తిరుపతికి సమీపంలో అద్భుతమైన హిల్ స్టేషన్.. మంచు దుప్పట్లు కప్పిన అద్భుత లోకం..! చూద్దాం రండి
సమ్మర్ హాలీడేస్ అనగానే చాలామంది టూర్లకు వెళ్లుంటారు. కొందరు పుణ్యక్షేత్రాలకు వెళ్తుంటారు. మరికొందరు ప్రకృతి అందాలను ఆస్వాదించేందుకు వెళ్తుంటారు. భక్తితో పాటు మంచి నేచర్ని కూడా ఎంజాయ్ చేయాలనుకునే వారు చాలా మంది ఉంటారు. మనం ఓపికగా తిరిగి చూడాలే కానీ.. దేశంలో ఎన్నో అందమైన ప్రదేశాలున్నాయి. చాలామంది నచ్చిన ప్లేస్ అని ఎప్పుడూ ఒకే ప్రాంతానికి టూర్ కి వెళ్తూ ఉంటారు. కానీ అన్ని తిరిగి చూస్తేనే కదా అసలు ప్రకృతి అందాలు ఆస్వాదించేది. అలాంటి బెస్ట్ టూరిస్ట్ ప్లేస్ ఒకటి ఆధ్యాత్మీక క్షేత్రం తిరుపతికి అతి చేరువలో ఉందని తెలిస్తే ఎగిరి గంతేస్తారు.
తిరుపతి, కర్ణాటక పరిసర ప్రాంతాల్లో ఉన్న అత్యంత అందమైన హిల్ స్టేషన్లలో నంది హిల్స్ (Nandi Hills) ఒకటి. ప్రకృతి ప్రేమికులకు, సాహస యాత్రికులకు ఇది ఒక స్వర్గధామం వంటిది. వేసవి ఎండల నుండి ఉపశమనం పొందాలన్నా లేదా ప్రకృతి ఒడిలో కాసేపు సేదదీరాలన్నా గుర్తొచ్చే ప్రదేశం హిల్ స్టేషన్. తిరుపతి, కర్ణాటక సరిహద్దులకు సమీపంలో ఉన్న నంది హిల్స్, పర్యాటకులకు ఒక సరికొత్త అనుభూతిని ఇస్తుంది. నంది హిల్స్ ప్రత్యేకతలేంటో ఇప్పుడు చూద్దాం..
మంత్రముగ్ధులను చేసే సూర్యోదయం: నంది హిల్స్ వెళ్ళే పర్యాటకులు తెల్లవారుజామునే అక్కడ చేరుకుంటారు. కొండ శిఖరం నుండి మేఘాల మధ్య నుండి వచ్చే సూర్యకిరణాలను చూడటం ఒక అద్భుత దృశ్యం. మేఘాలు మన పాదాల కింద ఉన్నాయేమో అనే అనుభూతి కలుగుతుంది.
చారిత్రక కట్టడాలు: ఇక్కడ టిప్పు సుల్తాన్ నిర్మించిన టిప్పు డ్రాప్ (Tipu's Drop) అత్యంత ప్రసిద్ధమైంది. సుమారు 600 మీటర్ల ఎత్తులో ఉండే ఈ శిఖరం నుండి ఒకప్పుడు నేరస్థులను కిందకు తోసేవారని చెబుతారు. అలాగే ఇక్కడి నంది దేవాలయం శివ భక్తులకు ప్రీతిపాత్రమైంది.
ట్రెక్కింగ్, అడ్వెంచర్: కేవలం ప్రకృతి సౌందర్యమే కాకుండా, ఇక్కడ చారిత్రక ప్రాధాన్యత ఉన్న టిప్పు సుల్తాన్ వేసవి విడిది, పురాతన నంది దేవాలయం వంటి ప్రదేశాలు కూడా పర్యాటకులను ఆకట్టుకుంటాయి. సాహసాలను ఇష్టపడే వారికి ఇక్కడ మంచి ట్రెక్కింగ్ మార్గాలు ఉన్నాయి. సైక్లింగ్ చేసేవారికి ఈ కొండ మార్గం ఒక సవాలుతో కూడిన ఆహ్లాదాన్ని ఇస్తుంది.
సముద్ర మట్టానికి సుమారు 4,851 అడుగుల ఎత్తులో ఉన్న నంది హిల్స్, కర్ణాటకలోని చిక్కబళ్లాపూర్ జిల్లాలో ఉంది. ఇది బెంగళూరుకు చాలా దగ్గరగా ఉన్నప్పటికీ, తిరుపతి నుండి వచ్చే పర్యాటకులకు కూడా ఇది ఒక అద్భుతమైన వీకెండ్ డెస్టినేషన్. ఇక్కడి సూర్యోదయ దృశ్యాలు (Sunrise) పర్యాటకులను మంత్రముగ్ధులను చేస్తాయి. చుట్టూ అల్లుకున్న మంచు దుప్పటి, చల్లని గాలులు మరియు పచ్చని ప్రకృతి ఈ ప్రాంతాన్ని ఒక వెస్ట్రన్ ఘాట్స్ అందాల భాండాగారంగా మార్చాయి.ఇక్కడ ఏడాది పొడవునా వాతావరణం ఆహ్లాదకరంగా ఉంటుంది.
ఎలా చేరుకోవాలి?: నంది హిల్స్ బెంగళూరు నుండి కేవలం 60 కిలోమీటర్ల దూరంలో ఉంది. తిరుపతి నుండి వచ్చేవారు సుమారు 250 కిలోమీటర్ల ప్రయాణం చేసి ఇక్కడికి చేరుకోవచ్చు. మీరు సొంత వాహనంలో వెళ్తే ఆ కొండ మలుపుల ప్రయాణం చాలా ఉత్సాహంగా ఉంటుంది. బిజీ లైఫ్ నుండి విరామం తీసుకుని తక్కువ బడ్జెట్లో మంచి హిల్ స్టేషన్ని సందర్శించాలనుకుంటే నంది హిల్స్ ఒక బెస్ట్ ఆప్షన్. మీ తదుపరి ట్రిప్ కోసం ఈ ప్రదేశాన్ని ఖచ్చితంగా మీ లిస్ట్లో చేర్చుకోండి.