మిల్లెట్స్ అని తీసి పారేయకండి.. దీంతో, ఎన్ని ఉపయోగాలు ఉన్నాయో తెలుసా?
కొందరు చిరుధాన్యాలను తినకుండా దూరం పెడుతుంటారు. వీటితో మన శరీరానికి అనేక ప్రయోజనాలు ఉన్నాయి. అందుకే ఇవి మార్కెట్లో కూడా అధిక ధరకు పలుకుతున్నాయి. మనకి అన్ని రకాలుగా ఉపయోగపడతాయి. కాబట్టి ఇప్పటి నుంచైనా మీరు వీటిని తినడం అలవాటు చేసుకోండి.
మిల్లెట్స్ గురించి ప్రత్యేకించి చెప్పాల్సిన అవసరం లేదు. వీటిలో పోషక విలువలు అధికంగా ఉంటాయి. ప్రోటీన్, ఫైబర్, మెగ్నీషియం, పొటాషియం, జింక్ వంటి సూక్ష్మపోషకాలతో సహా పోషకాలకు గొప్ప మూలం.
మిల్లెట్స్ లో తక్కువ గ్లైసెమిక్ ఉంటుంది. ఇది బ్లడ్ లో షుగర్ లెవెల్స్ ను పెంచకుండా చూసుకుంటుంది. అంతే కాదు, ఇది డయాబెటిస్ ఉన్నవారికి మంచి ఫుడ్ అని చెప్పొచ్చు.
పెద్దప్రేగు క్యాన్సర్: మిల్లెట్లో ఉండే అధిక ఫైబర్ కంటెంట్ జీర్ణ ఆరోగ్యాన్ని ప్రోత్సహిస్తుంది. అంతే కాదు, ఇది మలబద్ధకాన్ని నివారిస్తుంది. అలాగే, పెద్దప్రేగు క్యాన్సర్ ప్రమాదాన్ని కూడా ఇది తగ్గిస్తుంది.
బరువు తగ్గడం: మిల్లెట్లలో తక్కువ కేలరీలు ఉంటాయి. అవి బరువు తగ్గడానికి ఉపయోగపడతాయి. ఇవి రోజులో ఒక్కసారి తీసుకుంటే రోజంతా శక్తినిస్తుంది. అలాగే చిరుతిండి, అతిగా తినడాన్ని కూడా నివారిస్తాయి.
రోగనిరోధక శక్తి తక్కువగా ఉన్న వారు వీటిని తీసుకోవడం వలన యాక్టీవ్ గా ఉంటారు. అలాగే, శరీరంలో రోగనిరోధక శక్తిని బలోపేతం చేసేందుకు సహాయపడతాయి. రోగనిరోధక వ్యవస్థ బలంగా ఉంటే ఏ వ్యాధులు కూడా మిమల్ని ఏం చేయలేవు.