పడుతున్నారు. తాజా సర్వేలో ఈ సమాచారం బయటపడింది.
ఈ అధ్యయనం ప్రకారం.. నోటి క్యాన్సర్ స్త్రీలలో కంటే పురుషులలో రెండు నుండి ఆరు రెట్లు ఎక్కువగా వస్తుంది. పురుషుల్లో ఎక్కువగా కనిపించే ఈ క్యాన్సర్‌కు మద్యం, పొగాకు ఉత్పత్తుల వినియోగం కారణమని వీని పరిశోధనలో తేలింది.
స్త్రీల కంటే పురుషులు త్రాగడానికి, ధూమపానం చేయడానికి చాలా రెట్లు ఎక్కువ ఆసక్తి కనబరుస్తారు. ఆ చెడు అలవాటు నోటి క్యాన్సర్ వచ్చే అవకాశాలను పెంచుతోంది.
నోటి క్యాన్సర్‌కు పొగాకు ఉత్పత్తులు ఎక్కువగా కారణమవుతాయి. బీడీలు, సిగరెట్లు, గుట్కా వంటి పొగాకు ఉత్పత్తులలో 83 క్యాన్సర్ కారకాలు ఉంటాయి. తాజా అధ్యయనం ప్రకారం నోటి క్యాన్సర్‌తో బాధపడుతున్న రోగులలో 80 శాతం మంది పొగాకు ఉత్పత్తులను తీసుకుంటున్నారు.
మద్యం విషయంలోనూ ఇదే సమస్య తలెత్తుతుంది. అయితే నోటి క్యాన్సర్‌కు మద్యం, సిగరెట్లు మాత్రమే కారణం కాదు. ఇది అనేక ఇతర కారణాల వల్ల కూడా సంభవించవచ్చు. అయితే ఈ రెండు వ్యసనాల వల్లనే ఎక్కువ నష్టం వాటిల్లుతుందని ప్రత్యేకంగా చెప్పనవసరం లేదు.