మీ ఆరోగ్యం మీ ప్లేట్లోనే.. బాడీకి బూస్ట్ ఇచ్చే జొన్న బిస్కెట్లు.. రోజంతా ఫుల్ ఎనర్జీ!
జొన్నలు చాలా బలం ఇక వీటితో తయారుచేసే జొన్న బిస్కెట్లు శరీరానికి మేలు చేస్తాయి. ఎందుకంటే, ఫైబర్, ప్రోటీన్, ఐరన్ వంటి ముఖ్యమైన పోషకాలు ఉంటాయి. అయితే, వీటిని ఈ టిఫిన్ గా లేక సాయంత్రం టీతో పాటు ఎంచక్కా తినొచ్చు. ఎలా చేసుకోవాలంటే
మిల్లెట్స్ గురించి ప్రత్యేకించి చెప్పాల్సిన అవసరం లేదు అయితే వాటిలో జొన్నలు చాలా బలం ఇక వీటితో తయారుచేసే జొన్న బిస్కెట్లు శరీరానికి మేలు చేస్తాయి. ఎందుకంటే, ఫైబర్, ప్రోటీన్, ఐరన్ వంటి ముఖ్యమైన పోషకాలు ఉంటాయి. అయితే, వీటిని ఈ టిఫిన్ గా లేక సాయంత్రం టీతో పాటు ఎంచక్కా తినొచ్చు. ఎలా చేసుకోవాలంటే
జొన్న బిస్కెట్లకి కావాల్సిన పదార్థాలు: ఒక కప్పు జొన్న పిండి , అర కప్పు గోధుమ పిండి, అర కప్పు బెల్లం పొడి , పావు కప్పు నెయ్యి లేదా వెన్న, అర టేబుల్ స్పూన్ యాలకుల పొడి , అర టీ స్పూన్ బేకింగ్ పౌడర్, కొద్దిగా చిటికెడు ఉప్పు, ఒక కప్పు పాలు, మూడు రకాల డ్రై ఫ్రూట్స్ ను తీసుకోవాలి. మీరు దీనిలో పంచదారకు బదులు బెల్లాన్ని తీసుకోవచ్చు.
జొన్న బిస్కెట్లు తయారీ విధానం : ముందు ఒక చిన్న గిన్నెలో కొద్దిగా జొన్న పిండి, బేకింగ్ పౌడర్, సరిపడా ఉప్పు, గోధుమ పిండి వేసి ఆ తరవాత దీనిలో బెల్లం పొడి, యాలకుల పొడి, కొద్దిగా నెయ్యి మిక్స్ అయ్యేలా కలుపుకోవాలి. ఇంకా దీనిలో పాలు పోస్తూ గట్టి పిండిలా కలుపుకోవాలి. కలిపిన తరవాత ఈ పిండిని 15 నిమిషాలు పాటు మూతపెట్టి పక్కన ఉంచుకోవాలి.
ఈ పిండిని చపాతి లాగా చేసుకుని ఆ తరవాత బిస్కెట్ సైజ్ లో ముక్కలుగా కట్ చేయాలి . ఆ తరవాత బేకింగ్ ట్రేలో బిస్కెట్లను పెట్టి . 180°C వద్ద వేడి చేసిన తర్వాత ఓవెన్లో 10 నిమిషాలు పాటు బేక్ చేయాలి. ఇవి రంగు మారే వరకు దానిలోనే ఉంచండి. ఆ తరవాత వీటిని బయటకు తీసి ఫ్యాన్ కింద పెట్టి 5 నిముషాల తరవాత తినాలి.
జొన్న బిస్కెట్లు తినడం వలన లాభాలు ఇవే: ఈ జొన్నల్లో అధికంగా ఫైబర్ ఉంటుంది దీని వలన తిన్న వెంటనే జీర్ణం అవుతుంది అలాగే జీర్ణక్రియ పనితీరు కూడా మెరుగుపడుతుంది. ఇంకా ఇవి ఎక్కువసేపు ఆకలి వేయనివ్వదు ఎందుకంటే ఒకసారి తింటే కడుపు నిండిన అనుభూతి వస్తుంది. రోజూ రెండు జొన్న బిస్కెట్లు తింటే రోజంతా శక్తివంతంగా ఉంటారు.