3,150 వజ్రాలు.. మిస్ యూనివర్స్ కొత్త కిరీటం ప్రత్యేకతలు ఇవే!
121 దేశాల నుండి వచ్చిన పోటీదారులు ప్రతిష్టాత్మకమైన టైటిల్ కోసం పోటీ పడుతుండటంతో, మిస్ యూనివర్స్ 2026 తుది ఘట్టం వైపు దూసుకుపోతోంది. ఈ అంతర్జాతీయ అందాల పోటీ 75 ఏళ్లు పూర్తి చేసుకున్న సందర్భంగా జరుపుకుంటున్న వేడుకల్లో భాగంగా మిస్ యూనివర్స్ కొత్త కిరీటం ఆవిష్కరించారు.
121 దేశాల నుండి వచ్చిన పోటీదారులు ప్రతిష్టాత్మకమైన టైటిల్ కోసం పోటీ పడుతుండటంతో, మిస్ యూనివర్స్ 2026 తుది ఘట్టం వైపు దూసుకుపోతోంది. ఈ అంతర్జాతీయ అందాల పోటీ 75 ఏళ్లు పూర్తి చేసుకున్న సందర్భంగా జరుపుకుంటున్న వేడుకల్లో భాగంగా మిస్ యూనివర్స్ కొత్త కిరీటం ఆవిష్కరించారు.
నవంబర్ 13న జరగనున్న అద్భుతమైన స్విమ్‌సూట్ రన్‌వే కోసం ఆ సంస్థ సన్నాహాలు చేయడంలో నిమగ్నమై ఉంది. కానీ , పోటీ పూర్తిస్థాయిలో ప్రారంభం కావడానికి ముందు ఈ వజ్రాల కిరీటం మన ముందుకొచ్చింది. పోటీల నిర్వాహకులు నవంబర్ 12న కిరీటాన్ని ఆవిష్కరించాలని నిర్ణయించారు.
మిస్ యూనివర్స్ ఆర్గనైజేషన్ యొక్క అధికారిక ఇన్‌స్టాగ్రామ్ హ్యాండిల్, కళ్లు చెదిరే ఆ కిరీటం యొక్క ఒక చిత్రాన్ని పంచుకుంది. ఆ క్యాప్షన్‌లో ఇలా ఉంది, "' శాశ్వత వారసత్వపు తేజస్సు' ను పరిచయం చేస్తున్నాము. 3,150 వజ్రాలు, 75 సంవత్సరాల చరిత్ర, మిస్ యూనివర్స్ యొక్క గతం, వర్తమానం, భవిష్యత్తును వేడుకగా జరుపుకునే ఒక అసాధారణమైన కిరీటం."
అయితే, కిరీటం వెనుక భాగంలో ‘75’ అనే నెంబర్ కనిపిస్తుంది. అలాగే దీనిలో ఉండే 3 ప్రధాన వజ్రాలు మిస్ యూనివర్స్ యొక్క గతం, వర్తమానం, భవిష్యత్తును సూచిస్తాయి. గత ఏడున్నర దశాబ్దాలుగా మహిళల సాధికారతకు, ప్రపంచవ్యాప్తంగా వారు సాధించిన విజయాలకు ఈ కిరీటం ఒక గొప్ప నివాళి అని నిర్వాహకులు తెలిపారు.
నవంబర్ 24న జరగనున్న మిస్ యూనివర్స్ గ్రాండ్ ఫినాలేలో ప్రస్తుత మిస్ యూనివర్స్ ఫాతిమా బాష్ తన వారసురాలికి ఈ కొత్త కిరీటాన్ని అలంకరించనున్నారు. ఈ పోటీ యొక్క 75వ వజ్రోత్సవాన్ని పురస్కరించుకుని జార్జ్ విట్టెల్స్ , మైసన్ డి' ఓఆర్ ఈ కిరీటాన్ని ఆవిష్కరించారు.